2 Lëk 22:7 - JAM DE NHIALIC 2011

⁷ Nhialic aa tɔ Aɣadhia lɔ tëde Joram, ago aa kë bï yen tɔ thou. Na wën ŋoot Aɣadhia ëtɛ̈ɛ̈n, ago lɔ biic kekë Joram bïk lɔ yök ë raan cɔl Jeɣu wën ë Nimci, raan cï Bɛ̈nydït lɔc bï dhiën de Aɣap riɔ̈ɔ̈k.

2 Lëk 22:7 ပူးပေါင်းရင်းမြစ်များ

1 Mel 12:15

Aa ye këde piɔ̈n ë Bɛ̈nydït ke jamde bï aa yic, jam wään lëk tiët Aɣija raan wun ë Cilo lee lɛ̈k Jerobowam wën ë Nebat. Yeka kën ë melik jam ë kɔc piŋ.

1 Mel 12:24

“Duökï mïthëkɔckun yïn tɔŋ, kɔc ke Yithriɛl. Pɔ̈kkï wenïïm ë bɛ̈ikun yiic, kën ë loi rɔt ee këde piɔ̈ndï.” Agokï jam ë Bɛ̈nydït piŋ ku pukkï kenïïm ë bɛ̈iken yiic.

1 Mel 19:16

ku Jeɣu wën ë Nimci abä tɔc ke ye melik de Yithriɛl, ku Elica wën ë Capat de Abel Meɣola abä tɔc bï ya tiët ë Nhialic ë nyinduyic.

1 Mel 22:20

Ago Bɛ̈nydït lop an, “Eeŋa bï Aɣap lɔ math ke bïï lɔ nɔ̈k Ramoth Giliyad?’ Go tuucnhial kɔ̈k aa bɛ̈ɛ̈r ë jam däŋ, ku lueel kɔ̈k däŋë,

2 Mel 10:11

Ago Jeɣu kɔc raan në Aɣap ɣɔn rɛ̈ɛ̈r në Jedhreel nɔ̈k kedhie, ku nɛ̈k bänykɛn ke luɔi kedhie, ku nɛ̈k määthke, ku gucke, acïn raan töŋ cï bɛ̈n döŋ ke pïïr,

2 Mel 9:21

Go Joram ke yɔ̈ɔ̈k an, “Cuɔckï abëldiën ë tɔŋ.” Gokï looi, na wën ke Joram melik de Yithriɛl, ku Aɣadhia melik de Juda ë ke lɔ biic, ke ŋɛk ë cath në abëldɛn de tɔŋic, lek rɔ̈m në Jeɣu. Gokï lɔ rɔ̈m në yen ë dom de Nabothic, raan ë Jedhreel.

2 Mel 9:27

Na wën aa lɔ Aɣadhia melik de Juda ye tïŋ, go kat ë jöŋgörde ke wel e nɔm wun cɔl Bethɣagan, go Jeɣu cop cök ku lëk kɔcke an, “Näkkï aya.” Gokï moc në abëldɛn ë tɔŋ kɔ̈u, të wën ciɛth en në kueer lɔ Gur, tëthiääk ke wun cɔl Yibiliim. Ku acï bɛ̈n lëu bï ɣet Megido, ku jɔ lɔ thou ëtɛ̈ɛ̈n.

2 Lëk 10:15

Aa ye këde Bɛ̈nydït Nhialic piɔ̈u ago jam wään cï lɛ̈k Jerobowam wën de Nebat në röl de tiët Aɣija raan wun ë Cilo aa yic. Yeka kën ë melik jam lɛ̈k ë kɔc cï bɛ̈n tëde yen piŋ.

2 Lëk 22:6

Go rɔt pɔ̈k Jedhreel ke bï guöp lɔ waar në bɔ̈ɔ̈t ɣɔn cï ke yök në Rama, wään thɔ̈ɔ̈r en kekë Ɣadhiɛl melik de Thiriya. Go Aɣadhia wën de Jeɣoram melik de Juda lɔ tëde Joram wën de Aɣap ë Jedhreel le tïŋ, në biäk ee de yen guöp juäi.

Diɛt 9:16

Bɛ̈nydït ee rɔ nyuɔɔth në guiëërdɛn ë piathëpiɔ̈u, ku kɔc ee kërac looi acï kërɛɛcdɛn yek looi ke dɔm.

Kɛ̈ŋ 16:9

Kïït ee këde raan ku jɔ Bɛ̈nydït thöl thok.

Yith 46:10

Ɣɔn gɔl ë käŋ yɛn cï kë tuöl caar, ɣɔn thɛɛr yɛn cï kë bï tïc guiir. Acä lueel an, kë cä kiëët acïï bï löny, ku Yɛn bï këriëëc kaar bä looi ë bɛ̈n looi.

Ɣodh 14:9

Go Ɣodhiya lɛ̈k keek alëyɔ̈ɔ̈ an, “Na de raan pel nɔm? Ke yök ee kakë yiic kedhie. Kuɛɛr ke Bɛ̈nydït ayek yith, ku aye kɔc piɛthpiɔ̈ɔ̈th ke kuany yiic, ku raan reec Bɛ̈nydït, ee tuëk thïn ku wïïk, në biäk ye kek keek dhɔ̈l yiic.

Malakai 4:3

Piɛŋkï kë lueel ë Bɛ̈nydït de rɛm an, Kɔc ë karɛc looi abäk keek dum yiic në wecök në ee köölë. Abïk aa abuui tei në wecök kööl lan ee kakë looi.

Nyöŋ 32:35

Bɛ̈nydït abï guur nööm ku kuum keek, ku akööl abïk bɛ̈n akööl bï kek lony, akööl lony kek acï thiɔ̈k.

Jocua 11:20

Aake cïï Bɛ̈nydït tɔ gam tɔŋ në Yithriɛl, në luɔi bïï ke riɔ̈ɔ̈k taitai, ku näk keek të cïn kokdepiɔ̈u. Yen kë ɣɔn thön ë Bɛ̈nydït Mothe ka.

Bäny 14:4

Aa kuc ë wun kekë man nɔn yen Bɛ̈nydït yen tɔ Thamthon loi ee kënë, në baŋ kɔɔr ë Bɛ̈nydït kueer bï Yen tɔŋ looi kekë kɔc ke Pilithiin. Ɣɔn në aköölkë yiic Pilithiin aake ceŋ kɔc ke Yithriɛl.