2 Lëk 36:16 - JAM DE NHIALIC 2011

¹⁶ Gokï tuuc ke Nhialic dɔl gup, ku dhɛ̈lkï wëlkɛn lueelkï yiic, ku buikï tïtke gup, aɣët abï agönh de Bɛ̈nydït dït në kɔcke gup ku cïn luɔi bïï ë kɔc ban.

2 Lëk 36:16 ပူးပေါင်းရင်းမြစ်များ

2 Mel 2:23

Go Elica jäl ë Jeriko le Bethel, na wën aa jɔ cath kueer, go wäthii bɛ̈n bei wutic ku getkï guöp, ke yek lueel an, “Anɔm baar lɔ nhial Anɔm baar lɔ nhial!”

1 Lëk 19:4

Go Ɣanun tuuc ke Debid dɔm ku muut kethook, ku tem lupɔɔken ë ke ɣöi, ku tɔ keek puk röt ciëën.

2 Lëk 24:19

Go Bɛ̈nydït keek tuöc tït bï keek lɔ jɔ̈ɔ̈ny agokï röt pɔ̈k yen, go kɔc bɛ̈n jaai ku cïkï piŋ thok.

2 Lëk 30:10

Go tuuc lɔ ë wuöt kedhie yiic, wuöt ke dhiën ë Eparaim ku Manatha, ku ɣetkï tëmec të lɔ rut de dhiën ë Dhebulun, go kɔc keek dɔl gup ku buikï keek.

Edhr 5:12

Ku kë cïï kuarkuɔ Nhialic de paannhial tɔ göth, yen acïï keek bɛ̈n than ë Nebukadnedhar cin, raan ë jur cɔl Kaladayo, Melik de Babilonia, raan ee yen ë riäk luaŋdït ku peec kɔc leer ke Babilonia.

Neɣe 9:26

“Ku kɔcku acïk jaai ku reeckï Yïthok, acïk kekɔ̈ɔ̈th wɛ̈l lööŋku, acïk tïtkuön ee keek yɔ̈ɔ̈k nɔ̈k, kɔc ee keek yɔ̈ɔ̈k bïk röt dɔ̈k Yïn, keek ayek Yï läät në län rac në thaar nyin ëbɛ̈n.

Neɣe 9:30

Ruöönë ee lɔ në ruöönë cök ke ke ye yɔ̈ɔ̈k në piɔ̈n lir, ku thiäŋ tïtku në Wëidït bïk keek jääm, ku kɔcku acïk aa mïŋ, ka cï keek tɔ pec ë juöör kɔ̈k.

Diɛt 35:16

Agokï ya aa geet guöp cït ka get aduany, ku kɛ̈ɛ̈ckï kecin në këdï ke ke cï ŋeeny.

Diɛt 74:1

Nhialic, eeŋö nyiëëŋ Yïn wo piny aya? Bä ya gɔ̈th wekë kɔcku aɣet athɛɛr?

Kɛ̈ŋ 29:1

Raan ee cool ë jiëënyë yen ku cïï gäm, ee bɛ̈n dhuɔŋ ëthiäu ku acie bɛ piath anande.

Kɛ̈ŋ 6:15

Në baŋ de ee kënë, abï riääk keek mook ëthiäu të cïn lëk, riääk cïï kek bï kɔn bɛ piath ananden.

Yith 28:22

Duökï yöök cän we yɔ̈ɔ̈k puk ke ee kë gɛɛt wek a guöp! Të la week e looi, abï yic riɛl yen pothdun. Yɛn cï kë cï Bɛ̈nydït Awärjäŋ lueel piŋ, luɔi cïï Yen e dhel nɔn bï yen wut riɔ̈ɔ̈k ëbɛ̈n.

Yith 5:4

De kë cä wööc kë kɛ̈n luöi yen? Ka eeŋö tɔ ye lok në enap kec ke cie mïth ke enap piɛth ee kek ë ŋääth?

Yith 57:4

Eeŋa këduön jakï dɔl guöpë? Eeŋa këduön yak lɛ̈k lueth ku bɔ̈ikï?

Yith 65:12

Abï aa thök de pïïrdu bä thon në tɔŋ, në biäk kɛ̈n wek cɔ̈tdï puk nɔm wään caal ɛn week, ku kɛ̈nkï piŋ wään jam ɛn wo week. Acäk lɔc bäk a rɛɛc thok ku luɔikï karɛc.

Jeremia 13:10

Kek ee kɔc rɛckë acïk jaai bïk A riëëu. Acïk nïïm riɛl arëët ku jɔkï rac aläl, ku acïk yiëth kɔ̈k lam ku luuikï keek. Ka keek abïk ciët ee lupɔɔkë, lupɔɔ cïï be piath.

Jeremia 20:7

Bɛ̈nydït Yïn cï yɛn math, ku yɛn cï math. Yïn ril awär yɛn, ku yïn cï ya tiaam. Ku raan ëbɛ̈n ee ya dɔl guöp, ayek ya bui guöp akööliic ëbɛ̈n.

Jeremia 20:8

Të ee yɛn jam yɛn ee dhiau ë röldït ku kiɛɛu an, “Akuöörkuöör! Riääk!” Bɛ̈nydït yɛn ye dɔl guöp, ku biɔn yɛn guöp në biäk yan jamdu lueel.

Jeremia 30:12

Aye Bɛ̈nydït lɛ̈k kɔcke an, “Tëtöökkun acïkï waar, bɔ̈ɔ̈tkun acïkï dem.

Jeremia 32:3

Në biäk cï melik Dhedekia ya mac, ku ciëk yathok an cä lueel nɔn cïï Bɛ̈nydït ye lueel an, “Yɛn bï melik de Babilonia tɔ pec ee pänydïïtë,

Jeremia 32:33

Acïk kekɔ̈ɔ̈th wël Yɛn, cakaa nɔn yan ŋoot ke ke wɛ̈ɛ̈t, acïkï kɔ̈ɔ̈r bïk wɛ̈ɛ̈t ku ŋickï käŋ.

Jeremia 38:6

Agokï yɛn dɔm ku luɛɛikï yɛn piny në wïïn yithic, yinh de wën melik Malekia yic, yinh ë tɔ̈u ë kal ë bääny yic. Aa cïn pïïu ë yithic, aaye tiɔ̈k yetök, guɔ lɔ piny ë tiɔ̈kic.

Jeremia 42:18

“Acïï Bɛ̈nydït de rɛm, Nhialic de Yithriɛl lueel an, ‘Cït man cï agönhdiën tuc wäl ë kɔc ke Jeruthalem gup, yen abï agönhdiën tuc wäl ë wegup aya të la wek lɔ lɔ Rip. We bï aa kɔc ye kɔc riɔ̈ɔ̈c të tïŋ ë we, kɔc abïk we aa luööi në abiaan, ku ye rinkun tɔ aa ciɛɛn. Wek cïï ee tënë bï bɛ tïŋ taitai.’ ”

Danyel 9:6

Wok kën lïïmku tït piŋ thook, kɔc wään ee jam në meliikuɔ, ku në bänykuɔ, ku në kuarkuɔ, ku jurda ëbɛ̈n në rinku.

Lebai 26:15

Ku na lak wëëtdï rɛɛc ku mankï lööŋkï, ku cäkï lööŋkiën cä lueelë kedhie bï looi, ku dhuɔŋkï mändï kɔ̈u.

Math 23:34

Yen tëde ka, tiëŋkï, yɛn, tuc tït week, ku röör pelnïïm, ku kɔc ë löŋ gɔ̈ɔ̈r, ku we bï kɔ̈k ë keek nɔ̈k abäk ke piäät ë tiim cï rïïu nïïm kɔ̈ɔ̈th, ku we bï kɔ̈k ë keek dui ë wɛt ë ɣöötkuön ë Nhialic yiic, ku yaŋkï keek në pänydït tök ku lakï ë pänydït däŋë.

Math 5:12

Yak piɔ̈ɔ̈th miɛt abäk dɔl ë dɔl rac, ariöpdun adït paannhial, acïk tït aa yɔŋ yikya tït ɣɔn kɔn bɛ̈n ke we liu.

Luk 16:14

Go Parithai, kɔc nhiaar wëu, gokï kakë piŋ kedhie, ku jɔkï geet guöp.

Luk 18:32

Abï yiɛ̈n Juöör, ku abï geet guöp, ku lɛ̈ɛ̈të, ku ŋuutë guöp.

Luk 23:11

Na wën, ke dhälkï guöp, yen Ɣerod kekë remdɛn ë tɔŋ, ku jɔkï geet guöp, agokï yiɛ̈n kɔ̈u lupɔ cï lɔ riauriau, ku jɔkï bɛ pɔ̈k nɔm Pilato.

Luk 23:36

Ku get guöp ë rem de tɔŋ ayadäŋ, acïk bɛ̈n tëde yen, ku gɛ̈mkï mɔ̈n cï wac,

Luk 6:23

Jakï piɔ̈ɔ̈th miɛt ëköölë abäk kɛɛc nhial ë piɔ̈nmit: tiëŋkï, ariöpdun adït paannhial. Wärken aake ye tït luööi yikya.

Luɔi 13:41

Tiëŋkï, wek kɔc ee käŋ caany ë ɣɔ̈ric, abäk gäi, ku thuɔukï! Yɛn bï luɔi looi në kööldun, Luɔi cäkï bï gam anandun, të ciɛkë raan e guiëër week!”’

Luɔi 17:32

Na wën, aa cïk jamë piŋ, jam de jönërɔt ë kɔc cï thou, ke jɔ kɔc kɔ̈k geet, ku lueel kɔ̈k an, “Këdu abuk bɛ piŋ në këde ëcöökë.”

Luɔi 2:13

Ku lueel kɔ̈k agɛɛt an, “Kɔckë acïk kuɛth ë mɔ̈n ë piac dhiim!”

Luɔi 7:52

Eeŋa ë tït yiic raan kënë kuarkun yɔŋ guöp? Ku acïk kɔc nɔ̈k kɔc wään nyuth keek tueŋ në bɛ̈n ë Raan piɛthpiɔ̈u, raan cäk guɔ nyiɛɛn, ënɔɔnë ku kuörkï abï thou.

1 Theth 4:8

Yen ka, raan reec pïŋ, acie raan en reec en këde piŋ, ee Nhialic, Raan cï we miɔɔc në Wëidïtkɛn ɣer.

Ɣeberuu 11:36

Kɔc kɔ̈k aake ye dɔl gup ku duike në wɛt, ku ye kɔ̈k duöt në ɣööt ke dömiic.

Bäny 2:17

Ku kɔc ke Yithriɛl akënkï jam de bäny ee löŋ guiir piŋ, acïk yiëth kɔ̈k kuany cök ku yek keek lam. Wärken ɣɔn aake ye lööŋ ke Bɛ̈nydït riëëu, ku remë acïï lööŋ ke Bɛ̈nydït ee riëëu.