2 Lëk 5:10 - JAM DE NHIALIC 2011

¹⁰ Acïn ke tɔ̈u në athänduŋ de mätic, ee pɛɛm kaarou de lööŋ kapäc, ka wään bïï Mothe ke tääu thïn ë kuur de Thinai, të wään bïï Bɛ̈nydït mät looi ke kɔc ke Yithriɛl wään bïï kek bei ë Rip.

2 Lëk 5:10 ပူးပေါင်းရင်းမြစ်များ

2 Lëk 6:11

Yɛn cï athänduŋ de män ë Bɛ̈nydït tääu thïn, kë de yic pɛɛm ke löŋ cïï Bɛ̈nydït mac kekë kɔc ke Yithriɛl.”

Bɛ̈n 19:5

Ku ënɔɔnë, na bäk Ɛn piŋ thok ku dɔ̈tkï löŋdï, ke we bï aa kɔc ke naamdï. Piny nɔm ëbɛ̈n ee këdï, ku we bï ya kɔckï kɔc cä ke lɔc.

Bɛ̈n 31:18

Na wën, aacï Nhialic thök në jam jiëëm en Mothe, në Kuur ë Thinai nɔm, ke gëm Mothe pɛɛm ke kur cï gɔ̈ɔ̈r kɔ̈ɔ̈th kaarou, kur cï Nhialic guöpde lööŋ gäär ë kekɔ̈ɔ̈th.

Bɛ̈n 32:19

Na wën ɣëët Mothe tëthiɔ̈k, ku tïŋ miɔɔr, ku tïŋ kɔc acɔ̈ŋ, ke riääk piɔ̈u arëët. Go kur wën ɣɛ̈ɛ̈c cuat piny ë kuur thar ëtɛ̈ɛ̈n, agokï kɔ̈ɔ̈th dhuɔɔŋ.

Bɛ̈n 34:1

Na wën, ke lëk ë Bɛ̈nydït Mothe an, “Ŋuith pɛɛm ke kur kaarou, kur cït kur wään tueŋ. Ku bɛ̈ɛ̈i yë keek bä ke bɛ̈n gäär kɔ̈ɔ̈th lööŋ wään cä kɔn gäär ë kur tueŋkë kɔ̈ɔ̈th kaarou, kur wään bä ke dhoŋ kɔ̈ɔ̈th.

Bɛ̈n 40:20

Ku jɔ kur cï gɔ̈ɔ̈r kɔ̈ɔ̈th kaarou tääu në athänduŋ de mätic. Ku rïïu akum në athänduk nɔm.

Nyöŋ 29:1

Kakë ayek cök ke lööŋ cï Bɛ̈nydït lɛ̈k Mothe, bï ke mac kekë kɔc ke Yithriɛl piny de Mowap, kakë kedhie lɔ në män wään cïï Bɛ̈nydït kɔn mac ke keek në kuur de Thinai nɔm.

Ɣeberuu 9:4

Ku kak ee nu thïn ee yïïŋ de nyum ë wal ŋïr cï cuëëc adhääp, ku athänduŋ de mät cï paat kɔ̈u piny në adhääp ëbɛ̈n ku ade yic käŋ kadiäk, kë tueŋ ee tööny adhääp de yic kuïn cɔl mana, kë ye kek rou ee thieny ë Aron wään cï kɔn nyok ku moc gaak, ku jɔ ya pɛɛm cï löŋ cï mac gäär ë kekɔ̈ɔ̈th.