2 Lëk 30:22 - JAM DE NHIALIC 2011

²² Go Melik Ɣedhekia kɔc ke Lebai leec në luɔi cïk kek läm de Bɛ̈nydït ŋiëc guiir. Na wën aa cï nïn kadhorou wan të wään gɛm kek miɔ̈c de mät leec kek Bɛ̈nydït, Nhialic de kuarken,

2 Lëk 30:22 ပူးပေါင်းရင်းမြစ်များ

Cäk 50:21

Cïn këduön riëëc week. Wek bä muk, ku muɔ̈k mïthkun ayadäŋ.” Ago ke bɛ̈ɛ̈i piɔ̈ɔ̈th në jam piɛɛth ë ke bɛ̈n miët piɔ̈ɔ̈th.

2 Lëk 15:3

Kɔc ke Yithriɛl acïk rëër ë run juëc ke ke cïn nïïm Nhialic yic, ku cïnkï nïïm bäny ke kake Nhialic ee keek wɛ̈ɛ̈t, ku cïnkï lööŋ.

2 Lëk 17:9

Aake muk awerek de löŋ de Bɛ̈nydït, ku jɔkï caath në wuöt ke Juda yiic kedhie, ke ke wɛ̈ɛ̈t kɔc në yen.

2 Lëk 32:6

Ku tɛ̈ɛ̈u bäny ke rem de tɔŋ në rem de tɔŋ nïïm, ku yöök keek bïk kenïïm kut në pëër tɔ̈u ë kal ë wut thok. Ku yöök keek an,

2 Lëk 35:3

Ku yɔ̈ɔ̈k kɔc ke Lebai, ku kɔc ee wëët ë Yithriɛl, kɔc cï ke gäm luɔi de Bɛ̈nydït an: “Tääukï athänduŋ de män ɣeric ɣön wään yïk ë melik Tholomon wën ë Debid. Ku acäkï bï bɛ aa ɣääc lɛɛrkï tɛ̈ɛ̈n ku tɛ̈ɛ̈n, ku we bï Bɛ̈nydït Nhialicdun aa luööi kekë kɔckɛn ke Yithriɛl.

Edhr 10:11

Ënɔɔnë, gamkï awɛ̈ɛ̈ckun në Bɛ̈nydït nɔm, Nhialic de kuarkun, ku yak këde piɔ̈nde looi, tɛkï weyiic në juöör ceŋ ee pinyë ku pälkï duet ke juöör ë cäk ke thiaak.”

Edhr 7:10

në biäk cïï Edhera lööŋ ke Bɛ̈nydït dhel ë yepiɔ̈u, ago keek aa cätiic ku döt keek, ku wëët kɔc ke Yithriɛl në lööŋ.

Edhr 7:25

“Ku yïn, Edhera, cït man tɔ̈u pɛlënɔm de Nhialicdu ke yïn, yïn bï bäny ee löŋ guiir kuany, ku bäny nu në kɔc nïïm kedhie, kɔc rɛ̈ɛ̈r ë wɛ̈ɛ̈r ë Yuparat lɔŋ tui, kɔc ŋic lööŋ ke Nhialic, ku kɔc kuc keek abä ke dhiɛl aa wɛ̈ɛ̈t.

Edhr 8:18

Në biäk ë tɔ̈u athiɛɛi de Nhialic ke wook, acïk wook bɛ̈n tuöc raan ee nɔm tiëër cɔl Cerebia, ku yen ee raan ë Lebai dhiën ë Maɣali de mïth ke Yithriɛl ke mïthke ku wɛ̈ɛ̈takɛ̈cken, keek kedhie ayek thiëër ku bɛ̈t,

Neɣe 8:18

Gɔl në kööl tueŋ de dhuëëŋ agut cï kööl ë thök de dhuëëŋ, awerek de löŋ de Nhialic aa yek cool ë kueen kek en yic. Aake loi dhuëëŋ në nïn kadhorou yiic, na ɣɔn në kööl ë bɛ̈t ke ke jɔ lɔ̈ŋ de amatnɔm looi, cït man ë kë cï löŋ lueel.

Neɣe 9:3

Në kë cït thɛɛr kadiäk ke löŋ de Bɛ̈nydït Nhialicden ë kuënë keek, ku thɛɛr kɔ̈k kadiäk ke ke gam awɛ̈ɛ̈cken ku läŋkï Bɛ̈nydït Nhialicden.

Kɛ̈ŋ 8:6

Piŋ jamdiën piɛth arëët, kë ya lueel ëbɛ̈n ee yic.

Ɣodh 2:14

Ku ënɔɔnë, Yɛn lɔ kɔc ke Yithriɛl bɛ̈ɛ̈i piɔ̈ɔ̈th. Abä keek lɔ luk në jɔ̈ɔ̈ric. Ku abä keek lɔ jääm apiɛth ëtɛ̈ɛ̈n.

Jɔn 17:3

Ku kënë yen aye pïïr athɛɛr an, Ŋïny bï kek yïn ŋic, yïn Nhialic yic, yïn yïtök, ku ŋickï Yecu Kërtho raan ë yïn ë toc en.

2 Kor 4:6

Luɔi ee yen Nhialic, Raan ɣɔn yöök ɣɛɛrëpiny, an, “Bä bei tëcol, ye piny riaau!” Yen aa riau wopiɔ̈ɔ̈th, agoku riau de ŋïny de dhuëëŋ de Nhialic yök, riau nu ë Yecu Kërtho nyin.

Nyöŋ 33:10

Abïk mïthku wɛ̈ɛ̈t bïk löŋdu aa riëëu. Abïk miɔ̈c de wal ŋïr ku miɔ̈c ye nyop aa gam në yïïŋdï kɔ̈u.

Pilipoi 3:8

Yeka, ee yic, yɛn ë käŋ tɔ ye riääk tei kedhie, në biäk de piath wär këriëëc, piath de ŋïny ŋiɛc ɛn Kërtho Yecu Bɛ̈nydiëndït, raan cï riääk de kakï kedhie aa tiiŋ nɔm në biäkde, ku acä ke tɔ ye wɛr tei, luɔi bän Kërtho yök,

2Tim 4:2

an, Ye jam guiir, ye yic lɛ̈th ë luɔi ëkööl piɛth, ayï kööl rac: ye kɔc jɔ̈ɔ̈ny, ye kɔc nen, ye kɔc riit piɔ̈ɔ̈th, ke yï lirpiɔ̈u ë thuaat në wëët ee yïn kɔc wɛ̈ɛ̈t.

Jocua 7:19

Go Jocua lɛ̈k en an, “Mɛnhdï luel yic në Bɛ̈nydït Nhialic de Yithriɛl nɔm, tɔ leec, ku gam awäc.”