2 Lëk 29:30 - JAM DE NHIALIC 2011

³⁰ Go Melik Ɣedhekia kekë bäny ke baai, gokï Lebai yɔ̈ɔ̈k bïk Bɛ̈nydït piɔɔny ë diɛt ɣɔn thɛɛr gɛ̈ɛ̈r ë melik Debid kekë Athap monydaai. Go kɔc kedhie ket ke ke mit piɔ̈ɔ̈th ku tukkï kemiɔl ku lɛmkï Nhialic.

2 Lëk 29:30 ပူးပေါင်းရင်းမြစ်များ

2 Lëk 23:18

Go Jeɣoyada, bäny ke kake Nhialic ku kɔc ke Lebai tääu ë luɔi de Luaŋdïït ë Bɛ̈nydït nɔm. Abïk luɔi cï melik gäm keek Debid aa looi, ku bïk miɔ̈c ye nyop ëbɛ̈n cï gäm Bɛ̈nydït aa looi cït man ë kë cï lööŋ ke Mothe lueel. Ku abïk luɔi de kɛŋ ku lɔ̈r aa muk, ku akööl ke dhuëëŋ.

2 Lëk 30:21

Go kɔc kenïïm kut në Jeruthalem ke ke loi Dhuëëŋ de Kuïn Cïnic Luɔu në miɛt ë piɔ̈ndït, në nïn kadhorou yiic, ku jɔ Lebai ku bäny ke kake Nhialic Bɛ̈nydït aa lɛc nɔm në riɛlden ëbɛ̈n aköölnyïïn kedhie.

2 Lëk 30:23

Go amatnɔm ëbɛ̈n gam në luɔi bïï kek dhuëëŋ bɛ looi në nïn kɔ̈k kadhorou. Gokï dhuëëŋ looi në miɛt ë piɔ̈u dït.

2 Lëk 30:26

Ago pänydït de Jeruthalem thiäŋ ke miɛt ë piɔ̈u dïït agök, në biäk kën ë dhuëëŋ cït ee kënë kɔn looi në akööl ke melik Tholomon wën de Debid cök.

2 Lëk 7:3

Na wën cï mïth ke Yithriɛl mac tïŋ ke löny nhial ku thiäŋ ɣɛɛr Luaŋdïtic, gokï kenïïm guöt piny, ke ke lam Bɛ̈nydït, ku leckï nɔm ku piɔnykï an, “Yen apiɛth, ku nhiëërdɛn agɔk atɔ̈u athɛɛr.”

Edhr 6:16

Na wën ke kɔc ke Yithriɛl, ku bäny ke kake Nhialic, ku Lebai ku lɔ kɔc ë bɔ̈ ciëën ë pɛ̈cic, acïk dhuëëŋ de miɛt ë piɔ̈u bɛ̈n looi ke ye kë gɛ̈më ɣön ë Nhialic.

Edhr 6:22

Ku jɔkï dhuëëŋ looi në nïn kadhorou, Dhuëëŋ de Kuïn Cïnic Luɔu, ku thiäŋ Bɛ̈nydït kepiɔ̈ɔ̈th në miɛt ë piɔ̈u në biäk cïï Yen Melik de Athiriya puɔ̈k piɔ̈u keek, ago keek kuɔny në luɔi de ɣön ë Nhialic de Yithriɛl.

Neɣe 12:46

Në thaar ɣɔn tɔ̈u ë Debid kekë Athap, kɔc ke diɛt aake ye lɔ̈ŋ wat në diɛt ke thieithieei leec kek Nhialic kiit.

Diɛt 106:12

Yen acïï kɔcke gutguut bɛ̈n gam, ku jɔkï ket leckï.

Diɛt 149:2

Miɛtëpuɔ̈u yïn Yithriɛl në biäk de Aciëŋdu, luɔikï dhuëëŋ wek kɔc ke Dhiɔn në biäk de Meliŋdun!

Diɛt 32:11

Yak piɔ̈ɔ̈th miɛt ku dalkï në Bɛ̈nydïtic, wek kɔc piɛthpiɔ̈ɔ̈th, në biäk de kë cïï ë Bɛ̈nydït looi. Wek kɔc ee yen riëëu, miɛtkï piɔ̈ɔ̈th wedhie!

Diɛt 50:1

Awärjäŋ Bɛ̈nydït Nhialic ajam, acɔl pinynɔm ëbɛ̈n, gɔl aköl amiäk le aköl athɛ̈i.

Diɛt 95:6

Bäkkï, gutku wonïïm piny ku lɛmku, tukku wo miɔl në Bɛ̈nydït nɔm Aciëŋda!

Diɛt 96:9

Guötkï wenïïm piny në Bɛ̈nydït nɔm ë ɣɛɛrë yic, takï röt lɛthë në Yenɔm, wek piny nɔm!

Pilipoi 4:4

Yak piɔ̈ɔ̈th miɛt ë Bɛ̈nydïtic ë aköölnyïïn kedhie: abä nyɔkic an, Yak piɔ̈ɔ̈th miɛt!