2 Lëk 36:14 - JAM DE NHIALIC 2011

¹⁴ Ku däŋ aya, bäny ke kɔc ke Juda, ku bäny ke kake Nhialic, ku kɔc acïk ciɛɛŋ de luɔi de kërac ke juöör thiääk ë keek dɔm yic, gokï yiëth lam, ku jɔkï Luaŋdït tɔ nhiany, të wään cïï Bɛ̈nydït guöpde tɔ ɣeric.

2 Lëk 36:14 ပူးပေါင်းရင်းမြစ်များ

2 Lëk 28:3

ku ye nyuöp wal ŋïr në wak de Ɣinom yic, arëk abï wɛ̈ɛ̈tke aa gäm yiëth ke ke ye miɔ̈c ye nyop ëbɛ̈n, ku jɔ luɔi rɛɛc de juöör wään bï Bɛ̈nydït keek cuɔp wei në ye pinyë yic aa looi, të wään jɔ Yithriɛl lɔ ke ke bɔ̈ thïn.

2 Lëk 33:9

Go Manatha kɔc ke Juda tɔ loi karɛc wär karɛc wään, cï juöör wään bïï ë Bɛ̈nydït keek cuɔp wei piny yic looi, ɣɔn jɔ kɔc lɔ ke ke bɔ̈ thïn.

2 Lëk 34:24

lëkkï jam ë Bɛ̈nydïïtë an: “Yɛn bï kɔc ke Jeruthalem luöi këtuc ku kɔc ceŋ en ëbɛ̈n, në biäk de acien cï ke gɔ̈ɔ̈r në awerekic ëbɛ̈n, awerek cï kuɛ̈n melik de Juda.

2 Lëk 36:13

Go Melik Dhedekia Melik Nebukadnedhar rɛɛc, raan cï ye dɔm ë riɛl bï kuëëŋ në rin ke Nhialic ago yen aa riëëu. Ago jai në riɛl ë nɔm ke cïï yepiɔ̈u puk ku cïï rɔt puk Bɛ̈nydït Nhialic de Yithriɛl.

2 Lëk 36:15

Go Bɛ̈nydït Nhialic de kuarken, bɛ̈n ŋoot ke ye tït tooc bïk kɔcke lɔ jɔ̈ɔ̈ny, në biäk kɔɔr en bï yen keek kony ku kony Luaŋdït.

Edhr 9:7

Gɔl ɣɔn në akööl ke kuarkuɔ agut cï aköölkë, wok kɔcku, wok cï wäc arëët. Ku në biäk de awɛ̈ɛ̈ckuɔ, wok cï lööny në meliik ke juöör kɔ̈k cin, wodhie në Meliikkuɔ ku bänykuɔn ke kake Nhialic, wok aaye tɛm röt, ku rum wo, ku peec wook ke wo mac. Wok ye biɔn gup taitai, karɛckuɔ acïk wo nyäŋ ayär ŋoot aɣet cï ëköölë.

Jeremia 32:34

Arëk acïk yiëthkɛn rac tääu ë Luaŋdït yic, ɣön ë yïk ke bï ë Yɛn aa lam thïn, ku acïk dhiöök.

Jeremia 32:35

Acïk yïïk yiɛ̈k Baal ë wak de Ɣinom yic, bïï kek wɛ̈ɛ̈tken ku duetken aa näk yanh cɔl Molek. Akën ke yɔ̈ɔ̈k bïk ee kënë looi, ku akën lɔ ë yanɔm aya nɔn duëër kek kë cït ee kënë looi, agokï kɔc ke Juda tɔ loi kërac.”

Jeremia 38:4

Go bäny lɔ tëde melik ku luelkï an, “Yen ee monyë abï dhil nɔ̈k. Në ee jam jiɛɛm en, abï rem de tɔŋ nu ë pänydïtic tɔ pɛ̈l röt wei, ku alui kë cït ee kënë raan ëbɛ̈n, raan cï döŋ ë pänydïtic. Acïï kɔɔr bïï kɔc kony, akɔɔr bï ke luöi buɔ̈t.”

Jeremia 5:5

Yɛn bï lɔ tëde röördït, ku jam wo keek. Ee yic aŋickï kë kɔɔr ë Nhialicden, kë kɔɔr ë Bɛ̈nydït bïk looi.” Ku keek kedhie acïk bääny de Bɛ̈nydït rɛɛc ku acïk jaai bïk riëëu.

Jeremia 5:6

Në biäk de ee kënë yen abïï köör roor keek nɔ̈k, abïï aŋuööth ke jɔ̈ɔ̈ric keek riɔ̈ɔ̈k, ku kuac abï aa cath ë pɛ̈ɛ̈nydïtken yiic. Të lee ee kɔckë lɔ biic, abïï keek rɛt yiic, në biäk juëc awɛ̈ɛ̈cken, ku ayek cool ke ke jäl ë Nhialic lɔ̈ɔ̈m.

Edhekiɛl 11:12

Abäk ŋic nɔn ee yɛn Bɛ̈nydït, ku të wään muɔ̈k wek lööŋ ke juöör thiääk në week, ke wek aake dhuuŋ lööŋkï kɔ̈ɔ̈th, ku rɛɛckï ka cä lɛ̈k week.”

Edhekiɛl 22:6

Bäny ke Yithriɛl kedhie ayek riɛlden ŋɔ̈ɔ̈th, ku ayek kɔc nɔ̈k.

Danyel 9:6

Wok kën lïïmku tït piŋ thook, kɔc wään ee jam në meliikuɔ, ku në bänykuɔ, ku në kuarkuɔ, ku jurda ëbɛ̈n në rinku.

Danyel 9:8

Meliikuɔ, ku bänykuɔ, ku kuarkuɔ acïk luɔi de ayäär looi, ku luikï yïn kërac, yïn Bɛ̈nydït.

Lebai 19:30

Döt kööl de Thabath, ku riëëuwë tëdiën ɣeric, Ee Yɛn Bɛ̈nydït.

Maika 7:2

Kɔc piɛth piɔ̈ɔ̈th acï ke thöl nyïïn paanda kedhie, acïn raan piɛth töŋ cï döŋ. Kɔc kedhie ayek buuth bïk kɔc nɔ̈k, ku ŋɛk ee mɛnhkënë yɔ̈ɔ̈p cï lɛ̈i.

Nyöŋ 18:9

“Të la wek lɔ bɛ̈n piny gëmë Bɛ̈nydït Nhialicdun week, duökï luɔi rɛɛc de juöör nu ëtɛ̈ɛ̈n kuany yiic.