2 Lëk 26:18 - JAM DE NHIALIC 2011

¹⁸ bïk lɔ jɔ̈ɔ̈ny, gokï lueel an, “Yudhia! Yïn cïn nɔm yic bä wal ŋïr nyuöp Bɛ̈nydït. Ee luɔi de bäny ke kake Nhialic kapäc, käu de Aron, kek acï gäm ee luɔiyë, bïk aa looi. Jël ee tëɣeric. Yïn cï Bɛ̈nydït Nhialic lat, ka yïn cïï nɔm be dɛ athiɛɛide.”

2 Lëk 26:18 ပူးပေါင်းရင်းမြစ်များ

2 Lëk 19:2

Na wën ke Jeɣu wën de Ɣanani monydaai, lɔ rɔ̈m kekë melik ku lëk en an, “Ye tak ee yic bä kɔc ee karɛc looi kony, kɔɔr bä lɔ kɔ̈ɔ̈c we kɔc man Bɛ̈nydït? Kë cï looiyë acï agönh de Bɛ̈nydït bɛ̈ɛ̈i ë yïguöp.

2 Lëk 30:7

Duökï röt tɔ cït kuarkun ku mïthëkɔckun Yithriɛl wään cïn adöt ë Bɛ̈nydït Nhialicden. Cït man cä wek en tïŋ, acï keek luöi këtuc aläl.

Bɛ̈n 28:1

Na wën, ke lëk ë Bɛ̈nydït Mothe an, “Cɔl Aron kekë wɛ̈ɛ̈tke, yï Nadap kekë Abiɣu, ku Eleyadhar, ku Yithamar. Kuënyë ke bei në Yithriɛlic, ke ke bï Ya luööi ke ke ye bäny ke kake Nhialic.

Jeremia 13:18

Go ë Bɛ̈nydït lɛ̈k ɛn an, “Lëkkë melik kekë man bïk bɛ̈n nyuc piny ë thöönyden nɔm, ë biäk cïï göölkɛn läk lööny piny ë kenïïm.

Danyel 4:37

“Ku ënɔɔnë, yɛn Nebukadnedhar, yɛn piɔny, ku riëëu, ku gäm Melik de paannhial dhuëëŋ. Këriëëc ye looi ëbɛ̈n ee yic ku adöt, ku aduëër raan ëbɛ̈n, raan ee rɔt leec kuɔɔr piny.

Kuɛ̈n 18:7

Ee yïn wekë wɛ̈ɛ̈tku wapäc, wek abï luɔi de kake Nhialic aa looi në Yïk nɔm, ku luɔikï këriëëc ë gëlgëlic aläl. Yen luɔidu ka ëbɛ̈n, në biäk cän yï gäm luɔi de kake Nhialic ke ye miɔ̈c. Raan ëbɛ̈n, raan cïï rɔ̈ŋ ke luɔi, ku le bɛ̈n në ka ɣeriic lɔ̈m, abï thou.

Kuɛ̈n 3:10

Ku tɔ Aron kekë wɛ̈ɛ̈tke ee bäny ke kake Nhialic. Ku raan däŋ pei lɔ luɔiden looi abï thou.

Math 10:18

yeka, ku we bï bɛ̈ɛ̈i ë bäny ke luök nïïm ayï meliik nïïm në biäkdï, aguɔkï aa cäätɔkɛn ë keek tɔ jäny, ku yek juöör tɔ jäny ayadäŋ.

Math 10:28

Ku duökï ë riɔ̈ɔ̈c ë kɔc näk raan guöp tei, ku cïkï wëi ke raan lëu ë näk, aŋuän luɔi bä wek aa riɔ̈ɔ̈c në Raan ë wëi ke raan lëu ë näk ayï raan guöp aya ë giɛna yic.

Math 14:4

Acï Jɔn lɛ̈k en an, “Akënë päl yïn, luɔi bï en rëër ke yïn.”

Jɔn 5:44

Duɛ̈ɛ̈rkï gäm lëu wäkdï, wek kɔc ë lɛc gam lɛc aa wek röt leec wapäc, ku cäkï lɛc ee kɔɔr lɛc bɔ̈ tëde Nhialic etök?

1 Kor 5:5

ke we bï ee raanë yiɛ̈n Catan le riɔ̈ɔ̈k guöp, ke bï kony wëi ë kööl ë Bɛ̈nydït Yecu.

2 Kor 5:16

Yen acïn en raan beku ŋic ë baŋ de guöp: acakaa Kërtho guöp, të ciɛk wok e kɔn ŋic në baŋ de guöp, ka cuku be ŋic aya.

Galatai 2:11

Na wën, aacï Petero bɛ̈n Antiokia, ke ja jɔ̈ɔ̈ny ë yenɔm, luɔi de yen yeth gääk.

Ɣeberuu 5:4

Acïn raan ee rɔt dhuëëŋ yetök, ee cɔ̈t ë Nhialic yen aye raan aa bɛ̈nydït tueŋ de kake Nhialic cït man ɣɔn cïï Nhialic Aron lɔc.

Jakop 2:1

Wek mïthëkɔckuɔ, duökï gäm de Bɛ̈nydan Yecu Kërtho, Bɛ̈nydïït de dhuëëŋ ee muk në kuëny aa wek kɔc kuany yiic.

Jocua 22:15

Agokï lɔ Giliyad lek jam në dhiën ë Ruben, kekë dhiën ë Manatha, Lëkkï keek an:

1 Tham 2:30

Yɛn, Bɛ̈nydït Nhialic de Yithriɛl, Yɛn cï gutguut looi ɣɔn thɛɛr wokë kɔc paandu ku dhiëndun, nɔn bän yïn looi ke yï ye bɛ̈ny de kake Nhialic anandu. Ku ënɔɔnë acä lueel, nɔn cän yen bï bɛ looi ë kööl däŋ! Ku kë bä looi, Yɛn bï kɔc ee Yɛn riëëu guöp riëëu, ku Yɛn bï kɔc ee Yɛn biɔɔn guöp luöi këtuc.