2 Lëk 26:16 - JAM DE NHIALIC 2011

¹⁶ Na ɣɔn cï melik Yudhia rɔt yök ke cï riɛl, go rɔt lɛɛc, ku kënë acï yen bɛ̈n tɔ wiɛ̈ɛ̈k ë awäcic. Acï Luaŋdïït de Nhialicde riɔ̈ɔ̈k ago wal ŋïr lɔ nyop ë yïïŋ de nyum ë wal ŋïr nɔm.

2 Lëk 26:16 ပူးပေါင်းရင်းမြစ်များ

1 Mel 12:33

Ku në kööl ye pɛɛi de bɛ̈t thok thiëër ku dhïc, në kööldɛn cï lɔc, ke lɔ ë yïk lɔ̈ɔ̈m ë Bethel, yïïŋ wään cï yïk le miɔ̈c ë wal ŋïr gam në këde dhuëëŋ cï lɛ̈k kɔc ke Yithriɛl bï aa looi.

1 Mel 13:1

Na wën ke raan de Nhialic bɔ̈ në Juda ke bïï jam de Nhialic Bethel, ku Jerobowam aa kääc ë yïk nɔm ke gɛm miɔ̈c ë wal ŋïr.

2 Mel 14:10

Ënɔɔnë Amadhia, yïn cï kɔc ke Edom tiaam, ka yïn cï lɛc dɔm arëët, jɔ pëk wekë dhuëëŋduönë, ku rɛ̈ɛ̈rë paandu, eeŋö yïn kërac kɔɔr bä riääk gɔ̈n rɔt wekë Juda?”

2 Mel 15:5

Go Bɛ̈nydït melik Yudhia yup në wɛth, ku jɔ tɔ̈u në ye guöp agut kööl bï yen thou, go tɔ rɛ̈ɛ̈r ɣönde pei, ku jɔ wëndɛn Jotham nu dhiën ë wun nɔm, ku ye bɛ̈ny de Juda ëbɛ̈n.

2 Lëk 12:1

Na wään cï Reɣobowam rɔt kiɛm piny ku cï riɛl ke ee melik, gokï lööŋ ke Bɛ̈nydït pɔ̈l yen kekë kɔcke.

2 Lëk 25:19

Ku ënɔɔnë Amadhia yïn go rɔt lɛɛc ë luɔi cïn kɔc ke Edom tiaam, ënɔɔnë yïn yɔ̈ɔ̈k bä rëër baai. Eeŋö kɔɔr yïn riääk bä bɛ̈ɛ̈i ë yïguöp wekë kɔcku?”

2 Lëk 26:15

Ku kɔc pel nïïm tɔ̈u në Jeruthalem acïk ka bïï ë dhɛ̈ŋ aa moc thɔ̈ɔ̈th, aye ke tääu në ɣööt bär nïïm ku aguuk ke kɛ̈l ke pänydït bär. Go lɛcde ɣet tëmec, në biäk de kuɔny cï yök tëde Nhialic.

2 Lëk 27:2

Acï këpiɛth looi në Bɛ̈nydït nɔm, ka cït ka wään ye Yudhia wun ke looi, ku acïï cït wun akën kërac looi në nyum de wal ŋïr, ku akën yiëth lam ë Luaŋdïtic. Ku kɔc aake ŋoot ke ke loi karɛc.

2 Lëk 32:25

Ku Ɣedhekia acï nɔm bɛ̈n dït ku akën dhuëëŋ de piɔ̈u nyuöth Bɛ̈nydït në kë cï luöi en, ago Juda kekë Jeruthalem bɛ̈n nuan në këde.

Kɛ̈ŋ 16:18

Lɛc aye riääk kuany cök.

Danyel 11:12

Abïï ë lɛc dɔm në biäk cï yen tiam, ku në baŋ de remdïït ë tɔŋ cï keek nɔ̈k, ku acïï tiëm cï yen tiam bï cuuth.

Danyel 8:8

Go bou nɔm jɔ dït aläl, ku të wën cï en jɔ riɛl aläl go tuŋ dhuɔɔŋ. Go tuŋ kaŋuan ciɛl tëde, ku tuŋ tök ee rɔt wɛl tëde pei yetök.

Ɣabakuk 2:4

Ku jamkï an: ‘Kɔc ee karɛc looi acïkï bï pïïr, ku kɔc piɛthpiɔ̈ɔ̈th abïk pïïr në gäm gɛm kek Nhialic.’

Kuɛ̈n 16:1

Ëtɛ̈ɛ̈n, Kɔra wën de Yidhar, Yidhar wën de Koɣath, Koɣath wën de Lebai ku Dathan ku Abiram wɛ̈ɛ̈t ke Eliap, ku On wën ë Peleth wɛ̈ɛ̈t ke Ruben,

Kuɛ̈n 16:18

Na ɣɔn amiäk, ke raan ëbɛ̈n ë nöm abɔ̈nyde, ku kuɛ̈nyë yic mac, ku wɛ̈l nɔm wɛ̈ɛ̈l ŋïr, ku bï bɛ̈n kɔ̈ɔ̈c në paany de mät thok tueŋ në Mothe kekë Aron ëtök.

Kuɛ̈n 16:35

Go mac bɛ̈n nhial tëde Bɛ̈nydït ku nyop bot kaarou ku thiërdhïny ë raan wën muk abɔ̈c ke wal ŋïr.

Kuɛ̈n 16:7

ku kuɛ̈nykï keyiic mac, tääukï wɛ̈ɛ̈l ŋïïr de tool thïn, ku bɛ̈ɛ̈ikï në Bɛ̈nydït nɔm. Raan le Bɛ̈nydït lɔc yen abï ya raandɛn ɣeric. Këdun acäk ŋuak nɔm, wek wɛ̈ɛ̈t ke Lebai.

Kuɛ̈n 17:5

Ku thieny de raan cä lɔc abï nyok. Yen kueer bän dok de kɔc ke Yithriɛl në yïn jɔ tɔ kääc ka.

Nyöŋ 8:14

takkï apiɛth luöi cä wek röt bï leec ku märkï nïïm ë Bɛ̈nydït Nhialicdun, Raan ë kony week ë Rip, të wään ya wek lïïm thïn.

Nyöŋ 8:17

Ka duökï ee tak nɔn cä wek röt tɔ kueth në riɛldun ku aŋoŋdun wapäc.

Kolothai 2:18

Duökï röt tɔ pënë raan ariöpduön bäk yök, në kuur ee yen rɔt kuɔɔr piny ku läm ee yen tuucnhial lam, raan ë pëk ë ke cï yök ë nyuöthic, ee rɔt tɔ dït ë ɣɔ̈ric, në piɔ̈ndɛn cï tuöm ka ke piny,