2 Lëk 5:13 - JAM DE NHIALIC 2011

¹³ Kɔc koth kɛŋ, ku kɔc ket diɛt, acïk ke röt mat abï ciët röl ë raan tök, bïk lɛc ku dhuëëŋ gäm Bɛ̈nydït. Ku ciɛthkï në lɔ̈r, ku kɛŋ ku thom, acïk ke röl jat nhial ku yek Bɛ̈nydït leec ku lëkkï thieithieei ë diɛt an, “Pianykï Bɛ̈nydït në biäk de piɛthde, Ku nhiëërdɛn agɔk atɔ̈u athɛɛr.” Na wën aa jɔ bäny ke kake Nhialic Luaŋdït nyääŋ piny, go guɔ thiäŋ ëthiäu ke luäät, ku riau de ɣɛɛr ë Bɛ̈nydït,

2 Lëk 5:13 ပူးပေါင်းရင်းမြစ်များ

1 Lëk 16:4

Go Debid kɔc ke Lebai kuany bïk Bɛ̈nydït, Nhialic de Yithriɛl aa luööi në athänduŋ de mät nɔm, ku bïk aa lam, ku yek leec, ku bïk Bɛ̈nydït, Nhialic de Yithriɛl aa piɔɔny.

2 Lëk 20:21

Na wën aa cï kë lueel ë kɔc piŋ, ke melik ë cɔl kɔc ee diɛt ket bïk lupɔɔkɛn bär tääu, lupɔɔ ke kööl de dhuëëŋ ɣeric, ku lekï tueŋ në rem ë tɔŋ nɔm, ke ke leec Bɛ̈nydït në diɛt an, “Lɛckï Bɛ̈nydït! Nhiëërdɛn agɔk atɔ̈u athɛɛr!”

2 Lëk 20:22

Na wën aa gɔlkï kiët ku alɛɛc, go Bɛ̈nydït anuɔɔn ku mum ë nɔm dɛ̈ny rem de tɔŋ wään bïï tɔŋ.

2 Lëk 7:1

Na wën cï Tholomon thök ë lɔ̈ŋ, go mac löny nhial ku nyop miɔ̈c wën cï gam, ku thiäŋ riau de dhuëëŋ de Bɛ̈nydït Luaŋdïtic.

2 Lëk 7:2

Go ciën të tëëk ë bäny ke kake Nhialic në luɔi cï riau de dhuëëŋ ë Bɛ̈nydït Luaŋdït thiɔ̈ɔ̈ŋic.

2 Lëk 7:3

Na wën cï mïth ke Yithriɛl mac tïŋ ke löny nhial ku thiäŋ ɣɛɛr Luaŋdïtic, gokï kenïïm guöt piny, ke ke lam Bɛ̈nydït, ku leckï nɔm ku piɔnykï an, “Yen apiɛth, ku nhiëërdɛn agɔk atɔ̈u athɛɛr.”

2 Lëk 7:6

Go bäny ke kake Nhialic kɔ̈ɔ̈c tëdɛn cï nyuöth keek, ku jɔ kɔc ke Lebai kenïïm wɛ̈l keek, ke ke lec Bɛ̈nydït nɔm në kake kiët ka wään bï melik Debid ke bɛ̈ɛ̈i ku ket diɛt an, “Nhiëërdɛn agɔk atɔ̈u athɛɛr!” Go bäny ke kake Nhialic kɛŋ kooth ke ke rek röt piny në Lebai, go kɔc ke Yithriɛl kɔ̈ɔ̈c kedhie.

Edhr 3:11

Gokï ket në diɛt piɔɔny kek Bɛ̈nydït ku jɔkï pal ke ke wëër diɛt në kët, an: “Bɛ̈nydït apiɛth, ku nhiëërdɛn agɔk atɔ̈u athɛɛr ke Yithriɛl.” Go kɔc kedhie kiɛɛu moc ë röldït wën piɔɔny kek Bɛ̈nydït, në biäk cïï këërkëër de Luaŋdït tääu piny.

Neɣe 12:27

Ɣɔn gëmë Nhialic kal ë pänydït de Jeruthalem cï piac looi, kɔc ke Lebai aake cï bɛ̈n lɔ bɛ̈ɛ̈i ɣäänkɛn rëër kek thïn, në biäk bïï kek röt bɛ̈n mat ë dhuëëŋ dïït de kal gëmë Nhialic bï thieei agokï kake miɛtëpiɔ̈u looi në kiët kiit kek diɛt ke piɔ̈ny ku lec leecë Nhialic nɔm në lɔ̈r ku thom ku kɛŋ.

Diɛt 100:5

Bɛ̈nydït apiɛth, ku nhiëërdɛn agɔk ee tɔ̈u athɛɛr, ku piɔ̈ndɛn adöt ee tɔ̈u ke rɛm ëbɛ̈n.

Diɛt 106:1

Lɛckï Bɛ̈nydït! Gämkï Bɛ̈nydït lɛc, në biäk de piathde, nhiëërdɛn agɔk atɔ̈u athɛɛr.

Diɛt 107:1

“Gämkï Bɛ̈nydït lɛc, në biäk de piathde, ku nhiëërdɛn agɔk atɔ̈u athɛɛr!

Diɛt 118:1

Gämkï Bɛ̈nydït lɛc, në biäk piɛth En, ku nhiëërdɛn agɔk atɔ̈u athɛɛr.

Diɛt 150:3

Lɛckï ë kɛŋ. Lɛckï ë diɛt ke thom ku aruöör.

Diɛt 150:5

Lɛckï ke we koth aruöör. Lɛckï ke we koth aruöör ë röldït.

Diɛt 22:4

Kuarkuɔ acïk aŋäthden tääu ë Yïguöp, aŋäthkï yïn, ku acï ke kony.

Diɛt 81:2

Galkï kiët ku guötkï lɔ̈ɔ̈r, kiɛtkï diɛt në thom kekë aruöör.

Bɛ̈n 29:43

Ku Yɛn bï aa mat wokë kɔc ke Yithriɛl ëtɛ̈ɛ̈n, ku ëtɛ̈ɛ̈n abï dhuëëŋdï tɔ piɛth.

Yith 52:8

Kɔc ee pänydït tiit në ayek wuou në miɛtëpiɔ̈u! Ayek tïŋ në kenyïïn, yen luɔi puk ë Bɛ̈nydït yenɔm Dhiɔn!

Jeremia 32:39

Ku abä ke gäm täŋ tök në pïïric: ee luɔi bïk kek Yɛn aa riëëu akööliic ëbɛ̈n, në biäk de piathden ku piath de kuatden.

Jeremia 33:11

awuɔɔu de miɛtëpiɔ̈u ku dhuëëŋ de monythiëk ku nyan thiak bɛ piŋ. Yïn bï kɔc bɛ piŋ akït ke ke bïï miɔ̈c de miɛtëpiɔ̈u ɣöndiën ë Bɛ̈nydït, abïk aa lueel an, ‘Gämkï Bɛ̈nydït de rɛm alɛɛc, në biäk piɛth En, ku nhiëërdɛn agɔk atɔ̈u athɛɛr.’ Yɛn bï ee pinyë bɛ tɔ kueth cït man wään kɔn en tɔ̈u. Acä lueel, Yɛn Bɛ̈nydït.”

Luɔi 4:32

Ku tɔ̈u kut ë kɔc cï gam në piɔ̈n tök ku në jam tök: ku acïn raan ee ye lueel në ka cath ë yen an, ee kake yenguöp, ayek rɔm ëtök në käŋ kedhie.

Romai 15:6

ke we bï Nhialic aa lɛc nɔm në piɔ̈n tök ku në thoŋ tök, yen aye Wun Bɛ̈nydan Yecu Kërtho.

Nyuuth 15:8

Go luaŋdït thiäŋ ke tol në dhuëëŋ de Nhialic, ku në riɛldɛn dït: ku acïn raan duëër lɔ luɛɛk të ŋoot ë ka ye piny riɔ̈ɔ̈k kadhorou ke ke kën guɔ thök, kak ë muk tuucnhial kadhorou.