2 Lëk 30:18 - JAM DE NHIALIC 2011

¹⁸ Ku däŋ aya, kɔc ë bɔ̈ dhiën de Eparaim, ku Manatha ku Yithakar, ku Dhebulun akënkï ke gup tɔ lɔgɔk, gokï dhuëëŋ de Winythok looi ku ciëmkï ke ke de gup acuɔl. Go melik Ɣedhekia lɔ̈ŋ ë biäkden an:

2 Lëk 30:18 ပူးပေါင်းရင်းမြစ်များ

Cäk 20:17

Ago Abraɣam Nhialic lɔ̈ŋ, go Nhialic Abimelek tɔ piɔl guöp kekë tiiŋde, ku diäär lïïmke, gokï mïth dhiëëth.

Cäk 20:7

Ënɔɔnë, dɔ̈kë raan nɔm tiiŋde. Yen ee tiët, abï lɔ̈ŋ në biäkdu ka yïn cï bï thou. Ku na cïï lɔ dɔ̈k nɔm monyde, ke ŋic ëgɔk nɔn bïn thou wekë kɔcku kedhie.”

2 Mel 5:18

Ku yɛn läŋ, bï Bɛ̈nydït a päl awänydï, të la yɛn melik lɔ ruac ë Luaŋ de Rimonic, yanh de Thiriya të le yen lam ëtɛ̈ɛ̈n. Aŋääth bï Bɛ̈nydït a päl awänydï!”

2 Lëk 30:11

Ku acïï bɛ̈n ŋoot ke de kɔc kɔ̈k ke dhiën de Acer, ku dhiën de Manatha, ku dhiën de Dhebulun wään cï bɛ̈n bɛ̈n Jeruthalem.

2 Lëk 30:25

Go amatnɔm ëbɛ̈n piɔ̈u jɔ miɛt, kɔc ke Juda, ku bäny ke kake Nhialic, ku kɔc ke Lebai, ku lɔ amatnɔm ë bɔ̈ bei ë Yithriɛl ëbɛ̈n, ku alɛi rɛ̈ɛ̈r ë piny de Yithriɛl ku Juda.

2 Lëk 34:9

Acïk lɔ tëde Ɣilikia bɛ̈nydïït ë kake Nhialic ku gɛmkï wëu ë cï bɛ̈ɛ̈i ë ɣön ë Nhialic, wëu wään cï kɔc ke Lebai ee tïït juaar tëde kɔc ke Eparaim ku Manatha ku kɔc lik ke Yithriɛl ëbɛ̈n, ku kɔc ke Juda ëbɛ̈n ku Benjamin, ku lɔ kɔc ceŋ Jeruthalem.

2 Lëk 6:21

Piŋ lɔ̈ŋdï ku lɔ̈ŋ de kɔckuön ke Yithriɛl, të le kek kenïïm wël ee tënë ku lɛ̈ŋkï. Piŋ baaidu paannhial, ku päl ë wook awɛ̈ɛ̈ckuɔ.

Diɛt 119:68

Piathdu adït, yïn dik! Wɛ̈ɛ̈të yɛn në lööŋku.

Diɛt 25:8

Bɛ̈nydït apiɛth ku le piɔ̈u wai, Yen aye kɔc cï wäc nyuöth kueer bïk kuany yic.

Diɛt 36:5

Bɛ̈nydït nhiëërduön agɔk ee ɣet paannhial, piɔ̈nduön adöt ee ɣet nhial ë luätic.

Diɛt 86:5

Bɛ̈nydït, Yïn piɛth wekë wook, ku ye wook päl karɛckuɔ, Yïn thiäŋ wekë nhiëër agɔk, tëde kɔc ee Yïn lɔ̈ŋ kedhie.

Danyel 9:19

Bɛ̈nydït, piŋ wothook, pälë wook awɛ̈ɛ̈c, Bɛ̈nydït piŋ këda, ku bɛ̈ɛ̈rë! Ago ŋic ë raan ëbɛ̈n an, yïn ee Nhialic, du gääu! Yen ee pänydïïtë kekë kɔckë ayek kaku.

Lebai 10:20

Na wën piŋ Mothe ë jamë, go piɔ̈u kuɛth.

Kuɛ̈n 19:20

Ku raan de guöp acuɔl na kën waak, ka abï rëër ke cïï yic ɣer, në baŋ kënë ë pïïu ka aɣɛɛr wäl në yeguöp. Abï tëɣeric de Bɛ̈nydït riɔ̈ɔ̈k, ku acïï bï bɛ kuɛɛn në amatnɔm de Bɛ̈nydït yic.

Kuɛ̈n 9:7

“Wok cï gup rac në biäk cïï wok raan cï thou jak. Ku eeŋö duëërë wook pɛ̈n miɔ̈c miɔɔc wok Bɛ̈nydït në kɔc ke Yithriɛl ëtök, në kööldɛn cï lɔc?”

1 Kor 11:28

Ë raan kɔn rɔt thiëëc, ku bï jɔ cam ee kuïnë, ku dëk ee bïnyë.

1 Jɔn 5:16

Na de raan tïŋ mɛnhkënë ke loi kërac, ku cie kërɛɛc ee thuɔɔu bɛ̈ɛ̈i, ke lip, ka bï gäm pïïr në këde kɔc loi kërɛɛc cïï thuɔɔu ee bɛ̈ɛ̈i. Kërɛɛc ee thuɔɔu bɛ̈ɛ̈i anu: acä luel nɔn bï en lɔ̈ŋ në këde.