2 Lëk 22:11 - JAM DE NHIALIC 2011

¹¹ Melik Aɣadhia ade nɔm nyanwun cɔl Jeɣoceba, cï thiaak në bɛ̈ny de kake Nhialic cɔl Jeɣoyada. Go wën töŋ de Aɣadhia thiaan, wën cɔl Jowac, go jɔt ë mïth ke melik kɔ̈kkë yiic, mïth kɔɔr bïï ke nɔ̈k, ku le thiaan kekë awut ɣön de tɔ̈c nu ë Luaŋdïtic, ku jɔ muk apiɛth. Në luɔi cï yen en muk ke thiɛɛn, acï bɛ̈n tɔ poth në Athalia cin ke kën nɔ̈k.

2 Lëk 22:11 ပူးပေါင်းရင်းမြစ်များ

2 Tham 7:13

Yen abï Yɛn yiëk ɣöt, ku thööny de ciɛɛŋde yen abï tɔ̈u athɛɛr.

1 Mel 15:4

Ku në biäk de Debid, Bɛ̈nydït acï Abijam bɛ̈n gäm mɛwä bï lɔ̈ɔ̈k aa melik në nyinde yic në Jeruthalem, ke bï Jeruthalem gël.

2 Mel 11:2

Acïn raan cï bɛ̈n tɔ poth ë thuɔɔuwic në mïth ke melikiic ɣɔn nɛ̈k ë Athalia keek man wuönden, ee Jowac yetök wën ɣɔn gɔp ë wɛcë yic Jeɣoceba, nyan ë melik Joram, ku ee nyan ë wun Aɣadhia. Aa jɔt kekë tiiŋ ee ye meth thuɛ̈ɛ̈t, ku leer ë biök nïïm, biök nu ɣön tɔ̈u në kal ë Luaŋdït yic, ku thiɛɛn në Athalia ke cï bï nɔ̈k.

2 Lëk 21:7

ku acïï Bɛ̈nydït kɔɔr luɔi bïï yen bääny de dhiën ë Debid riɔ̈ɔ̈k, në biäk cï yen mät looi kekë Bɛ̈nydït, ku looi gutguut nɔn bïï käu de Debid kɔc wat ë ceŋ.

2 Lëk 22:10

Na wën aa cï Athalia man melik Aɣadhia ye piŋ nɔn cïï wënde nɔ̈k, go kɔc yɔ̈ɔ̈k bïk kɔc baai de melik de Juda nɔ̈k kedhie.

2 Lëk 22:12

Go run kadhetem thöl ke thiaan ɣön ë Nhialic, ku ŋoot Athalia ke ee yen muk bääny ke ee tiiŋ melik.

2 Lëk 23:1

Na ɣɔn cï Jeɣoyada bɛ̈ny de kake Nhialic tïït në run kadhetem, go lueel an aŋuän bä kë cä takë looi. Go bäny ke rem de tɔŋ kadhïc cɔɔl ku mɛ̈t ke keek: Adharia wën ë Jeroɣam, ku Yicmiɛl wën ë Jeɣoɣanan, ku Adharia wën ë Obed, ku Maathia wën ë Adaya, ku lɔ Elicapat wën ë Dhikiri.

Diɛt 33:10

Bɛ̈nydït ee täŋ de juöör riɔ̈ɔ̈k, ku pën keek luɔi looi kek kë cïk kiëët.

Diɛt 76:10

Agönh de kɔc ee rɔt puk ke ye lɛc leecë Yïnɔm tei, kɔc bï pïïr në tɔɔŋ thook, abïk Yïn aa luöi dhuëëŋ.

Bɛ̈n 8:3

Kiir abï thiäŋ kekë agueek, ka abïk Kiir nyääŋ piny, ku lek baaidu. Kɔ̈k abïk ɣet ɣöt thïn të yïn niinë, ku lek lɔ nhial agendu nɔm. Ku kɔ̈k abïk lɔ në ɣööt ke bänyku yiic, ku lɔ kɔ̈k në ɣööt ke kɔcku yiic. Ku kɔ̈k abïk kɛɛc në purundu yic, ku kɛɛc kɔ̈k në guölkuön ke wuööriic.

Kɛ̈ŋ 21:30

Na cak raan nɔm pɛl ku ye käŋ yökiic ku ŋic kïït, ka cïï kïït de Bɛ̈nydït duëër tiaam.

Yith 65:8

Aye Bɛ̈nydït lueel an, “Acïn raan ee enap piɛth riɔ̈ɔ̈k, ee mɔ̈u yen ye looi në keek. Ku yɛn aya yɛn cïï kɔckï bï riɔ̈ɔ̈k kedhie, yɛn bï kɔc ee ya luööi kony.

Luɔi 4:28

bïk käŋ bɛ̈n looi ëbɛ̈n, ka cïï riɛldu ku löŋdu kɔn guiir ɣɔn thɛɛr an, bï ke dhil looi.