2 Lëk 31:15 - JAM DE NHIALIC 2011

¹⁵ Ku në pɛ̈ɛ̈nydït kɔ̈k ceŋ ë Lebai kek, aaye kuɔny ë luɔi yic në piɔ̈n adöt në yï: Eden, ku Miniamin, ku Jecua, ku Cemaya, ku Amaria, ku Cekania. Ayek kacam tɛ̈k kɔckɛn ë Lebai apiɛth cït man ë täu de luɔidɛn yek looi,

2 Lëk 31:15 ပူးပေါင်းရင်းမြစ်များ

1 Lëk 24:31

Raandïït de baai, ku raan thiin de dhiënden, aake ye gɛk dɛɛny në biäk de luɔiden, cït man ye ë yen looi në kɔcken, bäny de kake Nhialic kuat de Aron. Ku melik Debid, ku Dhadok, ku Aɣimelek ku bäny ke ɣööt thook, ku bäny de kake Nhialic ku dhiën de Lebai aake nu thïn.

1 Lëk 25:8

Në biäk bïï kek luɔiden ŋic, aake ye luɔi tek në deeny de gɛk, na yek röördït, ku na yek dhuök, na yek kɔcpiööcë ku na yek atëët, raan ëbɛ̈n.

1 Lëk 9:22

Kedhie ayek bot kaarou ku thiëër ku rou de kɔc cï kuany, bïk kal thok ku athïïn aa tiit. Acï keek gɔ̈ɔ̈r ë täu de bɛ̈ikɛn rëër kek thïn. Ee melik Debid ku Thamwɛl monydaai yen ë tɛ̈ɛ̈u kuarken ke ke ye bäny në ee ɣäänkë yiic.

2 Lëk 29:12

Kɔc ke Lebaikë aake tɔ̈u ëtɛ̈ɛ̈n: Dhiën de Koɣath, ee Maɣath wën de Amathai, ku Jowɛl wën de Adharia. Dhiën de Merari, ee Kic wën de Abdi, ku Adharia wën de Jeɣalelel. Dhiën de Gercon, ee Jowa wën de Dhimna ku Eden wën de Jowa. Dhiën de Elidhapan, ee Cimiri ku Jewɛl. Dhiën de Athap, ee Dhekaria ku Matania. Dhiën de Ɣeman, ee Jowɛl ku Cimei. Dhiën de Jeduthun, ee Cemaya ku Yudhiɛl.

2 Lëk 31:13

Ku tɛ̈ɛ̈ukï kɔc ke Lebai kathiëër bï luui në kecök ku rinken kï: Jeɣel, Adhadhia, Naɣath, Athaɣel, Jerimoth, Jodhabad, Eliel, Yithmakia, Maɣath, ku lɔ Benaya, ku aake ye bäny kony Konania kekë Cimei mänhë, ë baŋ cï ke kuany ë melik Ɣedhekia kekë Adharia bɛ̈ny tueŋ de ɣön ë Nhialic.

2 Lëk 31:14

Ku raan de Lebai cɔl Kore wën de Yimena bɛ̈ny de kɔc ee kal Thoŋ de Luaŋdït të lɔ aköl amiäk tiit, ee yen ee bɛ̈ny de miɔ̈c ɣeric aläl ye gäm Bɛ̈nydït dɔm, ku tek keek.