2 Lëk 6:11 - JAM DE NHIALIC 2011

¹¹ Yɛn cï athänduŋ de män ë Bɛ̈nydït tääu thïn, kë de yic pɛɛm ke löŋ cïï Bɛ̈nydït mac kekë kɔc ke Yithriɛl.”

2 Lëk 6:11 ပူးပေါင်းရင်းမြစ်များ

1 Mel 8:21

Ku yɛn cï athänduŋ de mät de yic kur ke män ɣɔn looi ë Bɛ̈nydït kekë kuarkuɔ, ɣɔn bïï Yen keek bei ë Rip luöi tëdɛn bïï kek tɔ̈u thïn ë Luaŋdït yic.”

1 Mel 8:9

Acïn kë nu athändukic, ee pɛɛm ke kur kaarou ɣɔn cïï Mothe ke tääu ëtɛ̈ɛ̈n në kuur ë Thinai nɔm, të ɣɔn mɛcë Bɛ̈nydït löŋ kekë kɔc ke Yithriɛl, ɣɔn bïï kek bei ë Rip.

2 Lëk 5:10

Acïn ke tɔ̈u në athänduŋ de mätic, ee pɛɛm kaarou de lööŋ kapäc, ka wään bïï Mothe ke tääu thïn ë kuur de Thinai, të wään bïï Bɛ̈nydït mät looi ke kɔc ke Yithriɛl wään bïï kek bei ë Rip.

2 Lëk 5:7

Go bäny ke kake Nhialic athänduŋ de män ë Bɛ̈nydït lɛɛr ɣöt ë biäk thïn tëde, ku tɛ̈ɛ̈ukï tëɣeric aläl në wuök ke cerubiim thäär.

2 Lëk 6:10

“Ënɔɔnë Bɛ̈nydït acï gutguutde döt: yɛn cï nyin de wäär dɔm ke ya ye melik de Yithriɛl, ku yɛn cï Luaŋdït yïk, të bïï ë Bɛ̈nydït, Nhialic de Yithriɛl aa lam thïn.

2 Lëk 6:12

Na wën ke Tholomon ë kääc ë yïïŋ de Bɛ̈nydït nɔm në amatnɔm de Yithriɛl nɔm ku jɔt yecin nhial ke läŋ.

Diɛt 50:5

Aye lueel an, “Mätkï röt kɔckiën adööt, kɔc wään mac löŋ në Yɛn, në miɔ̈c näk!

Bɛ̈n 40:20

Ku jɔ kur cï gɔ̈ɔ̈r kɔ̈ɔ̈th kaarou tääu në athänduŋ de mätic. Ku rïïu akum në athänduk nɔm.

Ɣeberuu 9:4

Ku kak ee nu thïn ee yïïŋ de nyum ë wal ŋïr cï cuëëc adhääp, ku athänduŋ de mät cï paat kɔ̈u piny në adhääp ëbɛ̈n ku ade yic käŋ kadiäk, kë tueŋ ee tööny adhääp de yic kuïn cɔl mana, kë ye kek rou ee thieny ë Aron wään cï kɔn nyok ku moc gaak, ku jɔ ya pɛɛm cï löŋ cï mac gäär ë kekɔ̈ɔ̈th.