2 Lëk 25:4 - JAM DE NHIALIC 2011

⁴ Ku akën mïth ee kɔckë tɔ näk, acï lööŋ cï gɔ̈ɔ̈r në awerek de Mothe yic kuany cök an, “Kɔc de mïth acïï keek duëërë näk awäny cïï mïthken looi, ku mïth aya acïï keek duëërë näk awäny de röördït ken, raan abï dhil aa näk awäny ë looi ë yen guöpde.”

2 Lëk 25:4 ပူးပေါင်းရင်းမြစ်များ

2 Lëk 25:5

Na wën ke melik Amadhia ë guiir kɔc dhiën de Juda ku dhiën de Benjamin kedhie ke ke ye rɛm ke tɔŋ, aa looi kuut në täu de ɣöötken thook, ku tɛ̈ɛ̈u bäny ke rem de tɔŋ në agum tök nɔm, ku bäny ke rem de tɔŋ në bɔt tök nɔm. Ku kënë aaye gɔl ë wɛ̈ɛ̈t ee run thiërrou ku röördït, aake ye 300,000 de kɔc. Ayek rem de tɔŋ cï kuany yic, kɔc lëu tɔŋ, ku ŋickï muŋ de tɔɔŋ, ku kööt.

Edhekiɛl 18:20

Ee yen raan ee kërac looi yen abï thou. Meth acïï duëër gum në biäk de awäny de wun, ayï wun meth acïï duëër gum në biäk de awäny ë mɛnhde. Raan piathëpiɔ̈n abïï gäm ariöp de kapiɛth cï looi, ku raan ee karɛc looi abï gum në biäk de karɛc cï looi.

Edhekiɛl 18:4

Pïïr de raan ëbɛ̈n ee këdï, pïïr de wärken ke mïth ku märken ayï pïïr de mïth. Raan ee kërac looi ee yen abï thou.

Nyöŋ 24:16

“Wärken ë mïth acïï keek bï aa nɔ̈k në biäk de awäny cïï mïthken looi, ku mïth acïï keek bï aa nɔ̈k në biäk de awäny cïï wärken looi, raan abï aa nɔ̈k në biäk de kërɛɛcdɛn cï looi yetök.