2 Lëk 28:15 - JAM DE NHIALIC 2011

¹⁵ ago ee kɔckë kaŋuan kuany ke ke bï kɔc mac yiɛ̈n kɔ̈ɔ̈th lupɔɔ wään cïk ke peec. Acïk keek gäm lupɔɔ ku war bïk keek cieŋ, ku gëmkï keek këcam dït ku pïïu dekkï, ku tɔckï bɔ̈ɔ̈tken nyïïn në miök de olip. Agokï kɔc cï gup kɔ̈c cïï cath lëu tääu në mul kɔ̈ɔ̈th, ku jɔtkï kɔc mac kedhie, puk ë kenïïm ciëën piny ë Juda në Jeriko, pänydït de tiim ke akööt. Na wën ke Yithriɛl ë ke jɔ kenïïm pɔ̈k Thamaria.

2 Lëk 28:15 ပူးပေါင်းရင်းမြစ်များ

2 Mel 6:22

Go Elica bɛ̈ɛ̈r an, “Du ke näk, duɛ̈ɛ̈rë kɔc cï peec tɔŋ nɔ̈k në tɔŋdu, ku dhaŋdu? Gämë ke kuïn ku pïïu agokï cam ku dëkkï, ke ke bï röt pɔ̈k melikden.”

2 Mel 6:23

Go ke luöi gök de këcam, ku të wën thök kek në cäm ku dëkkï, ke ke jɔ tɔ jël, gokï röt pɔ̈k të nu melikden. Gɔl ëtɛ̈ɛ̈n leer tueŋ Thiriya akën tɔŋ bɛ bɛ̈ɛ̈i piny de Yithriɛl.

2 Lëk 28:12

Na wën ke röördït kaŋuan ke dhiën ë Eparaim, yï Adharia wën ë Jeɣoɣanan, ku Berekia wën ë Mecilemoth, ku Jedhikia wën ë Calum, ku Amatha wën ë Ɣadelai, ke ke reec kë cï rem de tɔŋ looi.

2 Lëk 28:14

Ago rem de tɔŋ kɔc cï peec ku ka cïk peec nyäŋ bänyken kekë amatnɔm ëbɛ̈n,

Neɣe 5:12

Go bäny bɛ̈ɛ̈r an, “Abuk looi cït man cï yïn e lueel, abuk keek dɔ̈k nïïm kaken, ku abuk them cuku käny bï bɛ nööm.” Guɔ bäny ke kake Nhialic cɔ̈ɔ̈l ɣöt, ku ta ke loi gutguut në kenïïm ke ke bï kë cïk piac gam an bïk looi muk.

Yith 58:7

Yak kacamkï rɔm në kɔc nɛ̈k cɔk, yak ɣöötkun liep thook kɔc cïn bɛ̈i, kɔc kuanynyïïn. Yak kɔc cïn lupɔɔ miɔɔc në lupɔɔ, ku duökï kɔc raan ë week ee pɛ̈n kuɔɔny.

Luk 6:27

“Ku wek yɔ̈ɔ̈k, wek kɔc pïŋ an: Nhiaarkï kɔc dɛ wek ater, yak kɔc man week luööi apiɛth,

Luk 8:27

Na wën, aacï bɛ̈n biic ë abëlic, ke räm ke raan töŋ bɔ̈ bei ë pänydïtic, raan de guöp jɔɔk rac ë caŋɣɔn, ku acïn lupɔ ee cieŋ, ku cie rëër ɣööt, ku ye rëër ë rɛ̈ŋ yiic.

Luk 8:35

Go kɔc lɔ biic lek ke cï looi tïŋ, gokï bɛ̈n të nu Yecu, ku yökkï raan wën cï jɔɔk rac jäl ë yeguöp, arɛ̈ɛ̈r ë Yecu cök, ke ceŋ lupɔ, acï nɔm piath, agokï riɔ̈ɔ̈c.

Luɔi 9:39

Go Petero rɔt jɔt ku le ke keek. Na wën, aacï bɛ̈n, ke jɔkï lɛɛr ɣöt ɣön nu nhial: ku kääc diäär ëbɛ̈n ë yelɔ̈ɔ̈m diëër cïn nïïm röör, ke ke dhiau, anyuthkï yen aluluut ku lupɔɔ kɔ̈k kak ë kɔɔc Doruka, wään rëër en ke keek.

Romai 15:1

Wok kɔc ril, wo bï kɔc dhil aa muk në kɔ̈c kɔ̈ɔ̈c kek, ku cuku ee luui në këde piɔ̈nda.

Nyöŋ 34:3

Ku lee të lɔ wöuwic paan de Juda, ku riaaŋ ee thar ɣet të lɔ Jeriko, päny de tiim ke akööt.

1 Tim 5:10

Abï dhil aa tiiŋ cï leec në biäk de luɔidɛn piɛth, tiiŋ cï mïthke ŋiëc muk apiɛth, ku ye kamaan ŋiëc luööi ɣɔn, ku ye kɔc ɣerpiɔ̈ɔ̈th waak cök, ku ye kɔc cïï këtuc dhal kony, ku ye cök ë kuɛny en luɔi piɛthic ëbɛ̈n.

Bäny 1:16

Na wën ke kuat de wun tiiŋ ë Mothe, kɔc ke Keni, aake jël në kɔc ke Juda në Jeriko pänydït ë tiim ke akööt, lekkï ë jɔ̈ɔ̈r de Juda yic, piny cie luɔk, piny nu të lɔ wöuwic thiääk ke Arad. Gokï lɔ rëër në kɔc ke Amalek yiic ëtɛ̈ɛ̈n.