2 Lëk 36:23 - JAM DE NHIALIC 2011

²³ “Ku jam ë lueel Thairuth kï, melik de Perthia an: Bɛ̈nydït, Nhialic de paannhial, acï ya looi ke ya ye bɛ̈ny de piny nɔm ëbɛ̈n, ku acï yɛn gäm luɔi bän ɣönde tɔ yïk në Jeruthalem ë Juda. Ënɔɔnë, week wedhie wek kɔc ke Nhialic, lakkï ëtɛ̈ɛ̈n, ku Bɛ̈nydït Nhialicdun abï tɔ̈u ke week.”

2 Lëk 36:23 ပူးပေါင်းရင်းမြစ်များ

1 Lëk 22:16

kake adhääp, ku ateek, ku maläŋ, ku wëëth. Jɔ luɔi gɔl ënɔɔnë, ku Bɛ̈nydït abï tɔ̈u ke yïn.”

1 Lëk 29:5

ku jɔ aa kajuëc kɔ̈k bïï atëët ee cuëc ke looi, kake adhääp abï ke looi adhääp, ku kake ateek abïï ke looi ateek, ku ënɔɔnë eeŋa däŋ kɔɔr bï miɔ̈c gäm Bɛ̈nydït ë miɛtëpiɔ̈u?”

2 Lëk 36:22

Na ɣɔn ë ruöön tueŋ ye Thairuth melik de Perthia, go jam de Bɛ̈nydït ɣɔn cï Jeremia lueel aa yic. Go Bɛ̈nydït Thairuth melik de Perthia jɔt piɔ̈u, bï jam lɛ̈k kɔc, ku gɛ̈ɛ̈r ë awerekic, bï lɔ kuën kɔc ke pinyde kedhie:

Edhr 1:1

Na ɣɔn ë ruöön tueŋ cïï Thairuth Melik de Perthia aa Melik de Babilon, go Bɛ̈nydït Melik Thairuth gut piɔ̈u, në biäk bïï jam aa yic, jam wään cïï Bɛ̈nydït lueel në röl ë tiët Jeremia an bïk bɛ̈n ciëën. Ago Thairuth tɔ gɛ̈ɛ̈r këdäŋ piny, ku tɔ kë cï gɔ̈ɔ̈r ciɛɛlë ë wuötke yiic kedhie, ku kën ë gɛ̈ɛ̈r kï:

Edhr 7:13

“Kë luɛɛl kï: yɛn cï löŋ tääu piny në biäk de kɔc ke Yithriɛl, ku tɔ̈u bänykɛn ke kake Nhialic thïn, ku Lebai, tɔ̈u në ee piny macë yic, të de yen kɔc kɔɔr lɔ Jeruthalem ka bïk cath në yïn.

Diɛt 136:26

Gämkï lɛc Nhialic de paannhial, nhiëërdɛn agɔk atɔ̈u athɛɛr.

Yith 41:2

“Eeŋa yen ë bïï raan bï kɔc bɛ̈n tiaam, të lɔ aköl amiäk, ku jɔ rɔt looi ke ye raan cï tiam në ɣään cïï yen ke lɔ thïn kedhie? Eeŋa tɔ ye tiam meliik ku juöör? Aye abätäude ke yuöp piny cït abuui. Aye dhɛ̈ŋke ke riäär piny cï wal gɔp ë yom.

Yith 44:5

“Abïï kɔc aa lueel ëtök tök nɔn ee Yɛn Bɛ̈nydït. Abïk bɛ̈n mɛ̈tkï röt kɔc ke Yithriɛl. Ku raan ëbɛ̈n abï kïn de rin ke Bɛ̈nydït aa gɔ̈ɔ̈r në ye kaam ku yek röt cɔɔl an wok ee kɔc ke Nhialic.”

Yith 45:13

Yɛn cï Thairuth jat nhial ë piathëpiɔ̈u bïï ka cä lɛ̈k en looi, ku jɔ käŋ kiɛm piny apiɛth. Yɛn bï kueerdɛn ee yen tëëk thïn tɔ lɔ riny. Abï pänydiën dït Jeruthalem nyɔk në yïk, ku tɔ kɔckiën cï peec tɔ lääu nïïm. Acïn raan cï yen riɔp, ku cïn raan cï yen kumthok bïï ee kënë looi.” Acïï Bɛ̈nydït de rɛm lueel.

Jeremia 27:6

Ku ënɔɔnë Yɛn cï piinykë gäm Nebukadnedhar, melik de Babilon lïmdï, ku acä gäm läi roor ayadäŋ bïk yen luööi.

Danyel 2:21

Ee akööl muk ayï nïn Ee meliik bɛ̈ɛ̈i ku nyiɛɛi keek Ee yen ee pɛlënɔm gäm kɔc pelnïïm ku gëm ŋïnydekäŋ kɔc ee käŋ yökiic.

Danyel 2:37

Yïn melik. Yïn adït në meliik ëbɛ̈n. Nhialic de paannhial acï yïn gäm ciɛɛŋ, ku gëm yïn riɛl, ku ŋeeny ku dhuëëŋ.

Danyel 4:35

Ee kɔc ke pinynɔm tïŋ ke ke cie këdäŋ, Tuuc nhial nu nhial ku kɔc nu pinynɔm anukï në yeciin. Ku acïn raan duëër këde piɔ̈nde jɔ̈ɔ̈ny ku cïn raan ee kë looi dhɔ̈ŋic

Danyel 5:18

“Nhialic dït acï wuur Nebukadnedhar tɔ ee melik dït, ku gëm dhuëëŋ ku riëëu.

Danyel 5:23

Yïn cï kërac luöi Bɛ̈nydït de paannhial abä cuöp ku aduuk ë nöm keek ë Luaŋdït yic bɛ̈ɛ̈i. Ku dek mɔ̈u ë ke yiic, yïn wekë adhuëëŋku, ku diëërku, ku diëër määthku, ku jakï yiëth lɛc nïïm, yiëth ë loi, në adhääp, ku ateek, ku maläŋ ku wëëth, ku tiim ku kuur, yiëth cïï duëër daai ku cïkï pïŋ, yiëth cïn kë ŋickï taitai. Ku yïn kën Nhialic riëëu, Nhialic ŋic luöi duëër yïn pïïr ku nɔn bä thou, ku yen amuk këriëëc ye looi ëbɛ̈n.

Danyel 5:28

Tëŋë yic, ciɛɛŋdu acï tekic ku acï gäm Mede ku Perthia.

Danyel 6:28

Go Danyel jɔ kuɛth në akööl ke bääny de Dariouth yic ku akööl ke bääny de Thairuth raan ë Perthia.

Maika 4:10

Dhiaukï arëët wek kɔc ke nyan de Dhiɔn, cït man ë tiiŋ cïï arɛɛm ë dhiëth nuaan, në biäk bïï ë we jat wei ë pänydït yic ënɔɔnë, ku lak rëër roor baaŋ të cïn ɣööt. Wek bïï lɛɛr Babilon, yen të bï we lɔ luök thïn ka. Bɛ̈nydït abï we lɔ wɛ̈ɛ̈r bei ëtɛ̈ɛ̈n në kɔckuön ke ater cin.

Romai 8:31

Buk ŋö jɔ lueel në këde kake? Të mɛtë Nhialic ke wook, ke eeŋa bï dɛ ater ke wook?