2 Lëk 30:8 - JAM DE NHIALIC 2011

⁸ Duökï we nïïm tɔ ril cï keek, yak Bɛ̈nydït riëëu. Bäkkï Jeruthalem të tɔ̈u ë tëɣeric, të wään cïï Bɛ̈nydït Nhialicdun tɔ piɛth aɣet athɛɛr, ku bäk lam ago cïï be gɔ̈th ke week.

2 Lëk 30:8 ပူးပေါင်းရင်းမြစ်များ

2 Mel 23:26

Ku Bɛ̈nydït aŋoot ke kën agönhdɛn dït pɔ̈l ke Juda, agönh ɣɔn tɔ ë Manatha Ye göth.

1 Lëk 29:24

Go kɔc kedhie ku rem de tɔŋ, ku lɔ wɛ̈ɛ̈t ke melik Debid kedhie, acïk gam kedhie bïk tɔ̈u në melik Tholomon kɔ̈u.

2 Lëk 28:11

Piɛŋkï kë lɛ̈k week! Kɔc cäk keek peecë ke ke mac ayek mïthëkɔckun ku nyïïrëkɔckun. Takï keek jäl, na cie yen ke Bɛ̈nydït abï we luöi këtuc.”

2 Lëk 28:13

Acïk jam luelkï an, “Duökï kɔc cäk peecë bïï ee tënë! Wok ee kɔc cï awänydït luöi Bɛ̈nydït ku acuk tɔ göth në agönh bï en wo luöi këtuc. Ku ënɔɔnë wek kɔɔr bäk kë bï awänyda ŋuak nyin looi.”

2 Lëk 29:10

“Acä lueel ee köölë nɔn bän löŋ mac wokë Bɛ̈nydït, Nhialic de Yithriɛl, ke cïï bï bɛ gɔ̈th ke wook.

2 Lëk 36:13

Go Melik Dhedekia Melik Nebukadnedhar rɛɛc, raan cï ye dɔm ë riɛl bï kuëëŋ në rin ke Nhialic ago yen aa riëëu. Ago jai në riɛl ë nɔm ke cïï yepiɔ̈u puk ku cïï rɔt puk Bɛ̈nydït Nhialic de Yithriɛl.

2 Lëk 6:5

‘Gɔl të wään bɛ̈ɛ̈i Yɛn kɔckï bei ë Rip agut cï ënɔɔnë, acïn pänydïït töŋ cä lɔc piny de Yithriɛl, ke ee të bïï Luaŋdït yïk thïn bï ë Yɛn aa lam, ku acïn raan töŋ cä lɔc bïï dhiëën ke Yithriɛl wat.

2 Lëk 6:6

Ku ënɔɔnë Yɛn cï Jeruthalem lɔc ke ee të bïï ë Yɛn aa lam thïn, ku lac Debid, bïï kɔckï wat.”’

2 Lëk 7:16

në biäk cän ee tënë lɔc ku thiɛɛi ke ee të bïï ë yɛn aa lam thïn aɣet athɛɛr. Abä aa woi ku gël akööl yiic ëbɛ̈n.

Edhr 10:14

Takï bänykuɔn rɛ̈ɛ̈r ë Jeruthalem cɔl amatnɔm ëbɛ̈n, ku dɔmkï ee luɔiyë, ku takï raan ëbɛ̈n raan cï thiëëk ë nyan ë jur bɔ̈ në kööl cï lueel kekë röördït ke wunden ku bɛ̈ny ee löŋ guiir, bïk aa bɛ̈n në wuöt, ku ee kënë abïï agönhdïït ë Nhialic nyaai në woyiëth.”

Edhr 10:19

Acïk kuëëŋ an bïk diäärken pɔ̈l, ku raan tök ë keek abï nyɔɔŋ amääl gam ke ye miɔ̈c de awäc.

Diɛt 63:2

Tɔ ya tïŋ riɛldu, ku dhuëëŋdu, cït man cän Yï tïŋ tëɣeric.

Diɛt 68:24

Nhialic, cäthduön ë tiëm acï tïŋ ë raan ëbɛ̈n, cäth ciɛth ë Nhialic meliŋdï ke lɔ tëɣeric.

Diɛt 68:31

Abï kɔc ke Rip yɔ̈ɔ̈k bïk miɔ̈c de maläŋ bɛ̈ɛ̈i, ku kɔc ke Kuc abïk kecin täär Nhialic ke ke läŋ.

Diɛt 73:17

arëk abä lɔ tëɣeric de Nhialic. Aguɔ jɔ yökic yen kë bï tuöl tëde kɔc rac.

Diɛt 78:49

Acï keek yiɛ̈n gökdïït de riääk, wën wɛ̈l en agönhde në ŋeeny dït aläl, ŋeenydɛn ë bɔ̈ cït tuny de thuɔɔu.

Bɛ̈n 32:9

Yɛn ŋic riɛl ril ee kɔckë nïïm.

Jeremia 50:15

Mɔckï kiɛɛu de tɔŋ ë pänydït këc ëbɛ̈n! Babilon acï rɔt guɔ gam ë nɔɔnë. Kalde acï thuur kɔ̈u, ku dhoŋë kalde piny. Yɛn guur rɔt ë kɔc ke Babilonia, ka guöörkï röt ë keek, ku luööikï keek cït man cï kek kɔc kɔ̈k luööi.

Math 4:10

Go Yecu yɔ̈ɔ̈k an, “Nyai, Catan, acï gɔ̈ɔ̈r an, ‘Ye Bɛ̈nydït Nhialicdu lam, ku yen ee luööi etök.”’

Jɔn 12:26

Të de yen raan ë kakï looi, në ye ya biɔɔth cök, ago bɛ̈n të nuö yɛn, yen abï raan ee kakï looi nu thïn ayadäŋ: të de yen raan ee kakï looi, yen abï Wäär ŋic.

Romai 10:21

Ku yöök Yithriɛl an, “Yɛn ee cool ë riɛny ɛn a cin ë caŋawën ë kɔc reec gäm, kɔc nhiaar jäny.”

Romai 6:22

Ku ënɔɔnë, nɔn cï we luöny bei ë kërac cin, aguɔkï aa lïïm ke Nhialic, ke we de kakuön cï luɔk ënɔɔnë ka ke ɣɛɛrëpiɔ̈u, ku thök bï en thök ee pïïr athɛɛr.

Nyöŋ 10:16

Ka ënɔɔnë, gɔl ee köölë yak Bɛ̈nydïtdun riëëu, ku duökï nïïm be riɛl.

Nyöŋ 6:13

Yak riɔ̈ɔ̈c në Bɛ̈nydït Nhialicdun, ku yen yak lam yetök, ku yak kuëëŋ në rinke yetök.

Nyöŋ 6:17

Ku dɔ̈tkï apiɛth nɔn bä wek lööŋ cï gam kedhie aa riëëu.

Jocua 24:15

Na cäkkï Bɛ̈nydït bï luööi, ke we lɔc raan bäk luööi ee köölë. Tɛk däŋ, bäk yiëth ɣɔn ye kuarkun lam piny de Yuparat lɔŋ tui kek bäk luööi, ku nɔn ee kek yiëth ke kɔc ke Amor, kɔc rɛ̈ɛ̈r wek pinyden. Na yɛn wokë baaidï, ee Bɛ̈nydït Yen abuk luööi.”

Nyuuth 7:15

Yen a tɔ̈u kek ë thöönydïït ë Nhialic nɔm, ku yek luööi aköl ku wakɔ̈u ë luaŋdɛndïtic. Ku Raan rɛ̈ɛ̈r ë thöönydït nɔm abï keek gël nïïm në täude.