2 Lëk 28:3 - JAM DE NHIALIC 2011

³ ku ye nyuöp wal ŋïr në wak de Ɣinom yic, arëk abï wɛ̈ɛ̈tke aa gäm yiëth ke ke ye miɔ̈c ye nyop ëbɛ̈n, ku jɔ luɔi rɛɛc de juöör wään bï Bɛ̈nydït keek cuɔp wei në ye pinyë yic aa looi, të wään jɔ Yithriɛl lɔ ke ke bɔ̈ thïn.

2 Lëk 28:3 ပူးပေါင်းရင်းမြစ်များ

2 Mel 16:3

Ku yen aa kuany kueer ë meliik ke Yithriɛliic arëk abï wënde gam ke ye miɔ̈c nyupë yiëth, looi kërac ë Bɛ̈nydït nɔm, karɛc ɣɔn ye juöör ɣɔn cï Bɛ̈nydït ke cuɔp wei në kɔc ke Yithriɛl nïïm looi.

2 Mel 23:10

Go melik yïïŋ de Topeth tɔ nhiany, ɣɔn nu ë Wak de wɛ̈ɛ̈t ke Ɣinomic, ke cïn raan bï wënde ku nɔn ee nyande be lɔ gam ke ye miɔ̈c nyupë yanh cɔl Molek.

2 Lëk 33:2

Acï karɛc ye juöör keek looi looi, kɔc ɣɔn bïï Bɛ̈nydït keek cuɔp wei, wään bïï ë kɔc ke Bɛ̈nydït thïn, go Manatha karɛc luöi Bɛ̈nydït.

2 Lëk 33:6

Go mïthke gam ke ke ye miɔ̈c ye nyop ëbɛ̈n në Wak de Ɣinom yic. Ku ye cɔ̈ɔ̈r, ku ye thuëth. Acï karɛc luöi Bɛ̈nydït, ago gɔ̈th ke yen.

2 Lëk 36:14

Ku däŋ aya, bäny ke kɔc ke Juda, ku bäny ke kake Nhialic, ku kɔc acïk ciɛɛŋ de luɔi de kërac ke juöör thiääk ë keek dɔm yic, gokï yiëth lam, ku jɔkï Luaŋdït tɔ nhiany, të wään cïï Bɛ̈nydït guöpde tɔ ɣeric.

Jeremia 19:13

Ɣööt ke Jeruthalem, ku ɣööt ke meliik ke Juda, ku lɔ ɣööt kedhie, ɣööt ye ke wal ŋïr nyuöp kuɛl ë kenïïm, ku të cï mɔ̈u gam thïn ke ye miɔ̈c gɛ̈më yiëth, abïk yiic cuɔl kedhie cït Topeth.”

Jeremia 2:34

Lupɔɔkun acïk gup riɔk në rim ke kɔc kuanynyïïn ku kɔc cïn gup awɛ̈ɛ̈c, acie riɛm de kɔc ee ɣööt dhoŋ. “Ku në biäk de ë kake kedhie.

Jeremia 32:35

Acïk yïïk yiɛ̈k Baal ë wak de Ɣinom yic, bïï kek wɛ̈ɛ̈tken ku duetken aa näk yanh cɔl Molek. Akën ke yɔ̈ɔ̈k bïk ee kënë looi, ku akën lɔ ë yanɔm aya nɔn duëër kek kë cït ee kënë looi, agokï kɔc ke Juda tɔ loi kërac.”

Lebai 18:21

Du meth gɛm në mïthku yiic, bïï lɔ näk yanh cɔl Molek. Në biäk cïï yïn rin ke Nhialicdu bï läät. Ee Yɛn Bɛ̈nydït.

Maika 6:7

Bï Bɛ̈nydït piɔ̈u miɛt kekë agum ke nyök amɛ̈l? Ku nɔn bï aguum kathiëër ke kiɛɛr ke miök nhiaar? Ja Bɛ̈nydït bɛ̈n gäm mɛnh kɛ̈idï bï nɔm aa karɛc cä looi? Bä gäm mɛnh ë nɔmdï ke bï ya päl awɛ̈ɛ̈ckï?

Nyöŋ 12:31

Duökï Bɛ̈nydït Nhialicdun ee lam në kueer ye kek yiëthken lam, në biäk ye kek kanhiany looi ë läm de yiëthken yiic, ka mɛɛn Bɛ̈nydït. Arëk ayek mïthken gam näk keek në mac në yïkken nïïm.

Nyöŋ 18:10

Duökï mïthkun näk në mac ku gamkï keek në yïkkun nïïm, ku duökï kɔckun tɔ loi tïït, ku nɔn ee cäär, ku nɔn ee thuɛ̈th.

Nyöŋ 18:9

“Të la wek lɔ bɛ̈n piny gëmë Bɛ̈nydït Nhialicdun week, duökï luɔi rɛɛc de juöör nu ëtɛ̈ɛ̈n kuany yiic.

Jocua 15:8

ku tëëk në bäny de Ɣinom, në kuur baŋ të lɔ wöuwic, kuur ɣɔn nu ë Jeruthalem de kɔc ke Jebuth ë yelɔ̈ɔ̈m. Ku tëk akeu në kuur nɔm në bäny de Ɣinom baŋ të lɔ aköl athɛ̈i, në Repaim thok të lɔ rut.

Bäny 2:11

Na ɣɔn ke kɔc ke Yithriɛl ë ke jɔ kërac looi në Bɛ̈nydït nyin, ku yek Baal lam.

Bäny 2:13

Acïk Bɛ̈nydït pɔ̈l në läm ku lɛmkï Baal kekë Acetaroth.