2 Lëk 35:3 - JAM DE NHIALIC 2011

³ Ku yɔ̈ɔ̈k kɔc ke Lebai, ku kɔc ee wëët ë Yithriɛl, kɔc cï ke gäm luɔi de Bɛ̈nydït an: “Tääukï athänduŋ de män ɣeric ɣön wään yïk ë melik Tholomon wën ë Debid. Ku acäkï bï bɛ aa ɣääc lɛɛrkï tɛ̈ɛ̈n ku tɛ̈ɛ̈n, ku we bï Bɛ̈nydït Nhialicdun aa luööi kekë kɔckɛn ke Yithriɛl.

2 Lëk 35:3 ပူးပေါင်းရင်းမြစ်များ

1 Lëk 23:26

Yen acïn kë be kɔc ke Lebai kɔɔr ë biäk de ɣɛ̈ɛ̈c de paany ë Bɛ̈nydït, ayï kake luɔi tëde läm.”

2 Lëk 17:7

Na ɣɔn aacï run aa diäk ë bääny yic ke ye melik, go kɔckë tooc bïk kɔc lɔ piööc ë pɛ̈ɛ̈nydït ke Juda yiic, Benɣail, ku Obadaya, ku Dhekaria, ku Nethaniɛl, ku Mikaya.

2 Lëk 30:22

Go Melik Ɣedhekia kɔc ke Lebai leec në luɔi cïk kek läm de Bɛ̈nydït ŋiëc guiir. Na wën aa cï nïn kadhorou wan të wään gɛm kek miɔ̈c de mät leec kek Bɛ̈nydït, Nhialic de kuarken,

2 Lëk 34:14

Na wën bïï kek wëu bei wëu wään cï lɛɛr Luaŋdït, go Ɣilikia bɛ̈ny de kake Nhialic awerek de löŋ de Bɛ̈nydït yök, löŋ wään cï gäm Mothe.

2 Lëk 5:7

Go bäny ke kake Nhialic athänduŋ de män ë Bɛ̈nydït lɛɛr ɣöt ë biäk thïn tëde, ku tɛ̈ɛ̈ukï tëɣeric aläl në wuök ke cerubiim thäär.

2 Lëk 8:11

Go Tholomon tiiŋde nyan ë melik de Rip jɔt Pänydït de Debid, leer ɣön cï yiɛ̈k en. Ku lueel an, “Acïï bï dhil ceŋ ɣön de bääny ë Debid melik de Yithriɛl, në biäk yen të cï athänduŋ de män ë Bɛ̈nydït kɔn tɔ̈u thïn, acï aa të ɣer yic.”

Bɛ̈n 32:29

Na wën, ke lëk ë Mothe kɔc ke Lebai an, “Wek ë röt jɔ tɔ ɣer ee köölë, ku takï röt ee bäny ke kake Nhialic në luɔi de Bɛ̈nydït, në baŋ cä wek wɛ̈ɛ̈tkun nɔ̈k ayï mïthëkɔckun. Ku Bɛ̈nydït abï we thieei.”

Malakai 2:7

Ku bäny ke kake Nhialic kek arɔ̈ŋ bïk kɔc aa wɛ̈ɛ̈t në yith ke Nhialic. Ku kɔc aröŋkï bïk lɔ piŋ në wëët de wël ke Nhialic tëde keek, në luɔi ye kek tuny de Bɛ̈nydït de rɛm.

Kuɛ̈n 8:19

Ku Lebai acä keek gäm Aron kekë wɛ̈ɛ̈tke ke ke ye miɔ̈c ë bɔ̈ tëde kɔc ke Yithriɛl, në biäk bï kek kɔc ke Yithriɛl aa luööi në paany de mätic, ku bïk kɔc ke Yithriɛl aa teem gup, ke cïn jɔɔk bï kɔc ke Yithriɛl dɔm, të de yen të cïï kɔc ke Yithriɛl ɣëët tëɣeric.

2 Kor 4:5

Ku wo cie guïïr ë këda, ee këde Kërtho Yecu Bɛ̈nydït en ë yok guiir, ku wook, wok ee lïïmkun në biäk de Yecu.

Nyöŋ 33:10

Abïk mïthku wɛ̈ɛ̈t bïk löŋdu aa riëëu. Abïk miɔ̈c de wal ŋïr ku miɔ̈c ye nyop aa gam në yïïŋdï kɔ̈u.