2 Lëk 36:13 - JAM DE NHIALIC 2011

¹³ Go Melik Dhedekia Melik Nebukadnedhar rɛɛc, raan cï ye dɔm ë riɛl bï kuëëŋ në rin ke Nhialic ago yen aa riëëu. Ago jai në riɛl ë nɔm ke cïï yepiɔ̈u puk ku cïï rɔt puk Bɛ̈nydït Nhialic de Yithriɛl.

2 Lëk 36:13 ပူးပေါင်းရင်းမြစ်များ

2 Tham 21:2

(Kɔc ke Gibiɔn acïkï ee kɔc ke Yithriɛl, ayek kut ë kɔc ke Amor wään nyiëëŋë piny ke ke pïïr. Ku kɔc ke Yithriɛl aake cï gutguut looi në keek, në luɔi bï kek kɔc ke Gidiɔn gël, ku acï Thaulo them bïï keek nɔ̈k, në biäk kɔɔr en bïï kɔc ke Yithriɛl ku kɔc ke Juda kony.)

2 Mel 17:4

Na ɣɔn, ke melik Ɣocia ë tuc kɔc Tho melik de Rip ke kɔɔr kuɔɔny tëde yen, ku tɔ athölbö ye kuöt Athiriya kääc. Ku acï melik de Athiriya ŋic luɔi cïï Ɣocia melik de Yithriɛl yäc dɛk aguk ke yen. Na wën cï melik de Athiriya kënë piŋ go Ɣocia tɔ dɔm ku tɔ mac.

2 Mel 24:20

Go Bɛ̈nydït gɔ̈th arëët kekë kɔc ke Jeruthalem ku Juda, ago keek jäp wei në Yelɔ̈ɔ̈m. Go Dhedekia melik de Babilon rɛɛc.

2 Lëk 24:19

Go Bɛ̈nydït keek tuöc tït bï keek lɔ jɔ̈ɔ̈ny agokï röt pɔ̈k yen, go kɔc bɛ̈n jaai ku cïkï piŋ thok.

2 Lëk 30:8

Duökï we nïïm tɔ ril cï keek, yak Bɛ̈nydït riëëu. Bäkkï Jeruthalem të tɔ̈u ë tëɣeric, të wään cïï Bɛ̈nydït Nhialicdun tɔ piɛth aɣet athɛɛr, ku bäk lam ago cïï be gɔ̈th ke week.

2 Lëk 36:14

Ku däŋ aya, bäny ke kɔc ke Juda, ku bäny ke kake Nhialic, ku kɔc acïk ciɛɛŋ de luɔi de kërac ke juöör thiääk ë keek dɔm yic, gokï yiëth lam, ku jɔkï Luaŋdït tɔ nhiany, të wään cïï Bɛ̈nydït guöpde tɔ ɣeric.

Edhr 4:12

“Ku takï ŋic ë melik nɔn cïï Judai wään bɔ̈ tëde yïn ɣëët tëde wook, acïk lɔ Jeruthalem. Ku keek abekï pänydït rɛɛcë ee kɔc yiɛ̈n tɔŋ yïk, agɔlkï këërkëërde ku athölkï kal në yïk.

Neɣe 9:29

Acï ke yɔ̈ɔ̈k bïk wëëtdu gam ku në biäk ye kek kenïïm ɣääc, ayek lööŋku rɛɛc, na cakaa nɔn ye muŋ de lööŋku kueer de pïïr. Ayek nïïm riɛl ku reeckï ke gam.

Diɛt 15:4

Ayek kɔc cïï ë Nhialic rɛɛc biɔɔn gup, ku yek kɔc rïïu Bɛ̈nydït dhuëëŋ gup. Ku yek kë cï kek gutguut lueel looi ë ceŋ, acie diɛɛr në këdïït bïï jɔt tëde yen.

Bɛ̈n 7:13

Go melik ŋoot ke ŋɛk nɔm riɛlde, ku cïï jamden piŋ cït man cïï Bɛ̈nydït e lueel.

Bɛ̈n 8:15

Na wën, aa tïŋ ë melik agueek acï thou, ke be nɔm riɛlde ŋak, cït man cïï Bɛ̈nydït e lueel an melik acïï jam de Mothe bï piŋ kekë Aron.

Bɛ̈n 8:32

Go melik nɔm riɛlde bɛ ŋoot ke ŋɛk, go kɔc bɛ pɛ̈n jäl.

Bɛ̈n 9:17

Ke yï go yïnɔm ɣääc, ku pɛ̈në kɔckï jäl.

Yith 48:4

Aa ŋiɛc nɔn bïï wek riɛl ë nɔmdun nyuɔɔth, wek ril nïïm ëtör cï wëëth ku cäkï wenïïm ee waar cï maläŋ.

Jeremia 43:2

Go Adharia wën de Ɣocaya, ku Joɣanan wën de Karia, ku lɔ röör cïn piɔ̈ɔ̈th kedhie, gokï ya yɔ̈ɔ̈k an, “Yïn tör käŋ! Bɛ̈nydït Nhialicda akën yïn tooc bä bɛ̈n lɛ̈k wook an, duökï lɔ Rip ku bäk lɔ ceŋ ëtɛ̈ɛ̈n.

Danyel 5:20

Ku në luɔi cï yen rɔt lɛɛc, ku riil nɔm ku ye kɔc yɔŋ, acï bɛ̈n nyaai në thööcdɛn ë bääny yic, ku mɛ̈l ë tëdɛn ë dhuëëŋ.

Dhek 7:12

Acïk kenïïm bɛ̈n tɔ ril cït kuur, ku cïkï löŋ piŋ, ku wël wään cï Bɛ̈nydït de rɛm tɔ tucë keek në Wëike ë tït wään thɛɛr. Go Bɛ̈nydït de rɛm piɔ̈u bɛ̈n dïu arëët.

Kuɛ̈n 30:3

Të cïï tiiŋ koor ŋoot ke rɛ̈ɛ̈r baai ë wun gutguut lueel, an de kë bï gäm Bɛ̈nydït, ku nɔn kuëëŋ në luɔi bï yen mɔ̈l në këdäŋ,

Nyöŋ 29:25

Ku abïï aa bɛ̈ɛ̈r alëyɔ̈ɔ̈, an, “Ee biäk cïï kɔc ke Bɛ̈nydït löŋ cïk mac në Yen dhoŋ kɔ̈u, Nhialic de kuarken, wään bïï Yen keek bei ë Rip.

Ɣeberuu 3:13

Ku yak wepiɔ̈ɔ̈th riit wapäc aköölnyïïn kedhie. Ke bï ciën raan töŋ bï nɔm riɛl ë weyiic të cïï kërac e math. Në luɔi ŋoot En ke cöt “Ee köölë.”

Ɣeberuu 3:8

ke we duökï wenïïm tɔ ril cït man ë kɔc ɣɔn cï Bɛ̈nydït jäi ku nyiëëŋkï piny, ɣɔn themë keek në jɔ̈ɔ̈ric.

Jocua 9:15

Go Jocua mat kekë kɔc ke Gibiɔn, ku teem löŋ ke keek në luɔi bï yen ke tɔ rɛ̈ɛ̈r. Ku jɔ bäny ke akutnɔm kuëëŋ nɔn bïï kek mät döt.