2 Lëk 29:34 - JAM DE NHIALIC 2011

³⁴ Ku në biäk cïn en bäny ke kake Nhialic juëc ë tɔ̈u bïk läi ke miɔ̈c ye nyop ëbɛ̈n nɔ̈k, go kɔc ke Lebai keek kuɔny ë luɔi, agut cï thökde. Agut cï kaam bï bäny juëc ke kake Nhialic röt tɔ piɛth, (ku Lebai ayek piɔ̈ɔ̈th adööt awär bäny ke kake Nhialic në dön ë täu lɔgɔk.)

2 Lëk 29:34 ပူးပေါင်းရင်းမြစ်များ

2 Mel 12:6

Ku na ɣɔn aa lɔ run ke Jowac aa thiërrou ku diäk në bäänyic, ku ŋoot bäny kake Nhialic ke ke kën Luaŋdït piir.

1 Lëk 29:17

Ku aŋiɛc Nhialicdï nɔn Yïn kɔc them piɔ̈ɔ̈th, ku Yïn ee piɔ̈u miɛt wekë raan lɔ piɔ̈n wai. Në riëëu ku piɔ̈ndiën lɔ wai, yɛn cï ee kakë gäm yïn kedhie ë piɔ̈n mit, ku yɛn cï miɛtëpiɔ̈u de kɔckuön tɔ̈u ee tënë tïŋ, kɔc cï miɔ̈c gäm Yïn ke ke mit piɔ̈ɔ̈th.

2 Lëk 29:33

ku bïïkï bot kadhetem ke miöör ayadäŋ, ku bïïkï aguum kadiäk 3,000 ke amɛ̈l ke ye miɔ̈c näk bï ë kɔc cam.

2 Lëk 29:5

Ku jiëëm keek ëtɛ̈ɛ̈n. Go lueel an, “Wek Lebai guiɛɛrkï röt bäk lɔgɔk aguɔkï ɣön de Bɛ̈nydït Nhialic de kuarkun tɔ lɔgɔk. Bɛ̈ɛ̈ikï kak ee tëɣeric tɔ de yic acuɔl bei.

2 Lëk 30:15

Ku në kööl ye pɛɛi thok thiëër ku ŋuan ke ke näk nyök ke amɛ̈l ke dhuëëŋ de Winythok. Go bäny ke kake Nhialic ku Lebai wään kën röt tɔ piɛth yäär, agokï röt tɔ piɛth ku gɛmkï miɔ̈c ye nyop ëbɛ̈n ɣön ë Bɛ̈nydït.

2 Lëk 30:24

Go melik Ɣedhekia amatnɔm gäm agum de miöör, ku aguum kadhorou de amɛ̈l, në luɔi bï kɔc keek nɔ̈k ku cuetkï keek, ku gëm ë wɛ̈ɛ̈t bäny keek aguum kathiëër 10,000 ke amɛ̈l kɔ̈k. Na wën ke bäny juëc ke kake Nhialic ke ke jɔ kegup tɔ piɛth.

2 Lëk 30:3

Ku akënkï looi në köölde, në biäk kën ë bäny ke kake Nhialic juëc röt tɔ piɛth, ku kɔc akënkï kenïïm kut në Jeruthalem aya.

2 Lëk 35:11

Na wën aa cï amɛ̈l kor ku bɔɔth ke Winythok nɔ̈k, go Lebai keek yaaŋ, ku jɔ bäny ke kake Nhialic riɛm wiɛ̈ɛ̈th në yïk nɔm.

Edhr 6:20

Në biäk ëcï bäny ke kake Nhialic ku Lebai kegup kɔn waak kapäc abïk gup ɣɛɛr kedhie. Gokï amɛ̈l ke Winythok näk kɔc wään dök ciëën ë pɛ̈cic kedhie, në biäk de mïthëkɔcken bäny ke kake Nhialic ku lɔ keek gupken ayadäŋ.

Diɛt 26:6

Bɛ̈nydït yɛn ë yacin waak bän luɔi ciɛ̈n ɛn guöp awäc nyuɔɔth, ku la lam ë yïïŋdu lɔ̈ɔ̈m.

Diɛt 7:10

Nhialic Yen aye köndï, Ee Yen ee kɔc lɔ piɔ̈ɔ̈th wai luök.

Diɛt 94:15

Në biäk bïï ë yic rɔt pɔ̈k kɔc piɛthpiɔ̈ɔ̈th, ku kɔc lɔ piɔ̈ɔ̈th wai kedhie abïk gam.

Edhekiɛl 44:11

Aduëërkï ya luööi tëdiën ɣeric, në luɔi bï kek kɛ̈l tiit thook, ku në luɔi de Luaŋdït. Aduëërkï läi ye kɔc ke gam ke ke ye miɔ̈c ye nyop ëbɛ̈n, ku miɔ̈c näk aa nɔ̈k, ku aduëërkï tɔ̈u në luɔi yic ke ke luui kɔc.

Kuɛ̈n 18:3

Ë ke ye yï kuɔny në luɔi de Paany, ku ë ke cï kaɣeriic jak, kake tëɣeric, ayï kake yïk. Të le kek keek jak, wek bï thou wedhie arëk cï yïn.

Kuɛ̈n 8:15

Ku të cï yïn Lebai jɔ waak, ku cï keek gam ke ke ye miɔ̈c de anyuɔɔk, abïk jɔ röŋ në luɔi de paany de mät.

Kuɛ̈n 8:19

Ku Lebai acä keek gäm Aron kekë wɛ̈ɛ̈tke ke ke ye miɔ̈c ë bɔ̈ tëde kɔc ke Yithriɛl, në biäk bï kek kɔc ke Yithriɛl aa luööi në paany de mätic, ku bïk kɔc ke Yithriɛl aa teem gup, ke cïn jɔɔk bï kɔc ke Yithriɛl dɔm, të de yen të cïï kɔc ke Yithriɛl ɣëët tëɣeric.