2 Lëk 3:8 - JAM DE NHIALIC 2011

⁸ Ku ɣön tɔ̈u thïn cɔl Tëɣeric aläl, aaye bɛ̈ɛ̈r de yen kɔ̈u mitïïr kadhoŋuan ku ye dït de yen yic mitïïr kadhoŋuan, yen aye dït de yic de Luaŋdït. Ku ka wär tɔn kathiërrou de adhääp acï ë Tëɣeric aläl gël kɔ̈u.

2 Lëk 3:8 ပူးပေါင်းရင်းမြစ်များ

1 Mel 6:16

Go ɣön thïn cɔl tëɣeric aläl yïk në luak thar ciëën. Bɛ̈ɛ̈rde ee mitïïr kadhoŋuan ku aa cï kumic në tim de thidar gɔl në yiɛɛude leer ë ɣöt dol.

Bɛ̈n 26:33

Tääuwë gëlgël në joth cï dhookiic thäär piny në paanyic, joth kuɛɛr kɔ̈ɔ̈th në paany nɔm nhial në biäk thïn. Ku tääuwë athänduŋ de mät në gëlgël kɔ̈u ciëën, Athänduŋ de yic kur cï gɔ̈ɔ̈r kɔ̈ɔ̈th kaarou. Gëlgël abï tëɣeric pääk kekë tëɣeric aläl.

Edhekiɛl 41:4

Go ɣöt bɛ them guöpde, go yök ke ye mitïïr kathiëër në aguuk kaŋuan. Yen ee ɣönë atɔ̈u në ɣön nu cilë kɔ̈u. Na wën, ke lɛ̈k ɛn an, “Kënë ee tëɣeric aläl.”

Ɣeberuu 10:19

Ku ënɔɔnë mïthëkɔckuɔ, wok cï nïïm lääu në lɔ le wok në Nhialic lɔ̈ɔ̈m, ku kënë acït lɔ le wok Tëɣeric aläl në riɛm de Kërtho.

Ɣeberuu 9:3

Ɣön ee kek rou nu ë paany kɔ̈u ciëën, acɔl Tëɣeric aläl.

Ɣeberuu 9:9

Ku kënë ee kɛ̈ɛ̈r ŋoot ë ka gɛmë ka näk në kueer ë löŋ cï mac thɛɛr, ku ee kënë acïï kɔc duëër tɔ piɛthpiɔ̈ɔ̈th, kɔc ee Nhialic lam në ë kueerë, ku cïï keek ɣeet të duëër kek dikëdik abïk piɔ̈ɔ̈th lɔ̈ŋ.