2 Lëk 32:8 - JAM DE NHIALIC 2011

⁸ Ku riɛl tɔ̈u ke yen e riɛl ë raan tei, ku wok de Bɛ̈nydït Nhialinyda abï wok kony ku bï tɔŋ thɔ̈ɔ̈r ë yen.” Go kɔc kepiɔ̈ɔ̈th riit në wɛ̈l ke Ɣedhekia melikden.

2 Lëk 32:8 ပူးပေါင်းရင်းမြစ်များ

2 Mel 18:5

Ɣedhekia aa ŋäth Bɛ̈nydït Nhialic de Yithriɛl, ku aa cïn melik ë cït en ɣɔn tueŋ, ku acïn melik cï bɛ̈n ciët en wään ciëën.

2 Mel 6:16

Go Elica bɛ̈ɛ̈r an, “Du riɔ̈ɔ̈c, kɔc nu në wook ajuëckï në kɔc nu në keek.”

1 Lëk 5:22

Acïk kɔc juëc ke aterden bɛ̈n nɔ̈k ë tɔŋic, në biäk ye tɔŋ këde Nhialic piɔ̈u. Ku jɔkï rëër ee pinyë agut cï ɣɔn jɔ ë keek peec.

2 Lëk 13:12

Nhialic guöpde ee yen ee Bɛ̈nydïïtda, ku bänykɛn ke kake Nhialic atɔ̈ukï ee tënë ke ke muk kɛŋ, acïk röt coc bïk kɛŋ kooth, ku ciɛɛlkï wook tɔŋ buk piɔ̈t në week. Kɔc ke Yithriɛl piɛŋkï apiɛth, duökï piɔ̈t ë Bɛ̈nydït, Nhialiny de kuarkun! Wek cïï duëër kɔn tiam!”

2 Lëk 14:10

Go melik Atha lɔ biic bï lɔ piɔ̈t kekë yen, ku jɔ kuut kedhie kɔ̈ɔ̈c ë ɣäänken, në Wak de Dhepatha yic të thiääk kekë Mareca.

2 Lëk 14:11

Na wën ke melik Atha ë läŋ Bɛ̈nydït Nhialicde an, “Bɛ̈nydït, Yïn de nɔm riɛl duëër Yïn rem de tɔŋ kɔ̈c kony cït man de rem de tɔŋ ril. Kony wook ënɔɔnë, Yïn Bɛ̈nydït Nhialicda, në biäk kɛn wok röt në Yïn, ku në rinku yen abïï wok biic buk bɛ̈n thɔ̈ɔ̈r në rem dïït ë tɔŋë. Bɛ̈nydït, Yïn ee Nhialicda, acïn raan duëër ye ŋɔ̈ɔ̈th bïï Yïn tiaam.”

2 Lëk 16:7

Na ɣɔn aköölkë yiic ke Ɣanani monydaai lɔ tëde melik Atha ku lueel an, “Në biäk cïï yïn rɔt kan në melik de Thiriya ku päl nɔn kɛn yïn rɔt në Bɛ̈nydït Nhialicdu, yen kën ë tɔ rem de tɔŋ ë melik de Yithriɛl bän ë yïciin ka.

2 Lëk 20:15

Go Jaɣadhiel lueel an, “Yïn melik ku wek ke kɔc ke Juda ku Jeruthalem, acïï Bɛ̈nydït lueel nɔn cä wek piɔ̈ɔ̈th bï jiɛth, ku cäkï riɔ̈c bäk lɔ rɔ̈m në ee rem dïïtë. Tɔŋ ee këde Nhialic, acie këdun.

2 Lëk 20:17

Wek cïï ee tɔŋë bï thɔ̈ɔ̈r. Nyuöckï ë ɣäänkun yiic ku tiëtkï, wek bï Bɛ̈nydït tïŋ ke gëm week tiëm. Wek kɔc ke Juda ku kɔc ke Jeruthalem, duökï piɔ̈ɔ̈th cɔ̈m ku duökï riɔ̈c. Lakï tɔŋ, ku Bɛ̈nydït abï tɔ̈u kekë week!”

2 Lëk 20:20

Na ɣɔn amiäk adurduur në kööldäŋë, go kɔc lɔ biic në jɔ̈ɔ̈r thiääk kekë Tekowa. Na wën aa jɔkï lɔ biic, go melik Jeɣocapat keek jääm në ee wëlkë an, “Kɔc ke Juda ku Jeruthalem! Tääukï aŋäthdun në Bɛ̈nydït Nhialinydun guöp, yen abä wek kɔ̈ɔ̈c aril. Gamkï kë cïï tïtke lɛ̈k week, ku wek bï tiam.”

2 Lëk 32:15

Ku ënɔɔnë duökï Ɣedhekia tɔ mɛth week ku thel week wei aya. Duökï kë lueel gam! Acïn yanh de jur cï kɔcke kɔn kony tëde melik de Athiriya. Ka yanhduönë acïï week bï kony!”

Jop 40:9

Yïn riɛlë cï Yɛn, Duëërë röl ciët rel ë deŋ cït man ë Yɛn.

Diɛt 118:8

Aŋuän bï raan Bɛ̈nydït ŋɔ̈ɔ̈th në luɔi bï raan rɔt kan ë raan.

Diɛt 20:7

Kɔc kɔ̈k ayek abëël ke tɔŋ ŋɔ̈ɔ̈th, ku ŋäth kɔc kɔ̈k jöŋgöörken, ku wok ee riɛl de Bɛ̈nydït Nhialicda ŋɔ̈ɔ̈th.

Diɛt 46:11

Bɛ̈nydït de rɛm atɔ̈u ke wook, Nhialic de Jakop Yen ee tëdan ë thiaan.

Diɛt 46:7

Bɛ̈nydït de rɛm atɔ̈u ke wook, Nhialic de Jakop ee tëdan ë thiaan.

Bɛ̈n 4:31

Agokï gam. Na wën, aa piŋkï luɔi cïï Bɛ̈nydït ciɛɛŋ cieŋ ë keek arac tïŋ, acïk kenïïm bɛ̈n guöt piny, ku läŋkï.

Kɛ̈ŋ 12:25

Diɛɛr ee raan tɔ cath ëduuŋduuŋ, ku wël piɛth ayek en jat nhial.

Yith 30:32

Të ye Bɛ̈nydït ke yup ku be ke yup, kɔcke abïk lɔ ke ke koth kɛŋ ku thoom ku gutkï lɔ̈r. Nhialic guöpde abï thɔ̈ɔ̈r kekë kɔc ke Athiriya.

Yith 31:3

Kɔc ke Rip acïkï ee yiëth, ayek kɔc tei. Ku jöŋgöörken acïnkï riɛl bɔ̈ nhial. Të le Bɛ̈nydït lɔ lui, ke jur ril abï kuɛɛm, ku jur kɔ̈c ye kony abï wïïk. Keek kedhie abï keek riɔ̈ɔ̈k.

Yith 36:18

Duökï röt tɔ mɛth ë melik Ɣedhekia, në luɛɛl yen e lueel an, “Bɛ̈nydït abï wo kony. Ee yiëth ke juöör kou cï wunde kɔn kony në melik de Athiriya ciin?

Yith 41:10

Duökï riɔ̈c, Yɛn tɔ̈u wo week! Yɛn ee Nhialicdun, në cïn kë riääc wek! Wek bä ke tɔ ye kɔc ril ku kuɔny week, wek bä ke gël, ku kuɔny week.

Yith 8:10

Luɔikï guiɛɛrdun! Ku acïkï bï tiam. Jamkï në jamduön cäk tak! Ku acïnkï naamden, në luɔi tɔ̈u ë Nhialic ke wook.

Jeremia 17:5

Aye Bɛ̈nydït lueel an, “Yɛn bï kɔc ee röt yal wei ë yalɔ̈ɔ̈m luöi këtuc, kɔc ee kɔc ŋɔ̈ɔ̈th, ku kɔc ŋäthkï mïth ke kɔc.

Jeremia 42:11

Jakkï riɔ̈ɔ̈c yak wek riɔ̈ɔ̈c në melik de Babilonia pɔ̈l. Yɛn tɔ̈u wo week, ku wek bä kony në riɛlde yic.

Dhek 4:6

Go jɔ puɔ̈k nɔm ɛn an, “Kënë ee jam lëk ë Bɛ̈nydït Dherubabel an: Acie riɛl, ku acie jööt, ee në wëikï. Yen kë cï Bɛ̈nydït de rɛm lueel ka. Eeŋö bä cök nɔm yïn kuur dït? Yïn bï rai piny në Dherubabel nɔm tueŋ, ka yïn bï nɔm kït wekë piny.

Luɔi 18:10

yɛn cath wo yïn, ku acïn raan bï rɔt yiëk ater ke yïn, bï yï nɔ̈k, yɛn de kɔc juëc ë pänydïïtëyic.”

Nyöŋ 20:1

Go Mothe lueel an, “Të la wek biic, lak thɔ̈ɔ̈r në kɔc ke aterdun, ku lak abëël ke tɔŋ tïŋ, jöŋgöör ku remdïït de tɔŋ wär week në juëc, duökï riɔ̈c në keek, Bɛ̈nydït Nhialicdun Raan wään luäk week në Rip, abï tɔ̈u ke week.

Nyöŋ 20:3

‘Piɛŋkï röör ke Yithriɛl, ëköölë we lɔ tɔŋ. Duökï riɔ̈c në kɔc ke aterdun, ku duökï röt pɛ̈l wei, ku duökï päu.

Nyöŋ 20:4

Bɛ̈nydït Nhialicdun alɔ ke week, ku abï week tɔ tiëm.’

2Tim 4:17

Ku Bɛ̈nydït yen aa kääc ë yalɔ̈ɔ̈m, ago a tɔ ril piɔ̈u, luɔi bï jam thök ë guiëër ë yathok, ago Juöör piŋ ëbɛ̈n: ku yɛn cï luäk bei ë köör thok.

2Tim 4:22

Ë Bɛ̈nydït Yecu Kërtho ë ye tɔ̈u ke wëiku. Ë dhuëëŋdepiɔ̈u ë ye tɔ̈u ke week wedhie Amiin

Jocua 10:42

Wuötkë kedhie, në meliiken peec ë Jocua në tɔŋ ë lee, në luɔi ë Bɛ̈nydït Nhialic Töŋ de Yithriɛl.

1 Jɔn 4:4

Wek ee kɔc ke Nhialic, wek mïththiaakäŋ, ku acäk ke tiaam: luɔi dïïtë Raan nu ë weyiic awär raan nu ë piny nɔm.

1 Tham 17:45

Go Debid bɛ̈ɛ̈r an, “Yïn bɔ̈ tënu yɛn wekë abätäu ku tɔɔŋ kaarou, ku yɛn lɔ tënu yïn në rin ke Bɛ̈nydït de rɛm, Nhialic de rem de tɔŋ ë Yithriɛlduön cï läät.