2 Lëk 25:14 - JAM DE NHIALIC 2011

¹⁴ Na wën cï Amadhia bɛ̈n ciëën të wään cï en kɔc ke Edom lɔ tiaam tɔŋ, go yiëthken bɛ̈ɛ̈i ë yen ëtök ku ye ke lam, ku nyup keek wal ŋïr

2 Lëk 25:14 ပူးပေါင်းရင်းမြစ်များ

2 Tham 5:21

Ku jɔ Pilithiin yiëthkɛn yek lam nyääŋ piny në Baal Peradhim go kɔc ke Debid keek jɔt.

2 Mel 14:8

Ku jɔ Amadhia kɔc tuöc melik Jowac de Yithriɛl, wën ë Jeɣowadh, ku ye wën ë Jeɣu melik de Yithriɛl an, “Bäär buk bɛ̈n jam ke wo tuum wonïïm.

2 Lëk 25:13

Ku ë tëthiinë manë ke rem ë tɔŋ de Yithriɛl wään cïï Amadhia keek pɛ̈n lɔ tɔŋ ë yen ëtök, ke ke lɔ ku mɛkï pɛ̈ɛ̈nydït ke Juda tɔ̈u ë kaam de Thamaria kekë Bethɣaron ku näkkï aguum kadiäk 3,000 de kɔc ku rumkï kajuëc aläl.

2 Lëk 25:2

Acï këpiɛth looi në Bɛ̈nydït nɔm, ku aaye looi ke cɔ̈m piɔ̈u.

2 Lëk 28:23

Go miɔ̈c näk gäm yiëth ke Thiriya wään cï yen tiaam ë tɔŋic. Ku lueel an, “Yiëth kë acïk melik de Athiriya kony, na cä keek näk, ka bïk yɛn dhil kony aya.” Kënë acï riäŋ dït bɛ̈n bɛ̈ɛ̈i ë yeguöp ku Yithriɛl ëbɛ̈n.

Bɛ̈n 23:24

Duökï wenïïm gut piny në yiëthken nïïm ku duökï ke lam. Ku duökï kuɛɛrkɛn ke läm dɔmiic. Riäkkï yiëthken ku dhuööŋkï kur ke yïïkken.

Yith 44:15

Raan ee biäk de tim tɔ ye këde thät, ku looi biäk ke ye yath. Biäk tök aye yen mac looi bïï yen yeguöp tuööc, ku thɛɛl kuïn cï pam, ku biäk däŋë looi yen yath ku ye lam.

Yith 44:19

Kɔc ee yiëth looi acïkï ee tak ayï miɔ̈n bïk lueel an, “Biäk de tim acä dɛ̈ɛ̈p. Yɛn cï kuïn cï pam thaal, ku nyuɔp rïŋ ku cam. Ku biäk däŋ de tim acän ke yath luööi. Ku yakï gut a nɔm piny në tim dït nɔm!”

Amoth 2:4

Aye Bɛ̈nydït lueel an, “Kɔc ke Juda abä keek luöi këtuc, në biäk de karɛc juëc cïk looi. Arëk abïk wëët de Bɛ̈nydït rɛɛc piŋ, ku cïkï lööŋke muk aya. Acïï yiëth ɣäär yiic keek mɔ̈ɔ̈r, yiëth ɣɔn kɔn ë kuarken keek kuany cök.

Nyöŋ 7:25

Nyuɔpkï yiëthken. Duökï piɔ̈ɔ̈th bï dɛ ateek ayï adhɛ̈p nu ë kekɔ̈ɔ̈th, ku duökï ke döm röt. Na lak looi wäkya abïk rac aläl, në baŋ mɛɛn ë Bɛ̈nydït Nhialic läm de yiëth.

Nyöŋ 7:5

Ka ënɔɔnë, jakï yïkken thuöör piny, ku dhuɔŋkï waike kur yaath kɔ̈ɔ̈th, ku yiɛpkï yanh tik Acera piny, ku nyuɔpkï yiëthken.