2 Lëk 26:23 - JAM DE NHIALIC 2011

²³ Go Yudhia thou, go lɔ tɔ̈ɔ̈u ke wärken piny tɔ̈u ë rɛ̈ŋ ke meliik thïn, ku në biäk de yen guöp wɛth akënë tɔ̈ɔ̈u ë rɛ̈ŋ ke meliik yiic. Go Jotham wënde lɔ në nyinde yic ke ye melik.

2 Lëk 26:23 ပူးပေါင်းရင်းမြစ်များ

2 Lëk 21:20

Jeɣoram aaye run thiërdiäk ku rou ɣɔn dɔmë yen ke ye melik, go bääny muk ë Jeruthalem në run kabɛ̈t. Acïn kɔc cï piɔ̈ɔ̈th diu wään thou en. Ku acïk bɛ̈n tɔ̈ɔ̈u Pänydït de Debid yic, ku akënë tɔ̈ɔ̈u në rɛ̈ŋ ke bäny yiic.

2 Lëk 26:18

bïk lɔ jɔ̈ɔ̈ny, gokï lueel an, “Yudhia! Yïn cïn nɔm yic bä wal ŋïr nyuöp Bɛ̈nydït. Ee luɔi de bäny ke kake Nhialic kapäc, käu de Aron, kek acï gäm ee luɔiyë, bïk aa looi. Jël ee tëɣeric. Yïn cï Bɛ̈nydït Nhialic lat, ka yïn cïï nɔm be dɛ athiɛɛide.”

2 Lëk 27:1

Jotham aa dɔm bääny ke ee run thiërrou ku dhïc, go bääny muk ë Jeruthalem në run kathiëër ku dhetem. Man acɔl Jeruca, nyan de Dhadok.

2 Lëk 28:27

Go melik Aɣadh thou, go tɔ̈ɔ̈u ë Jeruthalem, ku akënë tɔ̈ɔ̈u në rɛ̈ŋ ke meliik yiic. Go Ɣedhekia wënde lɔ në nyinde yic ke ye melik.

2 Lëk 33:20

Go Manatha thou, gokï tɔ̈ɔ̈u ɣön de bääny, ago Amon wënde lɔ në nyinde yic ke ye melik.

Yith 6:1

Në ruöön ɣɔn thouwë melik Yudhia, yɛn cï Bɛ̈nydït tïŋ. Aa rɛ̈ɛ̈r në thööc nɔm nhial, ku lupɔde ë luaŋdït thiɔ̈ɔ̈ŋic ëbɛ̈n.