2 Lëk 28:20 - JAM DE NHIALIC 2011

²⁰ Ago melik de Athiriya luɔi kony en Aɣadh pɔ̈l ku reec ku tɔ nuan arëët.

2 Lëk 28:20 ပူးပေါင်းရင်းမြစ်များ

2 Mel 15:29

Në akööl ke bääny de Peka melik de Yithriɛl, yen aa dɔmë Tiglath Pilethar, melik de Athiriya wuötkë: yï Yijon, Abel Beth Maaka, Janowa, ku Kedec, ku Ɣadhor, ku piiny ke Giliyad ku Galili, ku Naptali, ku lee kɔc Athiriya ke ke mac.

2 Mel 17:5

Ëtɛ̈ɛ̈n go melik de Athiriya paan de Yithriɛl mak ëbɛ̈n, ku bïï Thamaria ku took në run kadiäk.

1 Lëk 5:26

Go Nhialic de Yithriɛl, Pul melik de Athiriya ku acɔl Tiglath Pilethar aya, go tɔ rum pinyden. Go dhiën de Ruben, ku dhiën de Gad, ku kɔc dhiën ë Manatha nu të lɔ aköl amiäk, ago keek peec. Ku nyuuc keek në Ɣala, ku Ɣabor, ku Ɣara, ku në Kiir de Godhan kɔ̈u, bïk ɣap aɣët ee köölë.

2 Lëk 30:6

Go tuc ë tooc melik kekë bänyke lɔ bïk kɔc lɔ lɛ̈k piny de Juda ku Yithriɛl ku yek lueel an: “Kɔc ke Yithriɛl wek cï poth të wään cïï Athiriya pinydun peec. Ënɔɔnë pɔ̈kkï röt Bɛ̈nydït, Nhialic de Abraɣam, ku Yithaak, ku Jakop, ku abï yenɔm pɔ̈k week.

Yith 30:16

Ku acäk tak an bäk ban ë jöŋgöör ŋic riŋ të cop ë kɔc ke aterdun week. Ee yicdun, kat ee yen ee kë bäk looi! Ayak tak an ŋic jöŋgöörkun riŋ aläl, ku kɔc cop week aŋickï riŋ aläldïïtë!

Yith 30:3

Ku melik de Rip abï nɔm ciën riɛl kony en ke, ku kuɔɔny de Rip abï thök në riääk.

Yith 7:17

“Bɛ̈nydït abï yïn yiɛ̈n nuɛɛn, yïn wekë baai de wuur, ku kɔc ke dhiën de melik ëbɛ̈n, ayek akööl ke nuan rac, acïn kë thöŋ ke yen gɔl në akööl ɣɔn bïï ë Yithriɛl bei në Juda yic, abï melik de Athiriya lɔ bɛ̈ɛ̈i.

Yith 7:20

“Në aköölkë Bɛ̈nydït abï rem de tɔŋ de melik de Athiriya nu ë wɛ̈ɛ̈r ë Yuparat lɔŋ tui riɔp, ku abï we muut nïïm, ku muut nhïm nu ë we nɔ̈k ku nhïm nu ë we gup.

Jeremia 2:36

Wek cï weyiic tɔ piɔl në kë cä wek röt yal tëde yiëth ke juöör kɔ̈k. Wek bïï kɔc ke Rip riɔ̈ɔ̈k piɔ̈ɔ̈th, cït wään cïï kɔc ke Athiriya ye kɔn luöi week.

Jeremia 2:37

Wek bï röt yal wei tëde kɔc ke Rip, ke we cï gup yäär. Yɛn Bɛ̈nydït, Yɛn cï kɔckuön yak keek ŋɔ̈ɔ̈th rɛɛc, acïn kë bäk yök tëde keek.”

Edhekiɛl 16:28

“Në biäk kën yïn piɔ̈u thök we kɔc kɔ̈k, go lɔ ke yï kɔt në kɔc ke Athiriya cök. Yïn aye tiiŋdɛn akɔɔrröör, ku yïn kën piɔ̈u kuɛth we keek aya.

Ɣodh 5:13

“Na wën, aacï Yithriɛl rɔt yök acï tɔŋ thueet cït raan de jɔk, ku yök ë Juda rɔt acï thueet cït kë de guöp tëtöök, acïk bɛ̈n lɔ tëde meliŋdïït de Athiriya, le ke kony. Ku akën ë melik keek bɛ̈n lɔ kuɔny ku cïï keek tɔ ŋuɛ̈ɛ̈n, ku cïï tëtöökken tɔ dem.