2 Lëk 26:9 - JAM DE NHIALIC 2011

⁹ Na wën ke Yudhia ë tɔ pänydït de Jeruthalem tɔ gël aril, ku yïk ɣööt bär në kal Thoŋ de Aguk, ku në kal Thoŋ ë Wak, ku në Aŋel, të ye kal rɔt yal.

2 Lëk 26:9 ပူးပေါင်းရင်းမြစ်များ

2 Mel 14:13

Go Jowac melik de Yithriɛl Amadhia melik de Juda dɔm, ee wën Jowac, Jowac wën ë Aɣadhia, në Beth Cemec, go bɛ̈n Jeruthalem ku jiëp kal ë Jeruthalem piny, gɔl në Thoŋ de Eparaim ale guööt në Thoŋ de Aguk, kaam dïït duëër bɛ̈ɛ̈r de aa bot kaarou 200 ke mitïïr.

2 Lëk 25:23

Go Jowac melik de Yithriɛl Amadhia melik de Juda, wën de Jowac, wën de Aɣadhia dɔm ku peec Amadhia në Beth Cemec, ku lee Jeruthalem. Ku jiëp kal de pänydït piny gɔl ë kal Thoŋ de Eparaim leer në kal Thoŋ de Aguk, ee kaam cït bot kaarou 200 de mitïïr.

Neɣe 2:13

Yɛn cï lɔ biic, la tëëk në Thoŋ lɔ të lɔ Wakic, ku la të lɔ Nyin de Ŋuäl ke ya lɔ ë Thoŋ de Dhuurnɔm, ku ja kal cï dhuɔŋ piny caath, ku thookkɛn ɣɔn cï nyop në mac.

Neɣe 2:15

Aguɔ lɔ piny ë Wakic ke ya ciɛɛth kal ë pänydït, ku ee tɛ̈ɛ̈n yɛn cï a nɔm bɛ̈n puɔ̈k ciëën në Thoŋ biäk të lɔ Wakic bä wut.

Neɣe 3:13

Ku Ɣanun ku kɔc rɛ̈ɛ̈r wun cɔl Dhanowa acïk thoŋ de kal biäk të lɔ Wakic nyɔk në yïk, ku tɛ̈ɛ̈ukï athïïn ke tëden ku rïurïu ke, ku nyɔkkï kal në yïk në kë cït mitïïr bot kaŋuan ku thiërŋuan 440 ɣeetkï ë thoŋ lɔ Dhuurnɔm.

Neɣe 3:24

Ku yïk Binui wën ë Ɣenadad kal biäk däŋë, tëëk në baai de Adharia gut Aŋel të ye kal rɔ yal.

Neɣe 3:32

Ago Thɛ̈th ke adhɛ̈p ku kɔc ee ɣööc biäk däŋë bɛ̈n yïk, gɔlkï në aguk de kal ɣeetkï të thiääk ke Thoŋ de Amääl.

Jeremia 31:38

Go Bɛ̈nydït lueel an, “Akööl abïkï, akööl bï ë Jeruthalem ëbɛ̈n bɛ yïk ke ee pänydïïtdï, gɔl ë alooc bäär de Ɣananel të lɔ aköl athɛ̈i lee ë Kal de aguk thok.

Dhek 14:10

Yen ee pinyë ëbɛ̈n, abïï raai nɔm piny, gɔl ë Geba të lɔ rut aɣët cï Rimon të le wöuwic. Jeruthalem abï woi nhial në wuöt thiääk ë yen, pänydït abï ɣet gɔl ë kal ë Benjamin thok leer ë kal aguk thok, të wään kɔn ë kal tueŋë thok tɔ̈u. Ku gɔl në aloocdïït bäär de Ɣananel leer të ye mɔ̈n ë melik dhiim.