2 Lëk 29:6 - JAM DE NHIALIC 2011

⁶ Kuarkuɔ aake cïn adöt tëde Bɛ̈nydït Nhialicda ku loikï kë cï ye tɔ diu piɔ̈u. Acïk Bɛ̈nydït nyääŋ piny ku welkï ke kɔ̈ɔ̈th tëdɛn cëŋ en thïn.

2 Lëk 29:6 ပူးပေါင်းရင်းမြစ်များ

2 Lëk 34:21

“Lakï bäk Bɛ̈nydït lɔ luɔp në biäkdï, ku në biäk de kɔc cï döŋ Juda ku Yithriɛl, ku në biäk de jam de awerek cï yök, në biäk bï Bɛ̈nydït göth aläl kekë wook, në biäk kën ë wärkuɔ jam de Bɛ̈nydït döt, akënkï kë cïï lueel awerek yic ëbɛ̈n looi.”

Edhr 5:12

Ku kë cïï kuarkuɔ Nhialic de paannhial tɔ göth, yen acïï keek bɛ̈n than ë Nebukadnedhar cin, raan ë jur cɔl Kaladayo, Melik de Babilonia, raan ee yen ë riäk luaŋdït ku peec kɔc leer ke Babilonia.

Edhr 9:7

Gɔl ɣɔn në akööl ke kuarkuɔ agut cï aköölkë, wok kɔcku, wok cï wäc arëët. Ku në biäk de awɛ̈ɛ̈ckuɔ, wok cï lööny në meliik ke juöör kɔ̈k cin, wodhie në Meliikkuɔ ku bänykuɔn ke kake Nhialic, wok aaye tɛm röt, ku rum wo, ku peec wook ke wo mac. Wok ye biɔn gup taitai, karɛckuɔ acïk wo nyäŋ ayär ŋoot aɣet cï ëköölë.

Neɣe 1:6

Ku ënɔɔnë ye a tïŋ Bɛ̈nydït, ku piŋ lɔ̈ŋdiën yan lɔ̈ŋ aköl ku wäkɔ̈u në biäk de lïïmku, kɔc ke Yithriɛl, yɛn gam awɛ̈ɛ̈c cuk looi wok kɔc ke Yithriɛl, kuarkuɔ ku yɛn wok cï wäc.

Neɣe 9:16

Ku kuarkuɔ aake ye kɔc ɣɛ̈ɛ̈c kenïïm acïk nïïm riɛl ëtör gokï lööŋku kɛ̈n gam.

Neɣe 9:32

“Ënɔɔnë Yïn Nhialicdït lëu këriëëc ëbɛ̈n! Ee piny riääc nɔm ëbɛ̈n, ku Yïn de kokdepiɔ̈u, ku Ye löŋduön cï mac döt. Gɔl ɣɔn yɔŋ ë meliik ke Athiriya wook, agut cï ënɔɔnë në Meliikkuɔ, ku bänykuɔn ke kake Nhialic ayï tït ke Nhialic, ku kuarkuɔ ku kɔc kedhie. Tak Yïnɔm në wook në guömdïït cïï wok yaaŋ guum!

Neɣe 9:34

Kuarkuɔ, ku Meliikkuɔ, ku bänykuɔ, ku bänykuɔn ke kake Nhialic, akënkï lööŋku döt. Ku akënkï yöökduön cï Yïn ke yɔ̈ɔ̈k piŋ, ku jäny.

Jeremia 16:19

Bɛ̈nydït ee Yïn ee Raan ee ya gël ku gämë yɛn riɛl, Yïn cï kuɔny në akööl ke nuan, juöör abïk aa bɛ̈n tëde de Yïn ë piny thar ku luelkï an, “Kuarkuɔ aake de nïïm yiëth alueth, ayek yiëth cïn naamden.

Jeremia 2:13

në biäk cïï kɔckï awɛ̈ɛ̈c kaarou looi: acïk röt yal wei tëde Yɛn, Yɛn awaŋ de pïïu piɛth, acïk awuul wec, awuul cï ɣaar cïï pïïu lëu në muk, abïk ciën pïïu ananden.

Jeremia 2:17

Yithriɛl, yïn cï ee kënë yiɛ̈në rɔt! Yïn cï ya nyääŋ piny, Yɛn Bɛ̈nydït Nhialicdu, ku ee Yɛn ë ciɛɛth yïn në pïïrdu yic ëbɛ̈n.

Jeremia 2:27

Wek bï yɔ̈ɔ̈r gup, wek kɔc ee ye lueel nɔn ye tim wuur ku ye kuur moor. Kënë abï rɔt looi në biäk cïï wek röt yal wei tëde Yɛn në nyin duëër wek röt dɔ̈k Ɛn, ku na tɔ̈ukï në riääkic, wek ee Ya bɛ̈n kɔɔr bä we kony.

Jeremia 26:19

Kɔc ke Juda ku melik Ɣedhekia akënkï Maika bɛ̈n tɔ näk. Ɣedhekia acï Nhialic bɛ̈n riëëu, ku ye kɔɔr bïï tɔ mit piɔ̈u. Go Bɛ̈nydït yenɔm waar, në biäk ë riääk cï lueel an bï yiɛ̈n keek. Ënɔɔnë wok kɔɔr buk riääk bɛ̈ɛ̈i ë wogup.”

Jeremia 44:21

“Ku në biäk de wal ŋïr yak nyop, week në kuarkun, ku meliikkun, ku bänykun, ku kɔc ke pänydït, miɔ̈c ɣɔn gamkï keek ë pɛ̈ɛ̈nydït ke Juda yiic ku në kuɛɛr ke Jeruthalem yiic, cäkkï ŋic nɔn ŋic ë Nhialic keek?

Dhiëëu 5:7

Kuarkuɔ acïk kërac looi, ku ënɔɔnë acïk jäl, ku wok nuan në biäk de karɛcken.

Edhekiɛl 18:14

“Ënɔɔnë na jɔ raan de rouwë nɔm dɛ wënde. Acï awɛ̈ɛ̈c looi ë wun kedhie tïŋ, ku cïï ke kuany cök.

Edhekiɛl 8:16

Go yɛn lɛɛr ë kal de Luaŋdït yic thïn. Të thiääk ke tëɣeric, në kaam de yïk kekë kueer, të de yic röör kathiërrou ku dhïc. Acïk kekɔ̈ɔ̈th wel tëɣeric, ku acïk kenïïm guöt piny të lɔ aköl amiäk, ke ke lam akɔ̈l bɔ̈ thok.

Danyel 9:16

Yïn cï wook kony wään tueŋ, ku du piɔ̈u be diu wekë Jeruthalem. Ee pänydïïtdu, kuurduön ɣeric. Ee pänydïïtdu, kuurduön ɣeric. Kɔc kedhie kɔc ke wuöt thiääk ë wook, ayek Jeruthalem biɔɔn guöp, ku biɔnkï kɔcku gup, në biäk de karɛckuɔ, ku në biäk de luɔi rɛɛc cïï kuarkuɔ looi.

Math 10:37

Raan nhiaar wun ayï man awär nhiëër nhiɛɛr en en, ka cïï rɔ̈ŋ kekë yɛn, ku raan nhiaar wënde ayï nyande awär nhiëër nhiɛɛr en ɛn, ka cïï rɔ̈ŋ kekë yɛn.