2 Lëk 30:14 - JAM DE NHIALIC 2011

¹⁴ Gokï yïk wään ye miɔ̈c ye nyop ëbɛ̈n ku ye wal ŋïr gam ë yenɔm jɔt ku lek keek cuat ë Wak de Kidron yic.

2 Lëk 30:14 ပူးပေါင်းရင်းမြစ်များ

2 Tham 15:23

Go kɔc dhiau kedhie ë röldït të wën tëëk jël ë Debid kekë kɔcke. Na wën ke melik ë tem nyin ë Kidron lee lɔŋ tui, ku kuany cök në kɔcke, ku jɔkï jäl kedhie ke ke lɔ në jɔ̈ɔ̈ric.

2 Mel 18:22

Na lak lueel an, “Wok kɛn röt në Bɛ̈nydït Nhialicda, cie kur ke Bɛ̈nydït kekë yïk kek ka wään riɔ̈ɔ̈k ë Ɣedhekia keek? Ɣɔn yöök en kɔc ke Juda ku Jeruthalem an yïïŋ tök ye tök yen bï kek aa lam në Jeruthalem.

2 Lëk 15:16

Na wën ke melik Atha ë nyiɛɛi kokke Maaka tëde man tiiŋ melik, në biäk cïï yen rɔt luöi yanh tiiŋ cɔl Acera, yanh ee kɔc tɔ dhiëth. Ago melik Atha yath kiɛp piny, ku tɔ temë ëbɛ̈n, ku lee nyop ë Wak de Kidron yic.

2 Lëk 28:24

Go Aɣadh kake ɣön ë Nhialic määt yiic kedhie, ku dhuuŋ keek abïk lɔ thorthor. Ku thiɔ̈ɔ̈k ɣön ë Bɛ̈nydït thok, ku looi yïk në aguuk ke Jeruthalem yiic ëbɛ̈n.

2 Lëk 29:16

Go bäny ke kake Nhialic lɔ ë biäk thïn de Luaŋdït ke bïk tɔ lɔgɔk, ku dhëëthkï käŋ biic në Luaŋdïtic, ka wën cïï lɔgɔk leerkï keek ë kal de Luaŋdït yic. Ku ëtɛ̈ɛ̈n acï Lebai keek jɔt kedhie leerkï keek ë pänydït këc ë Wak de Kidron yic.

2 Lëk 32:12

Ku cie Ɣedhekia yen ë dhoŋ yïk ke Bɛ̈nydït piny ku lëk kɔc ke Juda ku kɔc ke Jeruthalem bïk aa lam ku nyopkï wal ŋïr në yïïŋ tök nɔm.

2 Lëk 34:3

Na ɣɔn cï Jothia run aa bɛ̈t ke ye melik, ku ŋoot ke ye meth aya, ke gɔl läm de Nhialic de kuɛɛrë melik Debid. Na ɣɔn aa cï run wan kaŋuan, ke riäk ɣään ye yiëth lam, ku riëëk kïn de yanh tik Acera, ku lɔ yiëth kɔ̈k ëbɛ̈n.

2 Lëk 34:4

Go kɔc yöök bïk yïk ye ë Baal lam thïn jäp piny, ku bïk yïk ye wal ŋïr nyop thïn thuöör piny. Ku nömkï kïn de yanh tik Acera ku lɔ yiëth kɔ̈k, ku guärkï keek abïk ciët abuui ku jɔkï abuui wɛɛr ë rɛ̈ŋ ke kɔc wään ee keek lam nïïm, ku yek keek gäm miɔ̈c.

2 Lëk 34:7

Në piny de ciɛɛŋ lɔ të lɔ rut ëbɛ̈n acï yïk ku kïn de yanh Acera jäp piny, ku guɛ̈ɛ̈r yiëth abïk aa abuui, ku dhuuŋ yïk ye wal ŋïr nyop ëbɛ̈n abïk lɔ thorthor. Ku jɔ yenɔm pɔ̈k Jeruthalem.

Yith 36:7

Na lak lueel an, “Wok kɛn röt në Bɛ̈nydït Nhialicda? Ee yïk ku ɣään cï thieei ke Bɛ̈nydït kek ë riëëk ë Ɣedhekia keek në Juda ku Jeruthalem, ku yöök kɔc an bïk aa lam në yïïŋ tök nɔm.

Jɔn 18:1

Na wën, aacï Yecu kakë lueel, ke lɔ biic kekë kɔckɛn ë piööcë, lek ku temkï nyin cɔl Kidron, ku dom anu lɔɔk ëtɛ̈ɛ̈n, ago lɔ thïn, yen kekë kɔckɛn ë piööcë.