2 Lëk 24:21 - JAM DE NHIALIC 2011

²¹ Melik Jowac acï mat ke kɔc lui Dhekaria kiɛɛr rac, go melik keek yɔ̈ɔ̈k bïk Dhekaria biɔ̈ɔ̈k ë kur në kal ë Luaŋdït yic.

2 Lëk 24:21 ပူးပေါင်းရင်းမြစ်များ

1 Mel 21:13

Na wën, ke kɔc kaarou ke ke bɔ̈, kɔc de gup anäinäi, bïkkï ku nyuckï ë yenɔm, ku jɔkï cäk thok, luelkï ater në yen an cï Naboth Nhialic läät, ku lɛ̈ɛ̈t melik. Na wën, ke jɔkï jat biic në wut këc, lek biɔ̈ɔ̈k ë kur, abï thou.

2 Lëk 25:16

Ago Amadhia bɛ̈ɛ̈r an, “Ee nɛn yen cï wok yïn tɔ ee raan ee melik riit piɔ̈u, mim thok, na lɔ lɔ jam ke yïn bä tɔ näk!” Go tiët mim ku lueel an, “Ënɔɔnë acä ŋic nɔn bïï Nhialic yïn dhil riɔ̈ɔ̈k në biäk cïï yïn ee kajuëckë looi ku rɛɛcë lööŋkï.”

Neɣe 9:26

“Ku kɔcku acïk jaai ku reeckï Yïthok, acïk kekɔ̈ɔ̈th wɛ̈l lööŋku, acïk tïtkuön ee keek yɔ̈ɔ̈k nɔ̈k, kɔc ee keek yɔ̈ɔ̈k bïk röt dɔ̈k Yïn, keek ayek Yï läät në län rac në thaar nyin ëbɛ̈n.

Diɛt 94:21

Ayek kethook mat ë kiɛɛr rac bïï kek kɔc piɛthpiɔ̈ɔ̈th nɔ̈k, ku tɔkï raan cïn kë cï wööc näk.

Jeremia 11:19

Yɛn aa cït nyɔɔŋ amääl le nɔ̈k biic, ku aa cä ŋic nɔn yen yɛn ë luiyë ee kiɛɛr rɛɛcë. Aa yek lueel an, “Yepku tim piny të ŋoot en ke tiɔp, lok nɛ̈kku ke cïn raan bï yen bɛ tak taitai.”

Jeremia 18:18

Go kɔc jɔ lueel an, “Loiku këdäŋ në biäk de Jeremia! Wok bï nïïm aa dɛ bäny de kake Nhialic bï wook aa wɛ̈ɛ̈t, kɔc pel nïïm bï wook aa wɛ̈ɛ̈t, ku tït bï wook aa lɛ̈k jam de Nhialic. Lok ciëku thok, ke wo bï kɔ̈ɔ̈c në pïŋ piŋ wok ka ye lueel.”

Jeremia 20:2

go kɔc yɔ̈ɔ̈k bïk tiët Jeremia dui ku tɔ rek ë joth tëthiääk kekë Kal Thoŋ ë Benjamin të lɔ nhial ë Luaŋdïtic.

Jeremia 26:2

Go ë Bɛ̈nydït lɛ̈k ɛn an, “Lɔ kääcë ë Luaŋdïtic cil ku luel ka cä lɛ̈k yïn ëbɛ̈n, ka bä lɛ̈k kɔc ke Juda cï bɛ̈n ë wuötiic bïk bɛ̈n lam ëtɛ̈ɛ̈n. Cïn kë nyääŋë piny.

Jeremia 26:21

Na wën cï Jeɣoyakim melik kekë ë remdɛn ë tɔŋ ku bänyke ye piŋ yen kë cï Yuria lueel, acï melik them nɔn bï yen en tɔ näk. Go Yuria ye piŋ, go rɔt kual ë riɔ̈ɔ̈cdït ku le Rip.

Amoth 5:10

Wek ee kɔc ee week jɔ̈ɔ̈ny tëde gööny maan, ku kɔc ee yic lueel ayak keek guɛɛny wei.

Math 21:35

Na wën, ke kɔc ë dom tiit ke ke dɔm lïïmke, duikï tök, ku näkkï tök, ku biöökë tök ë kur.

Luk 11:51

gɔl ë riɛm de Abel aɣët riɛm de Dhekaria, raan cï nɔ̈k ë kaam de yïïŋ de läm kekë tëɣeric. Wek yɔ̈ɔ̈k ëyic an, abï thiëëc tëde rem de ënɔɔnë!

Ɣeberuu 11:37

Ku ye ke biɔ̈ɔ̈k në kur ku temë kakë kɔ̈ɔ̈th në rou, aake ye nɔ̈k në abätɛ̈ɛ̈u, aake rɛ̈ɛ̈r ke ke kuanynyïïn ku acïn kë ceŋkï ë kekɔ̈ɔ̈th, ee biɔŋ ke thök bɔɔth ku amɛ̈l kek aa ceŋkï, aake ye yɔŋ ku kucë ke luööi.