2 Lëk 34:3 - JAM DE NHIALIC 2011

³ Na ɣɔn cï Jothia run aa bɛ̈t ke ye melik, ku ŋoot ke ye meth aya, ke gɔl läm de Nhialic de kuɛɛrë melik Debid. Na ɣɔn aa cï run wan kaŋuan, ke riäk ɣään ye yiëth lam, ku riëëk kïn de yanh tik Acera, ku lɔ yiëth kɔ̈k ëbɛ̈n.

2 Lëk 34:3 ပူးပေါင်းရင်းမြစ်များ

1 Mel 13:2

Go tiët cööt ke jiëëm yïk në löŋ de Bɛ̈nydït lueel an, “Yïk, yïk, acï Bɛ̈nydït lueel an, Meth abï dhiëëth baai de Debid, ku abïk cäk an Jothia. Ku abï guc kɔ̈k gam ke ke ye miɔ̈c näk në yïnɔm, ku nɛ̈k guc ee miɔ̈c gam në ɣään thöny nïïm ku yek miɔ̈c ë wal ŋïr gam në yïnɔm, yom ke raan abï ke nyop në yïnɔm.”

2 Mel 10:27

Ku riäkkï mën de Baal ayï luaŋde, ku jɔkï looi ke ye ɣön ye kɔc lɔ roor thïn agut cï ee köölë.

2 Mel 18:4

Acï ɣään thöny nyaai, ku dhoŋ mëën yaath piny, ku yep yanh tiiŋ cɔl Acera piny. Ku dhuuŋ kërɛɛc de maläŋ ɣɔn bïï Mothe looi ayadäŋ, ku aa ye cɔl Neɣuctan. Agut cï aköölkë, kɔc ke Yithriɛl aake ye wal ŋïr nyop dhuëëŋ kek en.

2 Mel 20:5

an, “Pɔ̈kë yïnɔm Ɣedhekia melik de kɔc ke Bɛ̈nydït, ku lɛ̈kë yen an, ‘Yɛn Bɛ̈nydït Nhialic de kuaar Debid, Yɛn cï lɔ̈ŋdu piŋ, ku tiëŋ dhiënduön cïï yïn dhiau. Yïn bä tɔ waar guöp. Në kööl ë diäk yïn bï lɔ Luaŋdït ë Bɛ̈nydït.

2 Mel 23:14

Go melik Jothia mën ke kur dhuööŋ, ku yep kïït ke yanh tik cɔl Acera piny, ku löök ɣäänkɛn ë kɛ̈ɛ̈c kek thïn thiɔ̈ɔ̈ŋiic në yom ke kɔc.

2 Mel 23:4

Go melik Ɣilikia bɛ̈nydïït ë kake Nhialic yɔ̈ɔ̈k, ku bäny ke kake Nhialic lɔ në yecök, ku kɔc ee kal ë Luaŋdït tiit thok, bïk ka ye Baal lam nu ɣön ë Bɛ̈nydïtic bɛ̈ɛ̈i bei ëbɛ̈n, ayï kake Acera, ku kake läm de kuɛl. Acï melik ke bɛ̈n nyop ëbɛ̈n në Jeruthalem thok biic, wun thiääk ke Wak de Kidron, ku jɔt ŋenhden leer Bethel.

1 Lëk 22:5

Go Debid lueel an, “Luaŋdït bï ë wëndï Tholomon lɔ̈ɔ̈k yïk abï dhil dik ku lec ë pinynɔm ëbɛ̈n. Ku Tholomon akoor ku akuc käŋ, ka yen bï käŋ dhil guiir ë biäkde.” Go Debid kajuëc bɛ̈ɛ̈i ɣɔn kën en kɔn thou.

1 Lëk 28:9

Ku yïn Tholomon wëndï, ye Nhialic de wuur ŋic, ku ye luööi në yïpiɔ̈u ëbɛ̈n, ku në piɔ̈n awai. Në biäk ye Bɛ̈nydït kɔc kɔɔr piɔ̈ɔ̈th kedhie, ku ŋic guiɛɛr ëbɛ̈n ku täk ëbɛ̈n. Na lɔ lɔ kɔɔr abä yök ke nu në yïlɔ̈ɔ̈m, ku na lɔ lɔ rɛɛc, abï yïn cuɔp wei aɣet athɛɛr.

1 Lëk 29:1

Na wën ke jɔ ë melik Debid lɛ̈k amatnɔm an, “Wëndiën Tholomon yen acïï Nhialic lɔc, ku aŋoot ke koor, ku akën kɔn wëët ë luɔi. Ku luɔi bï looi adït, në biäk cïï yen ë ɣön de raan, ee Luaŋdït de Bɛ̈nydït Nhialic.

2 Lëk 14:6

Atha acï gëlgël tɔ yïk ë pɛ̈ɛ̈nydït ke Juda yiic në aköölkë yiic, ku acï bɛ̈n dɛ run juëc ke cïn tɔŋ, në biäk cïï Nhialic yen gäm mät.

2 Lëk 15:2

go jäl le yök kekë melik Atha. Go lɛ̈k en an, “Piɛŋkï kë luɛɛl yïn melik Atha, ku wek kɔc ke Juda ku Benjamin! Bɛ̈nydït abï täu kekë week cït man täu wek në Yen. Na kaarkï, ka bäk yök, ku na wɛlkï wenïïm wei ka abï week nyääŋ piny.

2 Lëk 30:14

Gokï yïk wään ye miɔ̈c ye nyop ëbɛ̈n ku ye wal ŋïr gam ë yenɔm jɔt ku lek keek cuat ë Wak de Kidron yic.

2 Lëk 33:15

Acï yiëth alɛi tɔ nyɛɛiyë ku tɔ ka cï cuëëc ɣɔn bïï tääu në Luaŋdïtic nyiɛɛiyë, ku nyiɛɛi yïk ke yiëth ɣɔn tɔ̈u në kuur nɔm të wään tɔ̈u Luaŋdït ë yenɔm, ku nyiɛɛi ɣään kɔ̈k tɔ̈u nu ë Jeruthalem, go ee kake kedhie tɔ leerë wut këc biic ku cuɛtë keek wei.

2 Lëk 33:17

Na cakaa ɣɔn ye kɔc ŋoot ke ke gɛm miɔ̈cden ɣään kɔ̈k ke läm, aa ke yek keek gäm Bɛ̈nydït yetök.

2 Lëk 33:22

Acï karɛc looi në Bɛ̈nydït nɔm cï Manatha wun ɣɔn, go yiëth lam cït man wään ye wun yiëth lam.

2 Lëk 34:33

Go melik Jothia yiëth wään tɔ̈u piny de kɔc ke Yithriɛl riɔ̈ɔ̈k kedhie, ku akööl wään pïïr en ëbɛ̈n, aaye kɔc yɔ̈ɔ̈k bïk Bɛ̈nydït Nhialic de kuarken aa luööi.

Diɛt 119:9

Duëër dhuök pïïrden tɔ lɔ wai adï? Ee në riëëu bï kek lööŋku aa riëëu.

Diɛt 71:5

Nhialic, yɛn cï aŋäthdï tääu në Yïciin. Yïn aa ya ŋɔ̈ɔ̈th ɣɔn ŋuɔɔt ɛn ke ya ye dhuk.

Bɛ̈n 34:13

Jäpkï yïïkken piny, ku riäkkï mënkɛn ɣeriic, ku riäkkï yïïŋ de Acera yanhden.

Kɛ̈ŋ 20:11

Rac de meth ku piathde aye ŋic ë luɔide, luɔi de kë lɔ wai ku yic.

Kɛ̈ŋ 8:17

Yɛn nhiaar raan ee yɛn kɔɔr ëbɛ̈n, ku raan ee yɛn kɔɔr ëbɛ̈n, ee ya yök.

Wɛ̈ɛ̈t 12:1

Yak Aciëŋdun tak në akööl ke dhuöökdunic, të ŋoot akööl rac ke ke kën bɛ̈n. Akööl bä wek e lueel an, “Yɛn cïï piɔ̈u mit wo pïïr.”

Lebai 26:30

Yɛn bï ɣäänkuön ke läm nu ë kur nïïm riɔ̈ɔ̈k, ku dhuɔŋ yïïŋdun piny yïïŋ ye wal ŋïr nyop, ku wiɛt gupkuön cï thou në yanhduön cï wïïk kɔ̈u, ku wek bä maan aläl.

Maika 1:5

Ku kënë ëbɛ̈n, ee biäk de kërɛɛc de Jakop. Ku eeŋa bï gäk awäny ë baai de Yithriɛl? Cie Thamaria? Ku eeŋa bï gäk awäny ë Juda, awäny cï yen yiëth kɔ̈k lam? Cie Jeruthalem yiɛnhde?

Math 6:33

Kankï ciɛɛŋ de Nhialic aa kɔɔr, kekë piath ë yenpiɔ̈u, ku kakë kedhie abï ke ya juak nyïïn tëde week.

2Tim 3:15

ku ŋic kënë aya an, ɣɔn ee yïn mɛnhthiinakäŋ, yïn ë ŋic kacïgɔ̈ɔ̈r kaɣer yiic, ka cath në riɛl bïk yï tɔ ye raan pelnɔm aɣet kuny bï yï kony wëi në gäm cï yïn Kërtho Yecu gam.