2 Lëk 24:20 - JAM DE NHIALIC 2011

²⁰ Na wën ke wëi ke Nhialic ë ke bɔ̈ në Dhekaria guöp, wën ë Jeɣoyada bɛ̈ny de kake Nhialic. Go lɔ kɔ̈ɔ̈c ë kɔc nïïm nhial ku cööt ë röldït an, “Bɛ̈nydït Nhialic ee lop, an eeŋö rɛɛc wek lööŋkï ku bɛ̈ɛ̈ikï riääk ë we gup! Acäk nyääŋ piny, ku acï week nyääŋ piny aya!”

2 Lëk 24:20 ပူးပေါင်းရင်းမြစ်များ

1 Lëk 12:18

Go Wëidït ke Nhialic bɛ̈n në raan töŋden guöp, go Amathai ɣɔn cï bɛ̈n aa bɛ̈ny de thiërdiäk lueel an, “Debid wën de Jethe, wok ee kɔcku! Yïn bï tiam wekë kɔc kony yïn! Nhialic atɔ̈u ë biäkdu.” Go Debid ke cɔɔl, ku tɔ keek ee bäny ke remdɛn de tɔŋ.

1 Lëk 28:9

Ku yïn Tholomon wëndï, ye Nhialic de wuur ŋic, ku ye luööi në yïpiɔ̈u ëbɛ̈n, ku në piɔ̈n awai. Në biäk ye Bɛ̈nydït kɔc kɔɔr piɔ̈ɔ̈th kedhie, ku ŋic guiɛɛr ëbɛ̈n ku täk ëbɛ̈n. Na lɔ lɔ kɔɔr abä yök ke nu në yïlɔ̈ɔ̈m, ku na lɔ lɔ rɛɛc, abï yïn cuɔp wei aɣet athɛɛr.

2 Lëk 12:5

Go tiët Cemaya lɔ tëde Reɣobowam ku wɛ̈ɛ̈t meliik ke Juda cï kenïïm lɔ kut Jeruthalem në biäk de Cicak meliŋ de Rip. Ago lɛ̈k keek an, “Kë lueel Bɛ̈nydït kï an: ‘Wek cï A nyääŋ piny, ku ënɔɔnë wek bä keek nyääŋ në Cicak ciin.’”

2 Lëk 20:14

Na wën ke Wëi ke Bɛ̈nydït ë ke lööny në Lebai guöp raan ë tɔ̈u në amatnɔmic. Acɔl rin Jaɣadhiel wën de Dhekaria, raan dhiën de Athap, ku ye kuɛɛrë në biäk de Matania, ku Jeyel, ku Benaya.

2 Lëk 23:11

Na wën ke Jeɣoyada bɛ̈ny de kake Nhialic ë leer Jowac biic, ku tɛ̈ɛ̈u göl ë yenɔm, ku gëm awereŋ töŋ de yic lööŋ ke luɔi de meliik. Ku jɔ bɛ̈n caal ke ee melik, go Jeɣoyada bɛ̈ny de kake Nhialic kekë wɛ̈ɛ̈tke Jowac tɔc ë miök, ago kɔc kedhie cööt ë röldït an, “Melik yïn bï pïïr athɛɛr!”

2 Lëk 24:24

Ku rem de tɔŋ ë Thiriya aake ye kɔc liaakäŋ, ku acï Bɛ̈nydït keek gäm riɛl bïï kek rem dïït ë tɔŋ de Juda tiaam, në biäk cï kɔc Bɛ̈nydït Nhialic de kuarken nyääŋ piny. Yen kueer ë tɔ ë Bɛ̈nydït melik Jowac yök këtuc ka.

2 Lëk 25:16

Ago Amadhia bɛ̈ɛ̈r an, “Ee nɛn yen cï wok yïn tɔ ee raan ee melik riit piɔ̈u, mim thok, na lɔ lɔ jam ke yïn bä tɔ näk!” Go tiët mim ku lueel an, “Ënɔɔnë acä ŋic nɔn bïï Nhialic yïn dhil riɔ̈ɔ̈k në biäk cïï yïn ee kajuëckë looi ku rɛɛcë lööŋkï.”

2 Lëk 29:8

Ku në biäk de ee kënë Bɛ̈nydït acï gɔ̈th kekë Juda ku Jeruthalem, ku kë cï luöi keek acï raan ëbɛ̈n tɔ riɔ̈c ku tɔ ke mum nïïm. Wek ŋic ee kakë apiɛth.

Jeremia 2:19

Awänyduön cäk loi yen abï we luöi këtuc, ku jäldun tëde Yɛn abï we luöi këtuc. Abäk ŋic nɔn tuc en thok ku rɛɛc, yen kë cä wek Ɛn nyääŋ piny, Yɛn Bɛ̈nydït Nhialicdun, ku bɛkï piɔ̈ɔ̈th ciɛ̈n adöt në Yɛn. Acä lueel, Yɛn Bɛ̈nydït Awärjäŋ.”

Jeremia 26:2

Go ë Bɛ̈nydït lɛ̈k ɛn an, “Lɔ kääcë ë Luaŋdïtic cil ku luel ka cä lɛ̈k yïn ëbɛ̈n, ka bä lɛ̈k kɔc ke Juda cï bɛ̈n ë wuötiic bïk bɛ̈n lam ëtɛ̈ɛ̈n. Cïn kë nyääŋë piny.

Jeremia 4:18

Juda, yïn cï ee kënë luöi rɔt yïtök në kueerduön ee yïn pïïr, ku në biäk de kakuön cï looi. Karɛcku acïk yïn tɔ nuan, acïk yïn gut piɔ̈u.

Jeremia 5:19

Të lee kek lɔ lop an eeŋö luɔi Yɛn ee kakë kedhie, lɛ̈kë ë keek Jeremia, an cït man cï kek kenïïm wɛl wei tëde Yɛn ku luuikï yiëth kɔ̈k pinyden, yen abï kek kɔc kɔ̈k lɔ luööi piny cie pinyden.”

Jeremia 5:25

Ku kë loi rɔt, karɛckun acïk week pɛ̈n bɛ̈n bïï ee kapiɛthkë bɛ̈n tëde week.

Amoth 5:10

Wek ee kɔc ee week jɔ̈ɔ̈ny tëde gööny maan, ku kɔc ee yic lueel ayak keek guɛɛny wei.

Kuɛ̈n 14:41

Go Mothe ke jɔ̈ɔ̈ny lueel an, “Tiëŋkï, wek be ŋoot ke we reec Bɛ̈nydït thok ënɔɔnë, ka bäk tiam adï?

Math 23:35

Luɔi bï riɛm piɛthic ëbɛ̈n riɛm cï lëu ë piny nɔm, luɔi bï ye kut nɔm ë weyiëth, gɔl ë riɛm de Abel raan piɛthpiɔ̈u aɣët riɛm de Dhekaria wën ë Barakia raan cäk nɔ̈k ë kaam de tëɣeric kekë yïk.

Luk 11:51

gɔl ë riɛm de Abel aɣët riɛm de Dhekaria, raan cï nɔ̈k ë kaam de yïïŋ de läm kekë tëɣeric. Wek yɔ̈ɔ̈k ëyic an, abï thiëëc tëde rem de ënɔɔnë!

Nyöŋ 31:17

Ku në ee köölë yɛn bï gɔ̈th wokë keek, ku päl keek. Yɛn bï ya nyin thiaan në keek ku abä keek riɔ̈ɔ̈r nyïïn në karɛc ku nuɛɛn juëc abïk keek yök. Ku në ee köölë abïk aa lop, an, “Karɛc cï wok yökë cie luöi cïï Nhialicda be tɔ̈u kekë wook?

Bäny 6:34

Na wën ke Wëi ke Bɛ̈nydït ë ke bɔ̈ ë Gidiɔn guöp, go kaaŋ kooth, ku cɔɔl dhiën de Abiedher bïk ye kuany cök.