2 Lëk 29:22 - JAM DE NHIALIC 2011

²² Go bäny ke kake Nhialic miöör kɔn nɔ̈k, ku amɛ̈l, ku lɔ nyök ke amɛ̈l kor, ku yek riɛm de miɔ̈c wiɛ̈ɛ̈th në yïk nɔm.

2 Lëk 29:22 ပူးပေါင်းရင်းမြစ်များ

2 Lëk 35:11

Na wën aa cï amɛ̈l kor ku bɔɔth ke Winythok nɔ̈k, go Lebai keek yaaŋ, ku jɔ bäny ke kake Nhialic riɛm wiɛ̈ɛ̈th në yïk nɔm.

Lebai 1:5

Ku abï miɔɔr koor nɔ̈k në Bɛ̈nydït nɔm. Na ëlë, ke wɛ̈ɛ̈t ke Aron, bäny ke kake Nhialic, abïk riɛm nööm ku wïïthkï në aguuk ke yïk kedhie, të lɔ paany de mät thok.

Lebai 4:18

Ku jɔ riɛm biäk tääu në yïk tuŋ ë Bɛ̈nydït nɔm ë paany de mätic. Ku biäk de riɛm däŋ abï wäl në thaaŋ de yïïŋ de miɔ̈c ye nyopic, tɔ̈u në paany de mät thok.

Lebai 4:34

Ku ëtɛ̈ɛ̈n bɛ̈ny de kake Nhialic, abï riɛm biäk nööm në miɔ̈c de kërac yic në yeriöp, ku tɛ̈ɛ̈u në yïk tuŋ, yïïŋ de miɔ̈c ye nyop ëbɛ̈n. Ku wɛ̈l riɛm biäk në aduŋ de yïkic.

Lebai 4:7

Ku bɛ̈ny de kake Nhialic abï riɛm biäk jɔ tääu në yïk tuŋ, yïïŋ de wɛ̈ɛ̈l ŋïr në Bɛ̈nydït nɔm ë paany de mätic, ku biäk de riɛm de miɔɔr cï döŋ, abï wäl në thaaŋ de yïïŋ de miɔ̈c ye nyopic tɔ̈u në paany de mät thok.

Lebai 8:19

Ago Mothe nyɔɔŋ amääl nɔ̈k ku wïïth riɛm në aguuk ke yïk kedhie.

Lebai 8:24

Go Mothe wɛ̈ɛ̈t ke Aron bɛ̈ɛ̈i tueŋ ayadäŋ, ku tɛ̈ɛ̈u riɛm në yïth cuëëcken thäär, ku tɛ̈ɛ̈u riɛm biäk në riöp butbut de cïn cuëëcken nïïm. Ku jɔ riɛm piaak në yïk kɔ̈u ëbɛ̈n.