2 Lëk 32:7 - JAM DE NHIALIC 2011

⁷ “Takï röt ril, ku riɛtkï wepiɔ̈ɔ̈th, ku duökï riɔ̈c në melik de Athiriya, ku nɔn ee remdɛn de tɔŋ cath ke yen. Wok de nïïm riɛldït ë biäkda, riɛl wär riɛl cath ke yen.

2 Lëk 32:7 ပူးပေါင်းရင်းမြစ်များ

2 Mel 18:30

Ku duökï Ɣedhekia bï tɔ duöŋ week, ke we bï Bɛ̈nydït ŋɔ̈ɔ̈th, ku bäk lueel an, bï Bɛ̈nydït we kony, ku bïï rem de tɔŋ de Athiriyada tɔ kääc në luɔi bï kek pänydïïtdun dɔm.

2 Mel 18:5

Ɣedhekia aa ŋäth Bɛ̈nydït Nhialic de Yithriɛl, ku aa cïn melik ë cït en ɣɔn tueŋ, ku acïn melik cï bɛ̈n ciët en wään ciëën.

2 Mel 6:16

Go Elica bɛ̈ɛ̈r an, “Du riɔ̈ɔ̈c, kɔc nu në wook ajuëckï në kɔc nu në keek.”

1 Lëk 22:13

Të le yïn lööŋ cï Bɛ̈nydït gäm Mothe në baŋ de kɔc ke Yithriɛl lɔ riëëu kedhie, yïn bï tiam ë luɔidu yic. Riit yïpiɔ̈u ku tɔ rɔ ril, ku du riɔ̈c.

1 Lëk 28:10

Abä dhil jɔ ŋic ënɔɔnë, nɔn cïï Bɛ̈nydït yï lɔc bä tëɣeric yïk, loi ënɔɔnë, ku tɔ yïpiɔ̈u ril.”

1 Lëk 28:20

Go melik Debid Tholomon wënde yɔ̈ɔ̈k, an, “Dɔm aŋäth ku riɛl de piɔ̈u. Gɔl luɔi, du de kë bï yï tɔ kääc. Bɛ̈nydït Nhialic, ya luööi, abï tɔ̈u ke yïn. Acïï yïn bï nyääŋ piny, ku abï rëër ke yïn agut të bï yïn luɔi de Luaŋdït thöl.

2 Lëk 15:7

Ku yïn bï dhil riɛl ku du bï bäp. Ku luɔi bä looi abï yïn tɔ yök athiɛɛi.”

2 Lëk 16:7

Na ɣɔn aköölkë yiic ke Ɣanani monydaai lɔ tëde melik Atha ku lueel an, “Në biäk cïï yïn rɔt kan në melik de Thiriya ku päl nɔn kɛn yïn rɔt në Bɛ̈nydït Nhialicdu, yen kën ë tɔ rem de tɔŋ ë melik de Yithriɛl bän ë yïciin ka.

2 Lëk 20:15

Go Jaɣadhiel lueel an, “Yïn melik ku wek ke kɔc ke Juda ku Jeruthalem, acïï Bɛ̈nydït lueel nɔn cä wek piɔ̈ɔ̈th bï jiɛth, ku cäkï riɔ̈c bäk lɔ rɔ̈m në ee rem dïïtë. Tɔŋ ee këde Nhialic, acie këdun.

2 Lëk 20:17

Wek cïï ee tɔŋë bï thɔ̈ɔ̈r. Nyuöckï ë ɣäänkun yiic ku tiëtkï, wek bï Bɛ̈nydït tïŋ ke gëm week tiëm. Wek kɔc ke Juda ku kɔc ke Jeruthalem, duökï piɔ̈ɔ̈th cɔ̈m ku duökï riɔ̈c. Lakï tɔŋ, ku Bɛ̈nydït abï tɔ̈u kekë week!”

Neɣe 4:8

Ku jɔkï kiɛɛr mat kedhie bïk bɛ̈n ku mɛkï Jeruthalem, ku bïk kɔc tɔ nuɔɔn nïïm,

Diɛt 118:8

Aŋuän bï raan Bɛ̈nydït ŋɔ̈ɔ̈th në luɔi bï raan rɔt kan ë raan.

Yith 35:4

lɛ̈kë raan cï piɔ̈u jiɛth ëbɛ̈n an, “Tɔ rɔt ril ku du riɔ̈c! Bɛ̈nydït abï yïn bɛ̈n luök, abï kɔc ke aterdu bɛ̈n luöi këtuc.”

Jeremia 42:11

Jakkï riɔ̈ɔ̈c yak wek riɔ̈ɔ̈c në melik de Babilonia pɔ̈l. Yɛn tɔ̈u wo week, ku wek bä kony në riɛlde yic.

Danyel 10:19

Go lueel an, “Nhialic anhiaar yïn, ku du tɔ de kë diir yïn, ku du riɔ̈c. Wën cï yen ee kënë lueel, aguɔ rɔt yök ke ya ril aläl, aguɔ lueel an, “Bɛ̈ny, lɛ̈kë yɛn kë kɔɔr bä lueel, yïn cï yɛn tɔ piɛth.

Dhek 4:6

Go jɔ puɔ̈k nɔm ɛn an, “Kënë ee jam lëk ë Bɛ̈nydït Dherubabel an: Acie riɛl, ku acie jööt, ee në wëikï. Yen kë cï Bɛ̈nydït de rɛm lueel ka. Eeŋö bä cök nɔm yïn kuur dït? Yïn bï rai piny në Dherubabel nɔm tueŋ, ka yïn bï nɔm kït wekë piny.

Dhek 8:23

Acï Bɛ̈nydït de rɛm lueel an: Në aköölkë yiic, alɛi kathiëër në juöör ke thook yiic ëbɛ̈n, abïk aa bɛ̈n tëde raan töŋ ë Judai, ku lëkkï yen an, ‘Tɔ wo lɔ të le yïn thïn në yïn ëtök. Acuk piŋ nɔn tɔ̈u ë Nhialic ke week.’

Dhek 8:9

Kë cï Bɛ̈nydït de rɛm lueel kï an, “Riɛtkï wepiɔ̈ɔ̈th, wek kɔc piŋ ee jamë në tït thook ee aköölkë, gɔl në kööl ɣɔn tɛ̈ɛ̈uwë ë këërkëër de Luaŋdït de Bɛ̈nydït de rɛm piny, në luɔi bïï ë Luaŋdït yïk.

Romai 8:31

Buk ŋö jɔ lueel në këde kake? Të mɛtë Nhialic ke wook, ke eeŋa bï dɛ ater ke wook?

Epethiei 6:10

Cöök ciëën, mïthëkɔckuɔ, yak riɛl ë Bɛ̈nydïtic, në riɛl dïït ril en.

Nyöŋ 20:1

Go Mothe lueel an, “Të la wek biic, lak thɔ̈ɔ̈r në kɔc ke aterdun, ku lak abëël ke tɔŋ tïŋ, jöŋgöör ku remdïït de tɔŋ wär week në juëc, duökï riɔ̈c në keek, Bɛ̈nydït Nhialicdun Raan wään luäk week në Rip, abï tɔ̈u ke week.

Nyöŋ 31:23

Go Bɛ̈nydït Jocua wën de Nun yɔ̈ɔ̈k, an, tɔ rɔt ril ku rit yïpiɔ̈u, në baŋ bï yïn mïth ke Yithriɛl lɛɛr piny cän kuëëŋ an bä gäm keek, ku yɛn guöpdï yɛn bï tɔ̈u wokë week.

2Tim 2:1

Yeka mɛnhdï, ye riɛl në dhuëëŋdepiɔ̈u nu ë Kërtho Yecuyic.

1 Jɔn 4:4

Wek ee kɔc ke Nhialic, wek mïththiaakäŋ, ku acäk ke tiaam: luɔi dïïtë Raan nu ë weyiic awär raan nu ë piny nɔm.