2 Lëk 33:18 - JAM DE NHIALIC 2011

¹⁸ Ku këriëëc ëbɛ̈n cï Manatha looi, ku lɔ̈ŋdɛn cï yen Nhialicde lɔ̈ŋ, ku lɔ thoŋ de tiët cï jam ke yen, në rin ke Bɛ̈nydït Nhialic de Yithriɛl, acï ke gɔ̈ɔ̈r në awerek de kathɛɛr ke meliik ke Yithriɛl yiic.

2 Lëk 33:18 ပူးပေါင်းရင်းမြစ်များ

1 Mel 11:41

Ku këriëëc ëbɛ̈n cï Tholomon looi, ku ka cï looi ëbɛ̈n, ku pɛlënɔmde, acï ke gɔ̈ɔ̈r në awerek de kathɛɛr ke luɔi de Tholomon yic.

1 Mel 14:19

Ku këriëëc ëbɛ̈n cï Jerobowam looi, thɔ̈ɔ̈rdɛn ë thɔ̈ɔ̈r en, ku mänydɛn ë mɛc en bääny, acï ke gɔ̈ɔ̈r në awerek de kathɛɛr ke meliik ke Yithriɛl yiic.

1 Mel 15:31

Ku këriëëc ëbɛ̈n cï Nadap looi, ku ka cï looi ëbɛ̈n, acï ke gɔ̈ɔ̈r në Awerek de kathɛɛr ke meliik ke Yithriɛl yiic.

2 Mel 17:13

Ku Bɛ̈nydït acï Yithriɛl jɔ̈ɔ̈ny në jam de tiët ëbɛ̈n ku jam de monydaai ëbɛ̈n an, “Pälkï kuɛɛrkuön rac, ku riëëukï lööŋkï ku wëëtdï cït man cän ke gäm week në kueer ë awuutkï tït ke Nhialic.

2 Lëk 20:34

Ku këriëëc ëbɛ̈n cï Jeɣocapat looi, gɔl tueŋ leer ciëën, acï ke gɔ̈ɔ̈r në awerek de Jeɣu wën de Ɣanani yic, ku acï ke gɔ̈ɔ̈r në awerek de kathɛɛr ke meliik ke Yithriɛl yiic.

2 Lëk 21:2

Jeɣoram wën ë melik Jeɣocapat de Juda ade nɔm mïthëkɔcken kadhetem. Adharia, Jeɣel, Dhekaria, Adhariyau, ku Maikɔl, ku Cepatia.

2 Lëk 32:32

Ku këriëëc cï ë Ɣedhekia looi ëbɛ̈n, ku luɔidɛn piɛth, acï ke gɔ̈ɔ̈r në nyuuth de tiët Yithaya wën de Amodh yic, ku në awerek de meliik ke Juda ku Yithriɛl yiic.

2 Lëk 33:10

Na cakaa wään cïï Bɛ̈nydït Manatha kekë kɔcke jɔ̈ɔ̈ny, gokï ŋoot ke ke cïï pïŋ.

2 Lëk 33:19

Lɔ̈ŋ de melik ku luɔi cïï Nhialic ye puk nɔm, ku karɛc juëc cï keek looi ɣɔn ŋoot en ke kën yepiɔ̈u puk, ku ɣään ke läm de yiëth ku kïït ke yanh tik Acera cï looi, ku yiëth ye lam, acï ke gɔ̈ɔ̈r kedhie në awerek de kathɛɛr ke tït yiic.

Yith 29:10

Bɛ̈nydït ë we tɔ nok, ë döŋ ke ye nïn yen bä wek niin arëët. Tït ke Nhialic aduëërkï aa nyïïn ke kɔc, ku acï Nhialic ke cɔɔr nyïïn.

Yith 30:10

Ayek lɛ̈k tït ke Nhialic an, “Miɛmkï thook duökï wo lëk yïth, lɛ̈kkï wook kë nhiaarku buk piŋ. Tɔ wo muk luethkuɔ.

Amoth 7:12

Go Amadhia lɛ̈k Amoth an, “Ë jɔ loi, monydaai! Jɔ yïnɔm bɛ pɔ̈k Juda, ku abä ke lɔ thiëc këcamdu ëtɛ̈ɛ̈n, ku lɔɔr bä bɛ lɔ cɔ̈ɔ̈r ëtɛ̈ɛ̈n.

Maika 3:7

Ku kɔc ee nyuuth tïŋ, abïk yäär, ku tït abïk guöp riɔ̈ɔ̈c. Abïk kenyïïn kum kedhie, në luɔi cän jamden bï bɛ aa puk nɔm Yɛn Nhialic.

1 Tham 9:9

Ɣɔn thɛɛr paan de Yithriɛl, na kɔɔr bï raan Nhialic thiëëc, aaye lueel an, “Bäär, lokku tëde monydaai në baŋ ye tiët tɔ ye monydaai në ye aköölkë yiic.”