2 Lëk 30:6 - JAM DE NHIALIC 2011

⁶ Go tuc ë tooc melik kekë bänyke lɔ bïk kɔc lɔ lɛ̈k piny de Juda ku Yithriɛl ku yek lueel an: “Kɔc ke Yithriɛl wek cï poth të wään cïï Athiriya pinydun peec. Ënɔɔnë pɔ̈kkï röt Bɛ̈nydït, Nhialic de Abraɣam, ku Yithaak, ku Jakop, ku abï yenɔm pɔ̈k week.

2 Lëk 30:6 ပူးပေါင်းရင်းမြစ်များ

1 Mel 18:36

Na wën aacï thaa de miɔ̈ɔ̈c thëën bɛ̈n, ke tiët Elija ë lɔ ë yïk lɔ̈ɔ̈m, ku lɛ̈ŋ an, “Bɛ̈nydït, Nhialic de Abraɣam, ku Yithaak, ku Jakop, nyuɔɔthë rɔt ee köölë luɔi Yïn ee Nhialic në Yithriɛl, ku luɔi yan lïmdu, ku nɔn luɔɔi yɛn ee kakë kedhie në Jamduön ë lɛ̈kë yɛn.

2 Mel 15:19

Go Tiglath Pilethar melik de Athiriya bɛ̈n bïï pinyden mak, go Menaɣem ye gäm aguum kathiërdiäk ku ŋuan 34,000 ke kilɔɔ gram ke ateek, ke bï yen kuɔny, ago Menaɣem tɔ̈u në riɛlde yic ke mac wunde.

2 Mel 15:29

Në akööl ke bääny de Peka melik de Yithriɛl, yen aa dɔmë Tiglath Pilethar, melik de Athiriya wuötkë: yï Yijon, Abel Beth Maaka, Janowa, ku Kedec, ku Ɣadhor, ku piiny ke Giliyad ku Galili, ku Naptali, ku lee kɔc Athiriya ke ke mac.

1 Lëk 29:18

Bɛ̈nydït Nhialic de kuarkuɔ Abraɣam, ku Yithaak, ku Jakop, muk luɔiduön piɛth aɣet athɛɛr, në täŋ de kɔcku yiic, ku në kɔcku piɔ̈ɔ̈th, ku ye ke wël piɔ̈ɔ̈th Yïn.

1 Lëk 5:26

Go Nhialic de Yithriɛl, Pul melik de Athiriya ku acɔl Tiglath Pilethar aya, go tɔ rum pinyden. Go dhiën de Ruben, ku dhiën de Gad, ku kɔc dhiën ë Manatha nu të lɔ aköl amiäk, ago keek peec. Ku nyuuc keek në Ɣala, ku Ɣabor, ku Ɣara, ku në Kiir de Godhan kɔ̈u, bïk ɣap aɣët ee köölë.

2 Lëk 28:20

Ago melik de Athiriya luɔi kony en Aɣadh pɔ̈l ku reec ku tɔ nuan arëët.

Ethta 3:13

Ku jɔ ke gäm tuuc, bïk awereekë tɛk ë wuötiic kedhie. Ku awereekë ayöökkï bäny ë wuötiic an, kööl töŋ de nïn thiëër ku diäk de pɛɛi Adar, kɔc ke Judai kedhie, raandït, ku meth, ayïï diäär ëbɛ̈n ë ke näk keek kedhie. Ë ke tem ë ke röt, ke cïn raan kok piɔ̈u ke keek, ku kaken ë ke rum.

Ethta 8:14

Kɔc cï tooc ee riŋ ë jöŋgöör piɔl ke Melik kɔ̈ɔ̈th, acïk lööŋ bɛ̈n dap lɛɛr ë wuötiic, në yöök cïï Melik ke yɔ̈ɔ̈k, ku kuënë raan ëbɛ̈n aya, tëde riɛl de Thutha.

Jop 9:25

Nïnkiën ke pïïr aciɛthkï aläl awärkï kɔc ŋic riŋ, acïn miɛtëpiɔ̈u nu në keyiic.

Yith 1:9

Të ë Bɛ̈nydït de rɛm ë kën kɔc kɔ̈k pɔ̈l apïr, adï cï Jeruthalem riɔ̈ɔ̈k taitai, cït man ë Thɔdom ke Gomoora.

Yith 6:13

Cakaa raan tök yen ë dɔ̈ŋ ë kɔc kathiëër yiic, yen abïï riɔ̈ɔ̈k aya, abï ciët tim de ɣok cïï ë luc döŋ piny të cïï ë yen yep.” (Kɔc ɣeriic ke Nhialic kek ee luny bï röt bɛ jɔt.)

Jeremia 29:1

Yɛn cï awerek gäär bäny ke kake Nhialic, ku tït, ku röördït, ku lɔ kɔc kɔ̈k cï Nebukadnedhar ke jɔt ë Jeruthalem lee ke Babilonia ke ke mac.

Jeremia 3:14

“Wek kɔc cïn piɔ̈ɔ̈th adöt, bäkï ciëën, wek ee kɔckï. Yɛn bï raan tök aa nööm wun tök, ku nääm kɔc kaarou dhiën tök, ku wek bä bɛ̈ɛ̈i ciëën në kuur de Dhiɔn nɔm.

Jeremia 4:1

Aye Bɛ̈nydït lueel an, “Kɔc ke Yithriɛl, na kaarkï bäk bɛ̈n ciëën ke we puk röt Ɛn. Ku nyaaikï yiëthkuön maan ku takï wepiɔ̈ɔ̈th adööt në Yɛn,

Jeremia 51:31

Kɔc ye tooc, aye ŋɛk kat, ku lɔ ŋɛk në ŋɛk cök, ke ke lɔ melik de Babilonia lɛ̈k, nɔn cïï ë pänydïïtde thuur kɔ̈u në aguuk kedhie.

Dhiëëu 3:40

Themku kuɛɛrkuɔ yiic ku pukku röt Bɛ̈nydït.

Dhiëëu 5:21

Bɛ̈ɛ̈iyë wok tënu Yïn, Bɛ̈nydït! Bɛ̈ɛ̈iyë wo ciëën! Puɔ̈kë wonïïm dhuëëŋdan thɛɛr.

Edhekiɛl 33:11

Lɛ̈kë keek, ee yic, ke ya ye Bɛ̈nydït Awärjäŋ, yɛn ee Nhialic pïïr, acä nhiaar bä kɔc de gup awɛ̈ɛ̈c tïŋ ke ke thou. Aya nhiaar bä raan bä ke tïŋ ke ke päl luɔidɛn de awɛ̈ɛ̈c ku pïïrkï. Baai de Yithriɛl jɔ luɔiduön de awɛ̈ɛ̈c ye looi pɔ̈l. Eeŋö kɔɔr yïn bä thou?

Ɣodh 14:1

Puɔ̈kkï röt Bɛ̈nydït Nhialicdun, wek kɔc ke Yithriɛl. Awɛ̈ɛ̈ckun acïk week tɔ tuëk ku wiɛ̈ɛ̈kkï.

Ɣodh 6:1

Aye kɔc ke Yithriɛl lueel an, “Bä wëlku wopiɔ̈ɔ̈th Bɛ̈nydït. Acï wook yiëk gup tëtöök, ku ee Yen abï wook tɔ waar. Acï wook gäm gup bɔ̈ɔ̈t, ku ee Yen abï ŋoot ke tɔ bɔ̈ɔ̈tkuɔ dem.

Dhek 1:3

ku ënɔɔnë, alɛ̈k ë Bɛ̈nydït de rɛm week an, “Puɔ̈kkï röt ɛn, ku yɛn bï rɔt pɔ̈k week.

Dhek 1:4

Duökï be ciët kuarkun, kɔc ɣɔn ye tït ke guiëër jamdï. Acï Bɛ̈nydït de rɛm lueel an, ‘Pälkï karɛckuön yak looi. Ku acïkï jamdï ee piŋ, ku cïkï ya riëëu.’

Jakop 4:8

Yak röt cuöt Nhialic, ke bï rɔt aa cuöt week. Wakkï wecin abïk piath, we kɔc ee kërac looi, ku takï wepiɔ̈ɔ̈th agɔk, wek kɔc ee piɔ̈ɔ̈th rou.