2 Lëk 34:8 - JAM DE NHIALIC 2011

⁸ Na ɣɔn aa cï run lɔ kathiëër ku bɛ̈t ke tɔ̈u ë bääny yic, ku cï baai kekë Luaŋdït tɔ ɣeric, ku cï läm de yiëth nyaai ëbɛ̈n, go Melik Jothia kɔc kadiäk tooc bïk Luaŋdït Nhialic lɔ nyɔk ë guiɛɛr: Go yï Capan wën de Adhalia, ku Maathia, bɛ̈ny de Jeruthalem, ku Jowa wën de Jowaɣadh bɛ̈ny lɔ ë melik cök tooc.

2 Lëk 34:8 ပူးပေါင်းရင်းမြစ်များ

2 Tham 20:24

Ku Adoniram atɔ̈u në kɔc ye luööi ë riɛl nïïm, ku ye Jeɣocapat wën de Aɣilud raan ee ë kaŋ gɔ̈ɔ̈r.

2 Tham 8:16

Jowap wën de Dheruia yen aye bɛ̈ny ë rem de tɔŋ ëbɛ̈n. Ku Jeɣocapat wën de Aɣilud yen aye bɛ̈ny de kacïgɔ̈ɔ̈r.

1 Lëk 18:15

Ku Jowap wën de Dheruia mänhë Abicai aaye bɛ̈ny ë rem de tɔŋ, ku Jeɣocapat wën de Aɣilud ee raan ee käŋ gɔ̈ɔ̈r.

2 Lëk 18:25

Na wën ke melik Aɣap ë cɔl bɛ̈ny ë rem de tɔŋ ee luui ke yen, ku yɔ̈ɔ̈k an, “Lɔ mac Mikaya ku lɔ gämë bɛ̈ny de baai cɔl Amon, ku Jowac wën ë melik.

2 Lëk 24:12

Go melik kekë Jeɣoyada bɛ̈ny de kake Nhialic, wëu gäm bäny guiir Luaŋdït, agokï kɔc ee kur guaŋ, ku kɔc ee tiim geeth kɔ̈ɔ̈th, ku kɔc ee wëëth ku maläŋ thɔ̈ɔ̈th riɔp.

2 Lëk 24:5

Na wën ke yöök bäny ke kake Nhialic, ku kɔc ke Lebai, bïk lɔ ë wuöt ke Juda yiic kedhie, bïk wëu lɔ kut tëde kɔc kedhie, wëu bï ë Luaŋdït bɛ̈n guiir cït man ye ye looi ë run nyïïn ëbɛ̈n. Acï lɛ̈k keek bïk ee kënë dap looi, go kɔc ke Lebai gääu,

Jeremia 21:1

Kënë ee jam ëbɔ̈ tëde Jeremia, wään cïï melik Dhedekia ye tuöc Pacur wën de Malekia ku Dhepania bɛ̈ny de kake ë Nhialic, wën de Maathia, lueel an,

Jeremia 25:3

“Në run thiërrou ku diäk, në ruöön thiëër ku diäk wään ye Jothia wën de Amon melik ë Juda agut cï ee köölë, Bɛ̈nydït acï jam ke yɛn, ku yɛn kën kë cï lɛ̈k week kɔn moony. Ku week akënkï piŋ.

Jeremia 26:24

Ku në biäk cï Aɣikam wën de Capan yɛn kony, yɛn kë bɛ̈n gäm kɔc bïk ya nɔ̈k.

Jeremia 29:21

“Bɛ̈nydït de rɛm, Nhialic de Yithriɛl, acï jam në biäk de Aɣap wën e Kolaya ku Dhedekia wën de Maathia, kɔc ee week lɛ̈k lueth ë rinke. Acï lueel nɔn bï yen ke tɔ dɔm ë Nebukadnedhar melik de Babilonia, ku abïï keek nɔ̈k ë wenyïïn ke we daai.

Jeremia 29:25

Kënë lueel Bɛ̈nydït de rɛm, Nhialic de Yithriɛl kï, Yïn cï awerek gäär në rinke yetök, awerek gäärë kɔc ke Jeruthalem kedhie, Dhepania wën ë Maathia bɛ̈ny de kake Nhialic, ku bäny kɔ̈k ke kake Nhialic. Në awerekë yic acïï Cemaya gäär Dhepania alëyɔ̈ɔ̈ an:

Jeremia 29:3

Guɔ awerek gäm Elatha wën ë Capan ku Gemaria wën ë Ɣilikia, raan wään tooc ë Dhedekia melik de Juda tuc Nebukadnedhar melik de Babilon. Luɛɛl an:

Jeremia 36:10

Ku të wën jɔ kɔc piŋ kedhie, go Baruk kë cä lɛ̈k yen kueen awerekic ëbɛ̈n. Aa loi ee kënë Luaŋdït, ɣön ë Gemaria wën de Capan, raan ee gär. Ɣönde aa tɔ̈u tënhial, tëthiääk ke Kal thoŋ ë Piacë Cak Luaŋdït.

Jeremia 39:14

gokï yɛn bɛ̈ɛ̈i bei ë ɣön ë bääny yic. Ku tɔkï ya tiit ë Gedalia wën de Aɣikam, ku ye wën de wën ë Capan, raan ee yen bï yɛn lɛɛr baai apiɛth. Aguɔ jɔ rëër ëtɛ̈ɛ̈n ë kɔc yiic.

Jeremia 40:11

Na wën ke piŋ ë kɔc ke Judai kedhie, kɔc rɛ̈ɛ̈r ë Mowap, ku Ammon, ku Edom, ku wuöt kɔ̈k yiic, nɔn cïï melik de Babilonia kɔc ke Yithriɛl kɔ̈k tɔ rëër ë Juda, ku luɔi cï yen Gadalia tɔ ee bɛ̈ny.

Edhekiɛl 8:11

Röördït ke baai de Yithriɛl kathiërdhorou, aake tɔ̈u ëtɛ̈ɛ̈n, ade yic Jadharia wën de Capan. Raan ëbɛ̈n në keyiic aa amuk thaŋ ye wal ŋïr nyop, ka tol de aŋïïr de wal alɔ nhial.