2 Lëk 34:5 - JAM DE NHIALIC 2011

⁵ Ku nyop yom ke guc ke kɔc ee yiëth lam në yïk nɔm të wään ye kek lam thïn. Ku në ee luɔiyë de ee kake kedhie, acï kɔc ke Juda ku kɔc ke Jeruthalem bɛ waak gup në karɛc cïk looi.

2 Lëk 34:5 ပူးပေါင်းရင်းမြစ်များ

1 Mel 13:2

Go tiët cööt ke jiëëm yïk në löŋ de Bɛ̈nydït lueel an, “Yïk, yïk, acï Bɛ̈nydït lueel an, Meth abï dhiëëth baai de Debid, ku abïk cäk an Jothia. Ku abï guc kɔ̈k gam ke ke ye miɔ̈c näk në yïnɔm, ku nɛ̈k guc ee miɔ̈c gam në ɣään thöny nïïm ku yek miɔ̈c ë wal ŋïr gam në yïnɔm, yom ke raan abï ke nyop në yïnɔm.”

2 Mel 23:16

Na wën lɔ melik Jothia ye nyin wɛl ë kuur nɔm, ke tïŋ rɛ̈ŋ ëtɛ̈ɛ̈n, go kɔc tuɔɔc bïk yom lɔ wɛ̈t biic ë rɛ̈ŋiic, ku nyop ke në yïk nɔm, ago yïk nhiany, cït man ɣɔn cï raan de Nhialic ë caar ë kake ye lueel.

2 Mel 23:20

Ku nɛ̈k guc ee yiëth lam ëbɛ̈n në yïïk kɔ̈ɔ̈th të ye kek lui, ku nyop yom ke kɔc në yïïk nïïm kedhie. Na wën ke puk rɔt Jeruthalem.

2 Lëk 34:33

Go melik Jothia yiëth wään tɔ̈u piny de kɔc ke Yithriɛl riɔ̈ɔ̈k kedhie, ku akööl wään pïïr en ëbɛ̈n, aaye kɔc yɔ̈ɔ̈k bïk Bɛ̈nydït Nhialic de kuarken aa luööi.

2 Lëk 34:7

Në piny de ciɛɛŋ lɔ të lɔ rut ëbɛ̈n acï yïk ku kïn de yanh Acera jäp piny, ku guɛ̈ɛ̈r yiëth abïk aa abuui, ku dhuuŋ yïk ye wal ŋïr nyop ëbɛ̈n abïk lɔ thorthor. Ku jɔ yenɔm pɔ̈k Jeruthalem.

Jeremia 3:10

Ku na ɣɔn në ee kake cök ke Juda nyankënë Yithriɛl cïn piɔ̈u adöt, aacï them bï rɔt looi ke cït kë puk rɔt Ɛn, ku aacïï tɔ̈u në yepiɔ̈u. Acä lueel, Yɛn Bɛ̈nydït.”

Jeremia 4:14

Yïn Jeruthalem waakë rɛ̈ɛ̈c tɔ̈u në yïpiɔ̈u wei, ke yï bï kony. Bä jɔ ŋoot ke yï tak karɛc agut cï nɛn?

Edhekiɛl 22:24

“Mɛnh ë raan, lɛ̈kë kɔc ke Yithriɛl an piny acïï yic ɣer, ku aluöi këtuc në agönhdï.

Kuɛ̈n 35:33

Na lak ee kënë looi, ke wek bï piny ciɛŋkï dhiöök. Raan ee kɔc luc ee piny dhiöök, të cïn thon ë raan ë raan luc, ke piny acïn luɔi bï ye luöi miɔ̈c de wɛ̈k ke de raan cï kɔn luc thïn.