2 Lëk 24:12 - JAM DE NHIALIC 2011

¹² Go melik kekë Jeɣoyada bɛ̈ny de kake Nhialic, wëu gäm bäny guiir Luaŋdït, agokï kɔc ee kur guaŋ, ku kɔc ee tiim geeth kɔ̈ɔ̈th, ku kɔc ee wëëth ku maläŋ thɔ̈ɔ̈th riɔp.

2 Lëk 24:12 ပူးပေါင်းရင်းမြစ်များ

2 Tham 5:11

Go melik Ɣiram në päny de Tayer kɔc tuɔɔc tëde Debid, ke ke muk mën dït ke tiim ke thidar, ku kɔc ë tiim guaŋ, ku kɔc ee kur pak yiic, ke ke bï ɣönë bääny ë Debid yïk.

1 Mel 5:15

Ku Tholomon aa de nɔm bot kathiërbɛ̈t 80,000 ke röör aya, kɔc ee kur guaŋ piny ë kuur, ku bot kathiërdhorou 70,000 ke röör bï kur aa ɣääc,

2 Lëk 24:11

Kɔc ke Lebai aake ye Athänduk lɛɛr tëde bäny nu ë luɔi de athänduk nɔm aköölnyïïn kedhie. Ku të cïï athänduk thiäŋ, ke bɛ̈ny ee kake melik gɔ̈ɔ̈r, ku raan töŋ cï bɛ̈ny tueŋ de kake Nhialic kuany, ayek wëu bɛ̈ɛ̈i bei në Athänduk yic, ku dɔkkï athänduk nɔm tëdɛn wën ee yen tääu thïn. Acïk wëu juëc arëët bɛ̈n kut.

2 Lëk 24:13

Go kɔc lui aläl kedhie, abïk ɣön ë Nhialic bɛ dak nɔm ë täudɛn ɣɔn tueŋë yic, abï riɛl awär tändɛn thɛɛr.

2 Lëk 24:27

Ka cï ke gɔ̈ɔ̈r në awerek de kathɛɛr ke meliik yiic, ajamkï në biäk de wɛ̈ɛ̈t ke Jowac, ku ka cï caar ë biäkde, ku ka cï gɔ̈ɔ̈r në biäk ë kueer ë be yen ɣön ë Nhialic yïk. Go Amadhia wënde lɔ në nyinde yic ke ye melik.

2 Lëk 34:8

Na ɣɔn aa cï run lɔ kathiëër ku bɛ̈t ke tɔ̈u ë bääny yic, ku cï baai kekë Luaŋdït tɔ ɣeric, ku cï läm de yiëth nyaai ëbɛ̈n, go Melik Jothia kɔc kadiäk tooc bïk Luaŋdït Nhialic lɔ nyɔk ë guiɛɛr: Go yï Capan wën de Adhalia, ku Maathia, bɛ̈ny de Jeruthalem, ku Jowa wën de Jowaɣadh bɛ̈ny lɔ ë melik cök tooc.