2 Lëk 35:8 - JAM DE NHIALIC 2011

⁸ Ku bänyke aya acïk kɔc miɔc ë piɔ̈n mit, ku miɔckï bäny ke kake Nhialic, ku kɔc ke Lebai, agokï ke juëër ka bï kek röt kony. Go bäny ke ɣön ë Nhialic Ɣilikia, bɛ̈nydïït ë kake Nhialic, ku Dhekaria, ku Jeɣel, gokï bäny ke kake Nhialic gäm aguum kaarou ku bot kadhetem ke amɛ̈l ku bɔɔth kor, ku bot kadiäk ke miöör ke ye miɔ̈c de dhuëëŋ ë winythok.

2 Lëk 35:8 ပူးပေါင်းရင်းမြစ်များ

1 Lëk 29:17

Ku aŋiɛc Nhialicdï nɔn Yïn kɔc them piɔ̈ɔ̈th, ku Yïn ee piɔ̈u miɛt wekë raan lɔ piɔ̈n wai. Në riëëu ku piɔ̈ndiën lɔ wai, yɛn cï ee kakë gäm yïn kedhie ë piɔ̈n mit, ku yɛn cï miɛtëpiɔ̈u de kɔckuön tɔ̈u ee tënë tïŋ, kɔc cï miɔ̈c gäm Yïn ke ke mit piɔ̈ɔ̈th.

1 Lëk 9:20

Pineɣath wën de Eleyadhar, yen aaye bɛ̈ny de kɔc tit kal thok, ku Bɛ̈nydït aa tɔ̈u kekë yen.

2 Lëk 30:24

Go melik Ɣedhekia amatnɔm gäm agum de miöör, ku aguum kadhorou de amɛ̈l, në luɔi bï kɔc keek nɔ̈k ku cuetkï keek, ku gëm ë wɛ̈ɛ̈t bäny keek aguum kathiëër 10,000 ke amɛ̈l kɔ̈k. Na wën ke bäny juëc ke kake Nhialic ke ke jɔ kegup tɔ piɛth.

2 Lëk 31:13

Ku tɛ̈ɛ̈ukï kɔc ke Lebai kathiëër bï luui në kecök ku rinken kï: Jeɣel, Adhadhia, Naɣath, Athaɣel, Jerimoth, Jodhabad, Eliel, Yithmakia, Maɣath, ku lɔ Benaya, ku aake ye bäny kony Konania kekë Cimei mänhë, ë baŋ cï ke kuany ë melik Ɣedhekia kekë Adharia bɛ̈ny tueŋ de ɣön ë Nhialic.

2 Lëk 34:9

Acïk lɔ tëde Ɣilikia bɛ̈nydïït ë kake Nhialic ku gɛmkï wëu ë cï bɛ̈ɛ̈i ë ɣön ë Nhialic, wëu wään cï kɔc ke Lebai ee tïït juaar tëde kɔc ke Eparaim ku Manatha ku kɔc lik ke Yithriɛl ëbɛ̈n, ku kɔc ke Juda ëbɛ̈n ku Benjamin, ku lɔ kɔc ceŋ Jeruthalem.

2 Lëk 35:7

Go melik Jothia aguum kathiërdiäk (30,000) ke amɛ̈l, ku amɛ̈l kor, ku bɔɔth kor, ku aguum kadiäk (3,000) ke miöör gam në lunyde yic, bï kɔc ke Winythok röt kuɔny.

Edhr 1:6

Go kɔc wën rɛ̈ɛ̈r ë keek ke kuɔny në aduuk ë loi atek, ku adhɛ̈p, ku ka kɔ̈k, ku läi ee käŋ ɣääc, ku lɔ miɔ̈c tuc ë ɣööcde, ayï miɔ̈c ëbɛ̈n ye gam në dhuëëŋ.

Edhr 7:16

Ku lɔ atek ku adhɛ̈p wën bä yök piny de Babilonia në wuötke yiic ëbɛ̈n, ku lɔ miɔ̈c ye gam në dhuëëŋ bï kɔc ku bäny ke kake Nhialic gam në biäk de ɣön ë Nhialicdɛn nu në Jeruthalem.

Diɛt 45:12

Kɔc ke Tayer abïk bɛ̈n tëde Yïn në miɔ̈c, kɔc kueth aläl abïk yïn gäm miɔ̈c.

Kuɛ̈n 7:2

Go Bäny ke dhiëën ke Yithriɛl nu në kɔc nïïm Bɛ̈nydït miɔɔc, bäny ɣɔn kuen kɔc ëbɛ̈n

Luɔi 4:1

Na wën, aŋootkï ke ke jam në kɔc, go bäny ke ka ke Nhialic ku bɛ̈ny ë rem de Luaŋdït ku Thadokai, bɛ̈n ë keyiic.

Luɔi 5:26

Go bɛ̈ny ë Luaŋdït lɔ kekë bäny ke rem, lek ku bïïkï ke bei, ku cïkï ke dɔm aril, acïk riɔ̈ɔ̈c ë kɔc, ke ke cïï bï biɔ̈ɔ̈k ë kɔi.

2 Kor 8:12

Ku na nu gäm ë raan piɔ̈u, ka bï tɔ ye piathde, në këde kë nu ë yecin, ku acie në këde kë liu ë yecin.

2 Kor 9:7

Raan ëbɛ̈n ë ye miööc ë miɔ̈cdɛn cï kiëët ë yepiɔ̈u, ke cïï gɛm në dhiën dhiɛɛu en, ku cie ciɛɛŋ cïï ye cieŋ: raan ee miööc në piɔ̈n mit en anhiɛɛr Nhialic.