2 Lëk 33:13 - JAM DE NHIALIC 2011

¹³ Go Nhialic lɔ̈ŋ de Manatha gam ku puk yenɔm Jeruthalem ku be aa melik. Kënë acï Manatha bɛ̈n ŋic nɔn ye Bɛ̈nydït Nhialic.

2 Lëk 33:13 ပူးပေါင်းရင်းမြစ်များ

Cäk 25:21

Yithaak acï Bɛ̈nydït lɔ̈ŋ në biäk ë Rebeka, në luɔi ë cïn en nɔm mïth. Ago Bɛ̈nydït lɔ̈ŋde piŋ. Go Rebeka liac.

1 Mel 18:39

Na wën aa tïŋ kɔc ee kënë, ke ke cuɛt röt piny, ku luelkï, an, “Bɛ̈nydït Yen aye Nhialic, Bɛ̈nydït Yetök Yen aye Nhialic!”

1 Mel 8:50

Ku pälë kɔckuön cï Yï luöi awäc awänyden. Tɔ kɔc ke aterden ye piɔ̈ɔ̈th kok në keek.

2 Mel 13:4

Go Jeɣowadh Bɛ̈nydït lɔ̈ŋ, go Bɛ̈nydït lɔ̈ŋde piŋ, në luɔi cï Yen yaaŋ de Yithriɛl tïŋ, yaaŋ yɔŋ ë keek në melik de Thiriya.

1 Lëk 5:20

Agokï Nhialic ŋɔ̈ɔ̈th, ku lɛ̈ŋkï bïï ke kony, go Nhialic lɔ̈ŋden piŋ, ku tɔ keek tɔ tiam kɔc ke Ɣagariit në kɔc mät ë keek.

2 Lëk 12:7

Na wën aa tïŋ Bɛ̈nydït en nɔn cï kek röt kuɔɔr piny, go jam de Bɛ̈nydït bɛ̈n tëde tiët Cemaya an, “Në biäk cïk kek röt kuɔɔr piny, acä keek bï bɛ riɔ̈ɔ̈k, ku abä keek gäm kuɔɔny thiin akäŋ, ku agönhdï acä bï bɛ wäl ë Jeruthalem guöp në ciin ë Cicak,

2 Lëk 33:18

Ku këriëëc ëbɛ̈n cï Manatha looi, ku lɔ̈ŋdɛn cï yen Nhialicde lɔ̈ŋ, ku lɔ thoŋ de tiët cï jam ke yen, në rin ke Bɛ̈nydït Nhialic de Yithriɛl, acï ke gɔ̈ɔ̈r në awerek de kathɛɛr ke meliik ke Yithriɛl yiic.

2 Lëk 33:19

Lɔ̈ŋ de melik ku luɔi cïï Nhialic ye puk nɔm, ku karɛc juëc cï keek looi ɣɔn ŋoot en ke kën yepiɔ̈u puk, ku ɣään ke läm de yiëth ku kïït ke yanh tik Acera cï looi, ku yiëth ye lam, acï ke gɔ̈ɔ̈r kedhie në awerek de kathɛɛr ke tït yiic.

2 Lëk 34:27

ka yïn cï yïpiɔ̈u puk ku kuɔɔrë rɔt piny ë yanɔm, ku rɛtë lupɔɔ ke yïnkɔ̈u yiic ku dhiau, të wën piŋ yïn luɔi cän ye lueel, nɔn bän Jeruthalem luöi këtuc kekë kɔcke. Yɛn cï lɔ̈ŋdu piŋ,

Edhr 7:27

Go Edhera lueel an, “Thieithieei Bɛ̈nydït Nhialic de kuarkuɔ, Raan cï kë cït ee kënë tääu në Melik piɔ̈u bïï Luaŋdït tɔ̈u ë Jeruthalem guiir apiɛth.

Edhr 8:23

Goku thek ku läŋku Nhialicda, ago lɔ̈ŋda piŋ.

Jop 22:22

piŋ wëëtdan ee bɛ̈n bei në Yethok ku tääuwë ke në yïpiɔ̈u,

Jop 22:23

ku na dhuönyë rɔt Nhialic Awärjäŋ ke bï yï yïk, ku tɔ luɔi de karɛc kääc baaidu,

Jop 22:27

Abä lɔ̈ŋ ku abï këdu piŋ, ke yïn bï këduön cïï yïn kuëŋ looi.

Jop 36:11

Na yek Nhialic riëëu ku luuikï, ka bïk pïïrden thöl ëbɛ̈n në mätic ku kuɛth.

Jop 36:9

Aye Nhialic ke nyuöth awɛ̈ɛ̈cken ku lɛc ë rɔtden.

Diɛt 107:13

Të de yen nuandɛn cï ke yök ayek Bɛ̈nydït cɔɔl ku kony keek në nuanden yic.

Diɛt 46:10

Go lueel an, “Dɔ̈mkï tɔŋ kɔ̈ɔ̈c, ku ŋiɛckï ee Yɛn Nhialic, Yɛn adït, në juöör ke pinynɔm nïïm, ku Yɛn adït në pinynɔm ëbɛ̈n.”

Diɛt 46:11

Bɛ̈nydït de rɛm atɔ̈u ke wook, Nhialic de Jakop Yen ee tëdan ë thiaan.

Diɛt 86:5

Bɛ̈nydït, Yïn piɛth wekë wook, ku ye wook päl karɛckuɔ, Yïn thiäŋ wekë nhiëër agɔk, tëde kɔc ee Yïn lɔ̈ŋ kedhie.

Diɛt 9:16

Bɛ̈nydït ee rɔ nyuɔɔth në guiëërdɛn ë piathëpiɔ̈u, ku kɔc ee kërac looi acï kërɛɛcdɛn yek looi ke dɔm.

Kɛ̈ŋ 16:7

Raan cïï Bɛ̈nydït piɔ̈u miɛt ke yen, aye Bɛ̈nydït kɔc ke aterde puk ke ke ye määthke.

Kɛ̈ŋ 21:1

Piɔ̈n ë bɛ̈ny acït kuëër ë pïïu ke kiir aye Bɛ̈nydït Awärjäŋ wɛl nɔm të kɔɔr.

Jeremia 24:7

Abä keek gäm piɔ̈n bï kek ye ŋic nɔn Yɛn Bɛ̈nydït. Ku ëtɛ̈ɛ̈n abïk aa kɔckï, ku Yɛn bï aa Nhialicden, në biäk bï kek kenïïm pɔ̈k Ɛn në piɔ̈nden ëbɛ̈n.

Jeremia 36:7

Tɛk däŋ bïk Bɛ̈nydït lɔ̈ŋ ku pukkï röt ë kuɛɛrkɛn rac yiic, ë biäk cï Bɛ̈nydït kɔckë lɛ̈k në agöth ku diu ë piɔ̈u.”

Dhiëëu 3:56

Ku wën cän Yïn lɔ̈ŋ bä lɔ̈ŋdï piŋ, acï bɛ̈n piŋ.

Danyel 4:25

Yïn bï cuɔp wei në kɔc yiic, ku yïn bï lɔ rëër wek ë läi roor. Në run kadhorou yiic, yïn bï nyuäth ë wal cï lɛ̈i, ku yïn bï tɔ̈c biic, të bï thäc yïn thɛ̈c. Ku ëtɛ̈ɛ̈n abä gam nɔn yen Nhialic dït, yen muk ciɛɛŋ de pinynɔm ëbɛ̈n, ku aduëër ke gäm raandɛn kɔɔr ë yepiɔ̈u.

Danyel 4:32

Yïn bï cuɔp wei në kɔc yiic, yïn bï rëër wekë läi, ku nyuäth wal cït man ë lɛ̈i në run kadhorou yiic. Ëtɛ̈ɛ̈n abä jɔ ŋic nɔn yen Nhialic dït, yen ade nɔm riɛl në ciɛɛŋ ë kɔc ke pinynɔm ëbɛ̈n, ku aduëër keek gäm raandɛn cï tak ë yepiɔ̈u.

Danyel 4:36

“Wën cïï piɔ̈ndï rɔt puk, go bääny, ku dhuëëŋdï, ku ciɛɛŋdï puɔ̈k nɔm ɛn. Ago bänykï ku adhuëëŋkï yɛn loor nɔm, ku gëmë yɛn riɛldiën ë bääny, kekë dhuëëŋ dïït wär kë wään tueŋ.

Math 6:33

Kankï ciɛɛŋ de Nhialic aa kɔɔr, kekë piath ë yenpiɔ̈u, ku kakë kedhie abï ke ya juak nyïïn tëde week.

Jɔn 17:3

Ku kënë yen aye pïïr athɛɛr an, Ŋïny bï kek yïn ŋic, yïn Nhialic yic, yïn yïtök, ku ŋickï Yecu Kërtho raan ë yïn ë toc en.

Jɔn 4:10

Go Yecu bɛ̈ɛ̈r, lueel an, “Tëë yï ŋic miɔ̈c de Nhialic, ku ŋic raan wën thɛɛr yöök yïn an, “Miɔc ɛn ë ka dɛk, adï cï lip tëde yen, ku adï cï yï gäm pïïu pïïr.”

Nyöŋ 29:6

Wek cïn nïïm kuïn cï pam camkï, ayï mɔ̈u ku nɔn mɔ̈n tuc dɛkï, ku Bɛ̈nydït acïï ka kaarkï keek bɛ̈n gäm week në biäk bï Yen week wɛ̈ɛ̈t luöi Yen Bɛ̈nydït Nhialicdun.

Ɣeberuu 8:11

Ku acïn raan në keyiic bï keek bɛ wɛ̈ɛ̈t në kajuëc cït kake löŋ thɛɛr, në luɔi bï kek Ya ŋic ‘Yɛn Bɛ̈nyden.’ Në luɔi bï kek Ɛn ŋic kedhie, gɔl ë raan koor agut cï raan dït.