2 Lëk 29:5 - JAM DE NHIALIC 2011

⁵ Ku jiëëm keek ëtɛ̈ɛ̈n. Go lueel an, “Wek Lebai guiɛɛrkï röt bäk lɔgɔk aguɔkï ɣön de Bɛ̈nydït Nhialic de kuarkun tɔ lɔgɔk. Bɛ̈ɛ̈ikï kak ee tëɣeric tɔ de yic acuɔl bei.

2 Lëk 29:5 ပူးပေါင်းရင်းမြစ်များ

1 Lëk 15:12

Ku lëk kɔc ke Lebai an, “Wek ee bäny ke dhiën de Lebai. Wakï röt në kɔckuön ke Lebai, ke we bï Athänduŋ de män de Bɛ̈nydït, Nhialic de Yithriɛl lɔ bɛ̈ɛ̈i të cä guiir bïï ë yen tääu thïn.

2 Lëk 29:34

Ku në biäk cïn en bäny ke kake Nhialic juëc ë tɔ̈u bïk läi ke miɔ̈c ye nyop ëbɛ̈n nɔ̈k, go kɔc ke Lebai keek kuɔny ë luɔi, agut cï thökde. Agut cï kaam bï bäny juëc ke kake Nhialic röt tɔ piɛth, (ku Lebai ayek piɔ̈ɔ̈th adööt awär bäny ke kake Nhialic në dön ë täu lɔgɔk.)

2 Lëk 29:4

Go bäny ke kake Nhialic ku Lebai tɔ kut kenïïm në kal de Luaŋdït thok të lɔ aköl amiäk.

2 Lëk 35:6

Wek bï nyök amɛ̈l ku bɔɔth ke dhuëëŋ de Winythok nɔ̈k. Takï röt lɔgɔk, ku guiɛɛrkï miɔ̈c näk, ago kɔckuön ke Yithriɛl wɛ̈ɛ̈t cï Bɛ̈nydït gämë Mothe kuany cök.”

Neɣe 12:30

Go bäny ke kake Nhialic ku Lebai ke gup tɔ ɣer ku tɔkï kɔc ke Yithriɛl ɣer gup, ku jɔkï thook ke kal, ku lɔ kal ë pänydït de Jeruthalem tɔ ɣeric.

Neɣe 13:9

Ku yɔ̈ɔ̈k kɔc bïk ɣöt bɛ̈n tɔ ɣeric, ku pukkï kake luɔi de ɣön ë Nhialic nïïm ɣöt, yï miɔ̈c ë rap, ku wal ŋïr.

Diɛt 93:5

Bɛ̈nydït, lööŋku acïï keek ee waar, Ɣöndu yen ee ɣön ɣeric aɣet athɛɛr ya.

Bɛ̈n 19:10

Go Bɛ̈nydït lɛ̈k en an, “Lɔ tëde kɔc, lɔ tɔ ke nöm ee köölë ku miäk ke ke wak kegup, ku wakkï lupɔɔken.

Bɛ̈n 19:15

Go Mothe lɛ̈k keek an, “Guiɛɛrkï röt në biäk de rutui, ku cïn raan tɔ̈c ke tik në ee nïnkë yiic.”

Edhekiɛl 36:25

Wek bä ke wiëth gup pïïu lɔ kïr, ku wek bä waak gup në karɛckun ëbɛ̈n, ku gël week në yiëthkun ku këriëëc cï we dhiöök ëbɛ̈n.

Edhekiɛl 8:3

Go kë cït cin riɛny tueŋ, ku dɔm ɛn në nhïm ke yanɔm. Ku në ee nyuuthë yic, wëi ke Nhialic acïk a bɛ̈n gap nhial në yomic ku leerkï yɛn Jeruthalem. Leer ɛn kueer ee tëëk në kal thok biäk thïn de Luaŋdït, të lɔ rut, të tɔ̈u ë yanh ee Nhialic tɔ göth.

Edhekiɛl 8:6

Go Bɛ̈nydït lɛ̈k ɛn an, “Mɛnh ë raan, cï kë loi rɔt tïŋ? Tïŋ karɛc looi ë baai de Yithriɛl keek ee tënë, aceeckï yɛn të mec aläl kekë tëdiën ɣeric. Yïn bï kajuëc ke ayäär wär ee kakë tïŋ.”

Jowɛl 2:16

Matkï kɔc nïïm, ku takï akutnɔm ɣeric, määtkï röördït nïïm, ku mïth kor, ayï mïth thuët. Takï monythiëk nyiëëŋ ɣönde piny, ku bɔ̈ nyan kaman bei ɣönde.

2 Kor 6:16

Ayï luaŋ ë Nhialic bï jam mat kekë yiëth adï? Ku week, wek aye luaŋ ë Nhialic pïïr, acït man cï Nhialic e lueel an, “Yɛn bï rëër ë keyiic, ku cath ë keyiic, ku yɛn bï aa Nhialicden, ku kek abï aa kɔckï.”

2 Kor 7:1

Yen ka, ënɔn ciɛth wok wokë ka cï lueel an, bï ke gäm wookë, wek kɔc nhiaar, yok röt waak në acuɔl ëbɛ̈n acol ë guöp ku acol ë wëi, ku yok wopiɔ̈ɔ̈th tɔ ɣer abïk dikëdik në riëëu de Nhialic.