2 Lëk 30:16 - JAM DE NHIALIC 2011

¹⁶ Gokï ɣäänken nööm ë Luaŋdïtic cït man ë kë cïï ë keek wɛ̈ɛ̈t ë lööŋ ke Mothe yic, raan de Nhialic. Go Lebai riɛm de miɔ̈c gäm bäny ke kake Nhialic, gokï wiɛ̈ɛ̈th në yïk nɔm.

2 Lëk 30:16 ပူးပေါင်းရင်းမြစ်များ

2 Mel 11:14

Ku ëtɛ̈ɛ̈n ke tïŋ melik cï piac lɔc ke kääc të thöny wën ye bɛ̈ny rëër ë Luaŋdït yic, cït man ye ye looi në ciɛɛŋdenic, yen acï gɛɛu cil në bäny ke rem de tɔŋ, ku lɔ kɔc koth kɛŋ, ku raan ëbɛ̈n awou në miɛtë piɔ̈u. Go Athalia lupɔɔ ke rɛtiic në jiɛthëpiɔ̈u, ku moc kiɛɛu an, “Ee nyiin! Ee nyiin!”

1 Lëk 23:14

Ku wɛ̈ɛ̈t ke Mothe raan de Nhialic acï keek bɛ̈n mat ë kɔc ke Lebai yiic.)

2 Lëk 34:31

Go melik lɔ kɔ̈ɔ̈c tëde ku mɛc löŋ kekë Bɛ̈nydït, bïï aa riëëu, ku bïï wëëtde, ku lööŋke döt ë yepiɔ̈u ëbɛ̈n, ku wëike ëbɛ̈n, ku bïï kë cïï kueen awerekic dhil tääu në luɔɔi yic, ku bïï löŋ cï mac ke Bɛ̈nydït cït man cï ë ye gɔ̈ɔ̈r në awerekic döt.

2 Lëk 35:15

Ku rin ke Lebai de dhiën de Athap, kɔc cïï melik Debid gäm luɔi bïk kek kɛŋ aa kooth ku gutkï thom, ee Athap ku Ɣeman, ku Jeduthun monydaai de melik. Ku kɔc ee tïït ë kɛ̈l thook acïk bɛ̈n ŋoot ke ke rɛ̈ɛ̈r tëden, në biäk cïï Lebai kɔ̈k dhuëëŋ de Winythok luöi keek.

Lebai 1:5

Ku abï miɔɔr koor nɔ̈k në Bɛ̈nydït nɔm. Na ëlë, ke wɛ̈ɛ̈t ke Aron, bäny ke kake Nhialic, abïk riɛm nööm ku wïïthkï në aguuk ke yïk kedhie, të lɔ paany de mät thok.

Nyöŋ 33:1

Kakë ayek wël ë lueel Mothe, raan de Nhialic keek, ɣɔn thieei yen mïth ke Yithriɛl ke kën kɔn thou.

Ɣeberuu 11:28

Gäm de yic aŋäth yen atɔ Mothe loi Dhuëëŋ de winythok, ago lɛ̈k keek an bïk rim wiɛ̈ɛ̈th në ɣöötken thook ke riäŋ bï tunynhial bɛ̈ɛ̈i cïï mïth kɛ̈i ke Yithriɛl bï nɔ̈k piny de Rip.