2 Lëk 34:9 - JAM DE NHIALIC 2011

⁹ Acïk lɔ tëde Ɣilikia bɛ̈nydïït ë kake Nhialic ku gɛmkï wëu ë cï bɛ̈ɛ̈i ë ɣön ë Nhialic, wëu wään cï kɔc ke Lebai ee tïït juaar tëde kɔc ke Eparaim ku Manatha ku kɔc lik ke Yithriɛl ëbɛ̈n, ku kɔc ke Juda ëbɛ̈n ku Benjamin, ku lɔ kɔc ceŋ Jeruthalem.

2 Lëk 34:9 ပူးပေါင်းရင်းမြစ်များ

2 Mel 23:4

Go melik Ɣilikia bɛ̈nydïït ë kake Nhialic yɔ̈ɔ̈k, ku bäny ke kake Nhialic lɔ në yecök, ku kɔc ee kal ë Luaŋdït tiit thok, bïk ka ye Baal lam nu ɣön ë Bɛ̈nydïtic bɛ̈ɛ̈i bei ëbɛ̈n, ayï kake Acera, ku kake läm de kuɛl. Acï melik ke bɛ̈n nyop ëbɛ̈n në Jeruthalem thok biic, wun thiääk ke Wak de Kidron, ku jɔt ŋenhden leer Bethel.

2 Lëk 30:10

Go tuuc lɔ ë wuöt kedhie yiic, wuöt ke dhiën ë Eparaim ku Manatha, ku ɣetkï tëmec të lɔ rut de dhiën ë Dhebulun, go kɔc keek dɔl gup ku buikï keek.

2 Lëk 30:18

Ku däŋ aya, kɔc ë bɔ̈ dhiën de Eparaim, ku Manatha ku Yithakar, ku Dhebulun akënkï ke gup tɔ lɔgɔk, gokï dhuëëŋ de Winythok looi ku ciëmkï ke ke de gup acuɔl. Go melik Ɣedhekia lɔ̈ŋ ë biäkden an:

2 Lëk 31:1

Na wën cï luɔi de dhuëëŋ thök, ke kɔc ke Yithriɛl ë ke lɔ ë wuöt ke Juda yiic kedhie, ku dhoŋkï mën ke kur piny, ku yepkï kïït ke yanh tik Acera piny, ku riäkkï yïk, ku ɣään ye kɔc ke yiëth lam thïn. Ku loikï ee kënë ë wuöt ke kɔ̈k ke Juda yiic, ku bɛ̈i kɔ̈k ke yï Benjamin, ku Eparaim, ku Manatha, ku jɔkï kenïïm bɛ̈n pɔ̈k ë bɛ̈iken yiic.

2 Lëk 34:10

Ku kek ee wëukë acï keek bɛ̈n gäm kɔc kadiäk cï gäm luɔi de Luaŋdït, ku lek keek gäm

2 Lëk 34:18

Na wën ke lueel an, “Yɛn muk awerek ë gëmë Ɣilikia yɛn eenë.” Ku kueen yic ë melik nɔm ë röldït.

2 Lëk 34:20

Ku yɔ̈ɔ̈k Ɣilikia, kekë Aɣikam wën ë Capan, ku Abadon wën Mikaya, ku Capan raan ee käŋ gɔ̈ɔ̈r, ku lɔ Athaya, raan ee Melik luööi an:

2 Lëk 34:22

Go Ɣilikia ku lɔ kɔc kɔ̈k jäl në kë cï melik lɛ̈k keek, lek tëde tiiŋ tiët cɔl Ɣulda, tiiŋ de Calum wën de Tikba, wën de Ɣarɣath, raan ee wïïn ke Luaŋdït muk, (ku ënɔɔnë arɛ̈ɛ̈r ë Jeruthalem wut baŋ de biäk ë Rou), ku jɔkï lɛ̈k kë cï rɔt looi,

2 Lëk 35:8

Ku bänyke aya acïk kɔc miɔc ë piɔ̈n mit, ku miɔckï bäny ke kake Nhialic, ku kɔc ke Lebai, agokï ke juëër ka bï kek röt kony. Go bäny ke ɣön ë Nhialic Ɣilikia, bɛ̈nydïït ë kake Nhialic, ku Dhekaria, ku Jeɣel, gokï bäny ke kake Nhialic gäm aguum kaarou ku bot kadhetem ke amɛ̈l ku bɔɔth kor, ku bot kadiäk ke miöör ke ye miɔ̈c de dhuëëŋ ë winythok.

Pilipoi 4:8

Cöök ciëën, mïthëkɔckuɔ an, Të de yen kak ee yith, tëde yen ka ye riëëu, të de yen ka ye tiiŋ yiic, të de yen ka lɔ wai, të de yen ka cï läkëläk, të de yen ka piɛth rin, na de piath nu, ku na de lɛc nu, takkï wenïïm ee kakë.