2 Lëk 28:4 - JAM DE NHIALIC 2011

⁴ Ku Aɣadh aaye miɔ̈c ye nyop ëbɛ̈n gäm yiëth tëde ɣään ke läm, në kur nïïm, ku në atïïp ke tiim thäär, ku nyop wal ŋïr.

2 Lëk 28:4 ပူးပေါင်းရင်းမြစ်များ

Cäk 31:54

Go Jakop thɔ̈k gäm Nhialic ë kuur nɔm ku nɛ̈k ke. Ku cɔɔl kɔcke lek cam në yen ëtök. Na wën acïk thök në cäm, ke ke nin ë kuur nɔm ëtɛ̈ɛ̈n.

1 Mel 14:2

Go Jerobowam tiiŋde yɔ̈ɔ̈k an, “Kɔ̈cë rɔt ke cïn raan bï yï ŋic, ku lɔ Cilo, të rëër ë tiët ë Nhialic Aɣija thïn, raan ɣɔn luel en an bä aa melik de Yithriɛl.

1 Mel 14:23

Acïk ɣään ye yiëth lam thïn yïk, ku tɛ̈ɛ̈ukï mëën ke kur nhial, ku kït bï yanh cɔl Acera, ku bï aa lam ë kur nïïm ku atïïp ke tiim thäär.

2 Mel 16:4

Ku Aɣadh aaye miɔ̈c gam, ku ye wal ŋïr nyop në ɣään thöny nïïm, ku kur nïïm, ku në tiim tɔ̈c thäär ëbɛ̈n.

2 Lëk 15:17

Na cakaa wään kën ë Atha ɣään ke läm de yiëth riɔ̈ɔ̈k në Yithriɛl yic ëbɛ̈n, acï bɛ̈n ŋoot ke ye piɔ̈u adöt ë Bɛ̈nydït nɔm në pïïrde yic ëbɛ̈n.

2 Lëk 28:19

Ku në biäk cï melik Aɣadh de Juda yic de kɔcke rɛɛc ku riëëk Bɛ̈nydït piɔ̈u, go Bɛ̈nydït riääk tuöc kɔc ke Juda.

2 Lëk 28:25

Në pɛ̈ɛ̈nydït ke Juda yiic kedhie, acï rɔt luöi ɣään ke läm ë yiëth, ku të ye wal ŋïr nyuöp yiëth alɛi. Në ee kueerë acï rɔt yiɛ̈n agönh de Bɛ̈nydït Nhialic de kuarken.

Lebai 26:30

Yɛn bï ɣäänkuön ke läm nu ë kur nïïm riɔ̈ɔ̈k, ku dhuɔŋ yïïŋdun piny yïïŋ ye wal ŋïr nyop, ku wiɛt gupkuön cï thou në yanhduön cï wïïk kɔ̈u, ku wek bä maan aläl.

Maika 1:5

Ku kënë ëbɛ̈n, ee biäk de kërɛɛc de Jakop. Ku eeŋa bï gäk awäny ë baai de Yithriɛl? Cie Thamaria? Ku eeŋa bï gäk awäny ë Juda, awäny cï yen yiëth kɔ̈k lam? Cie Jeruthalem yiɛnhde?