2 Lëk 25:5 - JAM DE NHIALIC 2011

⁵ Na wën ke melik Amadhia ë guiir kɔc dhiën de Juda ku dhiën de Benjamin kedhie ke ke ye rɛm ke tɔŋ, aa looi kuut në täu de ɣöötken thook, ku tɛ̈ɛ̈u bäny ke rem de tɔŋ në agum tök nɔm, ku bäny ke rem de tɔŋ në bɔt tök nɔm. Ku kënë aaye gɔl ë wɛ̈ɛ̈t ee run thiërrou ku röördït, aake ye 300,000 de kɔc. Ayek rem de tɔŋ cï kuany yic, kɔc lëu tɔŋ, ku ŋickï muŋ de tɔɔŋ, ku kööt.

2 Lëk 25:5 ပူးပေါင်းရင်းမြစ်များ

1 Lëk 13:1

Na ɣɔn ke melik Debid ë jam ke bäny ke rem de agum ku bäny ke rem de bɔt.

1 Lëk 27:1

Kakë ee rin ke bäny ke ɣööt ke Yithriɛl, ku bäny ke dhiën, ku jɔ aa bäny ke ciɛɛŋ de baai, ayï bäny ke luɔi de kake ciɛɛŋ. Në pɛɛi tökic ë ruöön thok ëbɛ̈n kuut kith yiic de aguum kathiërrou ku ŋuan 24,000 de rem de tɔŋ ayek tɔ̈u ë luɔi yic, në bɛ̈nyden cök, bɛ̈ny lui ee pɛɛiyë yic.

2 Lëk 11:1

Na wën aacï Melik Reɣobowam ɣet Jeruthalem, ke cɔl bot ku thiërbɛ̈t de agum 180,000 de rem de tɔŋ në dhiën de Benjamin ku Juda yic. Akɔɔr bï lɔ piɔ̈t kekë dhiën nu ë biäk të lɔ rut ku bïï ke bɛ̈ɛ̈i ë ciɛɛŋde yic.

2 Lëk 14:7

Ago lɛ̈k kɔc ke Juda an, “Gëlku pɛ̈ɛ̈nydït në yïŋ de gëlgël ku ɣööt bär, ku athïïn bïï keek aa thiöök ku gɛ̈ɛ̈rë keek. Ku në biäk cï wok këde piɔ̈n ë Bɛ̈nydït Nhialicda looi yen atɔ wook muk ee pinyë. Yen acï wook gël ku gëm wook nɔm lääu në biäk kedhie. Gokï baai jɔ yïk ku jɔkï kuɛth.

2 Lëk 14:8

Melik Atha aa de nɔm aguum bot kadiäk 300,000 de rem de tɔŋ ë Juda muk tɔɔŋ ku kööt, ku aguum bot kaarou ku thiërbɛ̈t 280,000 de rem de tɔŋ ë Benjamin muk kööt ku dhɛ̈ŋ. Ayek röör jööt cï ŋiëc wɛ̈ɛ̈t kedhie.

2 Lëk 25:6

Ku acï agum bɔt 100,000 de rem de tɔŋ riɔp, në kɔc ke Yithriɛl yiic në aguum kadiäk ku bot kaŋuan 3,400 de kilɔɔ ke ateek.

2 Lëk 26:13

Ku rem de tɔŋ nu në kecök ayek aguum bot kadiäk ku dhorou, ku bot kadhïc (307,500) de rem lëu tɔŋ në kɔc de ater ë melik.

Bɛ̈n 18:25

ku kuɛny kɔc lëthiic në kɔc ke Yithriɛliic ëbɛ̈n. Kuɛny keek tɔ ke ee bäny ke aguum ke kɔc, ku bäny ke bot, ku bäny ke thiërdhïc, ku bäny ke thiëër.

Kuɛ̈n 1:3

Gäärkï kɔc rin kedhie wekë Aron, raan ëbɛ̈n raan ee run thiërrou ku lee tueŋ, kɔc lëu tɔŋ gäärkï keek.

1 Tham 8:12

ku kɔc kɔ̈k abï keek tɔ lui ke ke ye bäny ke kɔc juëc, ku kɔ̈k abïk aa bäny ke kɔc lik, ku kɔ̈k abïk domde aa puur ku temkï domde, ku kɔ̈k abïk ŋoot ke ke loi tɔɔŋke ku cök ke abëëlkɛn ke tɔŋ.