2 Lëk 31:1 - JAM DE NHIALIC 2011

¹ Na wën cï luɔi de dhuëëŋ thök, ke kɔc ke Yithriɛl ë ke lɔ ë wuöt ke Juda yiic kedhie, ku dhoŋkï mën ke kur piny, ku yepkï kïït ke yanh tik Acera piny, ku riäkkï yïk, ku ɣään ye kɔc ke yiëth lam thïn. Ku loikï ee kënë ë wuöt ke kɔ̈k ke Juda yiic, ku bɛ̈i kɔ̈k ke yï Benjamin, ku Eparaim, ku Manatha, ku jɔkï kenïïm bɛ̈n pɔ̈k ë bɛ̈iken yiic.

2 Lëk 31:1 ပူးပေါင်းရင်းမြစ်များ

Cäk 19:15

Na ɣɔn amiäk aduduur, ke lëk ë tuucnhial Lɔt an, “Dap rɔt jɔt, ku jɔt tiiŋdu kekë duɛtku kaarou. Na cïï jäl, ke yïn bïï mat ë kɔc ke ee wunë yiic.”

2 Mel 17:2

Acï karɛc looi në Bɛ̈nydït nɔm, ku acïï go ciët meliik ke Yithriɛl ɣɔn kɔn bɛ̈n ë yenɔm tueŋ.

2 Mel 18:22

Na lak lueel an, “Wok kɛn röt në Bɛ̈nydït Nhialicda, cie kur ke Bɛ̈nydït kekë yïk kek ka wään riɔ̈ɔ̈k ë Ɣedhekia keek? Ɣɔn yöök en kɔc ke Juda ku Jeruthalem an yïïŋ tök ye tök yen bï kek aa lam në Jeruthalem.

2 Mel 18:4

Acï ɣään thöny nyaai, ku dhoŋ mëën yaath piny, ku yep yanh tiiŋ cɔl Acera piny. Ku dhuuŋ kërɛɛc de maläŋ ɣɔn bïï Mothe looi ayadäŋ, ku aa ye cɔl Neɣuctan. Agut cï aköölkë, kɔc ke Yithriɛl aake ye wal ŋïr nyop dhuëëŋ kek en.

2 Lëk 14:2

Atha acï këpiɛth looi ë Bɛ̈nydït Nhialicde nyin.

2 Lëk 14:3

Acï yïk ke alɛi nyaai ku nyiɛɛi ɣään ke läm de yiëth, ku dhoŋ waikɛn yaath piny ayï kurken, ku yep kïït ke yanh tik Acera piny.

2 Lëk 23:17

Na wën ke ke lɔ kedhie lek luaŋ de Baal jäp piny. Gokï yïïk ku yiëth nu ëtɛ̈ɛ̈n dhuɔŋ piny, ku nɛ̈kkï Matan guny de Baal në yïk nïïm tueŋ ëtɛ̈ɛ̈n.

2 Lëk 32:12

Ku cie Ɣedhekia yen ë dhoŋ yïk ke Bɛ̈nydït piny ku lëk kɔc ke Juda ku kɔc ke Jeruthalem bïk aa lam ku nyopkï wal ŋïr në yïïŋ tök nɔm.

2 Lëk 33:3

Acï kake läm ë yiëth bɛ nyɔk ë yïk, ka ɣɔn cïï wun Ɣedhekia keek dhuɔŋ piny. Acï yïk ke Baal yïk, ku cuëëc kïn de yanh tik Acera, ku lɛm kuɛl.

Ethta 4:16

“Lɔ määtë kɔc ke Judai kedhie, kɔc nu ë Thutha, bïk thek në biäkdï, ë ke cïï cäm ku cïkkï dëk ë nïn kadiäk aköl ku wakɔ̈u, ku yɛn wokë duet lui ë yɛn, wok bï thek aya cït man ë kek, ku ëtɛ̈ɛ̈n yɛn bï jɔ lɔ tëde Melik na cakaa nɔn yen dhäŋ de löŋicë, na cï ya nɔ̈k ë ya thou.”

Bɛ̈n 23:24

Duökï wenïïm gut piny në yiëthken nïïm ku duökï ke lam. Ku duökï kuɛɛrkɛn ke läm dɔmiic. Riäkkï yiëthken ku dhuööŋkï kur ke yïïkken.

Bɛ̈n 34:13

Jäpkï yïïkken piny, ku riäkkï mënkɛn ɣeriic, ku riäkkï yïïŋ de Acera yanhden.

Yith 17:8

Acïkï röt bï bɛ kan në yïkkɛn ë loikï në kecin, ku nɔn ŋäthkï ka cïk guaŋ, cït kïn de yanh tik Acera ku yïk ye wal ŋïr nyop ë kenïïm.

Nyöŋ 7:5

Ka ënɔɔnë, jakï yïkken thuöör piny, ku dhuɔŋkï waike kur yaath kɔ̈ɔ̈th, ku yiɛpkï yanh tik Acera piny, ku nyuɔpkï yiëthken.