2 Lëk 23:8 - JAM DE NHIALIC 2011

⁸ Go Lebai ku kɔc ke Juda kë cïï Jeɣoyada lɛ̈k keek looi. Röör cï bɛ̈n ë luɔi yic në kööl ë Thabath acïï keek ee päl jäl, go bäny ke rem de tɔŋ kɔc cï thök ë luɔi, ku kɔc bɔ̈ në luɔi yic määt nïïm tëtök.

2 Lëk 23:8 ပူးပေါင်းရင်းမြစ်များ

2 Mel 11:9

Go bäny ke rɛm ke tɔŋ looi cït man cï Jeɣoyada bɛ̈ny de kake Nhialic ye lueel, go bäny ke rɛm ke tɔŋ, rem de tɔŋ cï lɔ në Thabathic, ku rem de tɔŋ bɔ̈ bei në Thabathic määtic, ku bïïkï keek tëde Jeɣoyada bɛ̈ny de kake Nhialic.

1 Lëk 25:25

Ku lööny thiëër ku bɛ̈t kekë Ɣanani, ku wɛ̈ɛ̈tke ku mïthëkɔcken, ayek thiëër ku rou.

1 Lëk 26:26

Celomoth kekë wɛ̈ɛ̈t ke ɣönden thok, kek aye kɔc cï kuɛ̈ny luɔi de miɔ̈c de Nhialic ee bɛ̈n tëde melik Debid, kekë bäny ke ɣööt thook, ku bäny ke dhiën thook, ku bäny ke rem de tɔŋ.

1 Lëk 9:25

Kɔc ee tïïtkë aake ye kuɔny ë kɔc raan ë keek rɛ̈ɛ̈r ë bɛ̈iken yiic, ku ayek tiët wɛ̈ɛ̈r ë nïn kadhorou yiic.

2 Lëk 23:7

Kɔc ke Lebai abïk kɔ̈ɔ̈c ke ke tit melik, ke cïk tuɔɔk cil, ku mukkï abätɛ̈ɛ̈uken në kecin, ku abïk tɔ̈u ë melik ëtök të lee yen thïn. Ku na de raan them en bï lɔ në Luaŋdïtic ë riɛl abï nɔ̈k.”

2 Lëk 23:9

Go Jeɣoyada bäny ke rem de tɔŋ tɛ̈k cïn tɔɔŋ ku kööt wään ee kake Melik Debid, aake cï tɔ̈ɔ̈u në ɣön ë Nhialicic.