2 Lëk 25:8 - JAM DE NHIALIC 2011

⁸ Aye tak an bïk yïn tɔ ril, ku ee Nhialic yen de nɔm riɛl bï yen raan gäm tiëm ku nɔn tɔ raan tiaam, ku abï kɔc ke aterdu tɔ tiaam week.”

2 Lëk 25:8 ပူးပေါင်းရင်းမြစ်များ

2 Lëk 1:12

Yïn bä gäm pɛlënɔm ku ŋïnydekäŋ. Ku yɛn bï kajuëc, ku wëu juëc, ku kɛk dït cïn melik cï ye kɔn yök ku cïn raan bï ye bɛ yök gäm yïn aya.”

2 Lëk 14:11

Na wën ke melik Atha ë läŋ Bɛ̈nydït Nhialicde an, “Bɛ̈nydït, Yïn de nɔm riɛl duëër Yïn rem de tɔŋ kɔ̈c kony cït man de rem de tɔŋ ril. Kony wook ënɔɔnë, Yïn Bɛ̈nydït Nhialicda, në biäk kɛn wok röt në Yïn, ku në rinku yen abïï wok biic buk bɛ̈n thɔ̈ɔ̈r në rem dïït ë tɔŋë. Bɛ̈nydït, Yïn ee Nhialicda, acïn raan duëër ye ŋɔ̈ɔ̈th bïï Yïn tiaam.”

2 Lëk 18:14

Na wën aa cï ë melik lɔ̈ɔ̈m Aɣap, go melik thiëëc an, “Mikaya bä lɔ wokë melik Jeɣocapat buk Ramoth lɔ mak, ku cukku bï lɔ?” Go Mikaya pɔ̈k nɔm en an, “Lakï bäk lɔ mak. Ee yic wek bï tiam, Bɛ̈nydït abï we gäm tiëm.”

2 Lëk 20:6

ku lɛ̈ŋ në röldït an, “Bɛ̈nydït Nhialic de kuarkuɔ, ee yïn ee bɛ̈ny ceŋ tënhial ku mac juöör ke piny nɔm ëbɛ̈n. Yïn ril ku Yïn Wärjäŋ, ku acïn raan duëër yïn jɔ̈ɔ̈ny.

2 Lëk 26:7

Go Nhialic ye kuɔny bïï Pilithiin tiaam kekë kɔc ke Arab rɛ̈ɛ̈r në Gurbaal, ku Munit.

Jop 5:18

Ee raan luöi tëtöök ku deer ke nyïïn ee raan yup ku aye tɔ dem.

Jop 9:13

Nhialic acïï agönhde ë pɔ̈lic, ayï kɔc ee ŋuäldïït wïïr cɔl Raɣap luööi, ayek kenïïm guöt piny ë Yecök.

Diɛt 20:7

Kɔc kɔ̈k ayek abëël ke tɔŋ ŋɔ̈ɔ̈th, ku ŋäth kɔc kɔ̈k jöŋgöörken, ku wok ee riɛl de Bɛ̈nydït Nhialicda ŋɔ̈ɔ̈th.

Diɛt 24:1

Pinynɔm ayï këriëëc tɔ̈u thïn ëbɛ̈n, ee këde Bɛ̈nydït, Piny ëbɛ̈n ayï këriëëc cieŋ en ee kake Bɛ̈nydït.

Diɛt 33:10

Bɛ̈nydït ee täŋ de juöör riɔ̈ɔ̈k, ku pën keek luɔi looi kek kë cïk kiëët.

Diɛt 33:16

Melik acie tiam në biäk de riɛl ë remdɛn ë tɔŋ, ku jön ë tɔŋ acie tiam në biäk ë riɛlde.

Diɛt 62:11

Acä piŋ ke lueel ë Nhialic nɔn ye riɛl këde Nhialic Yetök,

Diɛt 89:43

Yïn cï tɔɔŋke tɔ cïn naamden, ago tɔ tiam në tɔŋic.

Kɛ̈ŋ 10:22

Kuɛth ee athiɛɛi de Bɛ̈nydït, ku acie luɔiduöndït.

Wɛ̈ɛ̈t 11:9

Wek dhuök, miɛtkï piɔ̈ɔ̈th në dhuöökdunic. Yak piɔ̈ɔ̈th miɛt të ŋuɔɔt wek ke we ye dhuök. Luɔikï ka kaarkï bäk ke looi, ku kuanykï kake piɔ̈ɔ̈thkun cök. Ku ŋiɛckï nɔn bï Nhialic löŋdun guiir në këriëëc yak looi yic ëbɛ̈n.

Wɛ̈ɛ̈t 9:11

Ku yɛn cï rɔt puk guɔ këdäŋ tïŋ ë piny nɔm, acie raan ŋic kat yen ee tiam aköölnyïïn, acie jööt kek ee tɔŋ tiaam aköölnyïïn, acie kɔc pelnïïm kek ee këcam yök aköölnyïïn, acie kɔc tiëër nïïm kek ee kuɛth aköölnyïïn, acie kɔc ŋic käŋ kek ee miɛtëpiɔ̈u yök tëde kɔc aköölnyïïn. Piäl ë guöp ee këde raan ëbɛ̈n.

Ɣagai 2:8

Ku lueel Bɛ̈nydït de rɛm an, Atek ke pinynɔm kedhie, ayï adhɛ̈p ayek kakï.

Math 26:45

Na wën, ke bɔ̈ të nu kɔckɛn ë piööcë, bï ku yöök keek an, “Yɔ̈kkï ë we nin tëthiinakäŋ, abäk lɔ̈ŋ, tiëŋkï! Thaar ë guɔ thiɔ̈k, ke Wën ë Raan ë nyiinë ku yïnë kɔc ë kërac looi.

Nyöŋ 8:18

Yak ŋic nɔn Yen Bɛ̈nydït Nhialicdun, Yen ë gëm week riɛl bï we tɔ kueth. Aa loi ee kënë në baŋ ŋoot En ke ye Adöt ee köölë, në löŋ cï mac kekë kuarkun.

Pilipoi 4:19

Ku Nhialicdï abï we tɔ kueth në këdak week ëbɛ̈n në juëc ë kakɛn nu paandɛn ë dhuëëŋ ë Kërtho Yecuyic.

Bäny 7:7

Ago Bɛ̈nydït Gidiɔn yɔ̈ɔ̈k an, “Yïn bä luök në kɔc bot kadiäk 300, cï pïïu nem në kecin ku dekkï ke, yɛn bï kɔc ke Midian tääu në yïcin bä ke tiaam. Ku kɔc kɔ̈kë kedhie ë ke puk röt wut, ŋɛk ë lɔ tëde ku lɔ ŋɛk tëde.”

1 Tham 14:6

Go Jɔnathan dhuŋ ee kakɛn ë tɔŋ muk yɔ̈ɔ̈k an, “Bäär lokku të de rem de kɔc kuc Nhialic, tɛk däŋ bï Bɛ̈nydït wook kuɔny, acïn kë duëër Bɛ̈nydït pɛ̈n luɔi kony En wo, cakaa nɔn ye wok kɔc lik.”