2 Lëk 32:29 - JAM DE NHIALIC 2011

²⁹ Ku në kake cök, go Nhialic gäm thök juëc ku ɣɔ̈k ku lɔ kajuëc kɔ̈k abï yen tɔ yïk pɛ̈ɛ̈nydït juëc.

2 Lëk 32:29 ပူးပေါင်းရင်းမြစ်များ

1 Lëk 29:12

Kuɛth ku riëëu kedhie ayek bɛ̈n tëde Yïn, ku ee Yïn ee bɛ̈ny de kɔc kedhie. Ku ciindu ade yic riɛldït, ku ciindu abï Yïn göök dït looi, ku Yïn ee riɛl gäm kɔc kedhie.

1 Lëk 29:28

Aa thou ke cï runkɛn ke dhiɔp thöl, aaye raan rïïuwë guöp, ku de nɔm kajuëc, go Tholomon wënde lɔ në nyinde yic ke ye melik.

2 Lëk 17:5

Go Bɛ̈nydït Jeɣocapat gäm riɛl mɛc en ciɛɛŋ de Juda, ago kɔc kedhie yen yiɛ̈n miɔ̈c, ago bɛ̈n aa raan de nɔm kajuëc ku riëëuwë aläl.

2 Lëk 25:9

Na wën ke Amadhia ë thiëc raan de Nhialic an, “Ku na ateek juëc cän keek riɔp?” Go ë raan de Nhialic bɛ̈ɛ̈r an, “Bɛ̈nydït abï yï cuööt awär ee kake!”

2 Lëk 26:10

Ku yïk ɣööt ril bär në jɔ̈ɔ̈ric ku wec yith ke pïïu, në biäk de yen nɔm ɣɔ̈k juëc në kur nu të lɔ aköl athɛ̈i ku në riaaŋ nɔm. Ku në biäk nhiɛɛr en pɔ̈ɔ̈r, aaye kɔc riit piɔ̈ɔ̈th bïk duum ke enap com ë kur thäär ku në tiɔɔm piɛth yic.

2 Lëk 32:28

Ku acï ɣööt kɔ̈k tɔ yïk bï ke rap tääu thïn, ku mɔ̈u, ku miök de olip, ku agäu bï ɣɔ̈k mac thïn, ku atook de thök,

Jop 1:3

Ee raan de nɔm kajuëc aläl, ade aguum kadhorou ke thök, ku aguum kadiäk ke thɔ̈rɔ̈ɔ̈l, ku agum töŋ de ɣɔ̈k, ku bot ka dhïc ke mul, ku kɔc juëckɛn ee luui, yen ajɔ Jop aa raan de naamdɛndït awär kɔc nu të lɔ aköl amiäk.

Jop 1:9

Go Catan pɔ̈k nɔm En an, “Duëër Jop Yï riëëu të cïn en kë bïï yök thïn?

Jop 42:12

Ku Bɛ̈nydït acï runke pïïr Jop wään ciëën ë thieei yiic, awär athiɛɛi tueŋ, aa de nɔm aguum kathiëër ku ŋuan 14,000 ke thök amɛ̈l, ku aguum kadhetem 6000 ke thɔ̈rɔ̈ɔ̈l, ku aguum kaarou ke 2,000 ɣɔ̈k, ku agum töŋ de mul.

Kɛ̈ŋ 10:22

Kuɛth ee athiɛɛi de Bɛ̈nydït, ku acie luɔiduöndït.

Nyöŋ 8:18

Yak ŋic nɔn Yen Bɛ̈nydït Nhialicdun, Yen ë gëm week riɛl bï we tɔ kueth. Aa loi ee kënë në baŋ ŋoot En ke ye Adöt ee köölë, në löŋ cï mac kekë kuarkun.

1 Tham 2:7

Yen ee kɔc kɔ̈k gäm nyin kuany, ku tɔ kɔc kɔ̈k tɔ kueth, Yen ee kɔc kɔ̈k kuɔɔr piny ku jɔt kɔc kɔ̈k nhial.